أخوي أبو حكيم ..

كل أموري مع زوجي ، لم يثبت عليه أي شي ..
حتى ىخر حكاية ( ما ثبت عليه شي ) .. ؟؟؟؟؟

كيف تبغاني أتثبت ؟؟؟
إذا الشخص اللي أمامي ( مراوغ ، ممثل بإحتراف ، كذاب ، محتال ) ؟؟؟
و لو فلان ما قال ، و لا فلانة ما قالت .. كنت استمريت على ( عماي ، و غبائي ) ..

و أهله انتهت وظيفتهم الآن ، هو رجل بالغ و زوج و أب مسئول عن بيته ،، و قبل كل هذه الأشياء ..
فين ( طاعته و مراقبته لربنا ) ؟؟؟ هل أهله راح يتحاسبوا بدل عنه يوم القيامة ؟؟؟

زوجة تساعده و تعينه عالطاعات ، و على دنيته و آخرته ..
إيش ناقصه ؟

غير إنه ( بيمشي خلف شيطانه ؟؟؟ )

.
.

و لاحظ إنه دقتي و تركيزي ما بدأت ( معه ) إلا بسبب وقوعي بحيرة بين اللي أشوفه و بين كلامه ..
فكان لابد إني أبحث عن ( حقيقة هذا الشخص المراوغ ؟؟؟ )

و لو إنه العيوب اللي أشوفها أنا ( ممكن البعض ما يشوفها عيوب ) ..
ما كان كل مين انقرص منه و عرفه ، قال عنه شي واحد ( انسان فاشل بكل ما تعنيه الكلمة )
و أهله اللي هما أهله ، يقولوا ( شخص ميئوس منه ، علاجه السجن ) ..

و مع كذا ، ما استغنيت عنه .. مع إنه مافيه أي ميزة تخليني استمر معاه
( غير طيبته ، و رومانسيته المصطنعة ) ،، و حتى هذولي غصبا عنه لإنه
يدري ماحد بيتحمله ،، لا أهله و لا أحد ..

.
.

و دقّتي هذه ، فقط ( مع زوجي ،، و أهله ) ..
لإنهم ناس استغلاليين و ممثلين و مخادعين .. يستغلوا عاطفة الإنسان للوصول لمصالحهم الشخصية ..
ناس ماديين و يموتوا نفسهم و يهينوا كرامتهم من أجل ( القرش ) ..

.
.

و إنت قلت :
( زوجي قابل للإصلاح ، و فيه الكثير من الخير ، و يحتاج لوقوفي معه للتخلص من عيوبه بالتدرج )
هذا كان كلامي ببداية زواجي به ، و هذه النتيجة ..

.
.

و أنا هنا ( ماني عارفة إيش المفترض علي فعله معه ) ؟؟؟
ما عاد لي طاقة تحمّل لأي أخطاء تصدر منه ..

يا يصير ( رجال ) ..
يا ( يروح بحاله ) ..

ما راح أكلّف نفسي فوق طاقتها ..

.
.

أكرر ..

( دقتي ) معه فقط و مع أهله ..
و أنا ماني كذا مع بقية الناس ..

بالعكس ، أخواتي زمان كانوا يقولوا ( هذه يا من جد انسانة لا مبالاية و ماعندها احساس .. أو تستغبى علينا )؟
لإني ( أمشي كثيييييير و اطنش ) ..

فاكهة ..

مافي دخان من غير نار ،، صح و لا غلط ؟؟؟

أنا أقول لك بصراحة ، موضوع ( الشراب ) ماني مصدقته .. لإني كنت يوميا أشوفه و أكلمه ..
و البنات ما أعتقد و الله أعلم .. ( بس مع اخر موضوع حصل ، صرت أشوفه واحد - قذر - معلييييه ..

.
.

زوج صحبتي تفاجأ وقت راحوا واجهوه .. فخاف و رمى علي ، عشان يبري ساحته ..
( هذا تبرير صحبتي التانية ، يوم قلت لها .. كذاب و تبلى علي الدليل على إنه كذاب )

.
.

عالعموم ..

هذا ما يبري ساحته ، بس أنا ( قررت ) إني خلاص أنسى بمجرد ما تكلمت هنا و طلّعت اللي بنفسي ..
لكن آخر حكاية حصلت ( أشوف كيف اتصرف فيها ) ..
و يارب تنمسح من ذاكرتي مثل ماهذولا خلاص اتمسحوا ؟

بس كان عقابي لزوجي شديد ، و عاقبته عليها سنوات ..

.
.

قالوا أول ما جينا ، راح مع واحد سعودي مراهق لمكان حقة الحريم اللي يرقصوا فيه و يرموا حالهم عالرجال ..
مين هذا المراهق ؟ الله أعلم ..
بس عادي ، زوجي يصاحب ناس مراهقين .. إيش المشكلة ؟ هو كذا ..
عقله عقل واحد عمره 19 .. دحين بعد الحادثة اللي صارت ( بدأ يبان بشكل اخر ) ..

صار إذا قال أي كلمة ، ما يتراجع عنها .. خلاص يعرف إيش يبغى بالضبط ؟
صار كمان ، يحس إنه ( مسئول عني ) و يخاف علي و يغار .. مو مثل زمان ..

.
.

حكاية البايسون و الشراب هذاك الخبيث ..
أنا ما صدقتهم ، لإني قلت لهم ( إيش الدليل ؟ فين شفتوه ؟ )
قالولي على حكاية السعوديين اللي كلهم شربوا شاي و هو طلب شراب أصفر ..

زوجي افتكره باليوم هذاك وقت راح قابلهم مع زوج صحبتي ،، و ناس أول مرة يشوفهم ..
و زوجي و أعرفه .. ما راح يتجرأ كذا ؟؟؟

بالعكس ، أنا قلت وقتها .. إنه زوج صحبتي لو كان بالفعل ( انسان يخاف الله و صديق صالح و طيب )
كان من وقتها ( انكر الشراب أو بين انكاره عالأقل ، أو نصح زوجي ) لو كان الكلام صحيح ..

لكن كان جالس ( يصيد بموية عكرة ) ..
و زوجي الشي اللي مايعرفوه عنه ، إنه ما يشرب شاي و لا قهوة أبدا ..
حتى قال مرة لعمي أخو أبوي .. ( ريحت بنت أخوك ، لا أشرب شاي و لا قهوة ) ..
ما يشرب غير كولا ، أو مشروب الطاقة بايسون ..

.
.

بأحاول أمسحها ، و ما أرجع لها ( وقت الزعل ) ..
عشان كذا فتحت الموضوع هذا ..

.
.

و أخوي أبو حكيم ..

كلامه عين العقل ،، بس كل شي مصدره ..
( قالوا و قالت ) و ما ينفي الشي هذا أو يثبت ( إنه زوجي برئ ) ..

ليه أخوي ( ملتزم الصمت ) ؟؟؟

.
.

و تحليلك راااااااااااااااااااااااااااااائع ..

.
.

ماني عارفة ( إيش القلب الغبي ) هذا اللي مخليني كذا ..
بس ترى لإنه ( زوجي و أهله ) مكارين بشكل ما تتخيليه .. مو لإني ( عاطفية مثلا ) ؟

يعني مثلا ، ممكن حماتي بيوم تطلب قدامي فلوس من بنتها .. و تقوم تقول لزوجي
و الله يا ولدي أمس ماكان معايا و لا ريال واحد و ما عندي و لا قرش من كم يوم ..
( هذا تخطيط منها ، عشان تستعطفني .. و تكون كذابة ،، عندها فلوس مكنزته )

بس لإني ( هبلة ) و أخد الناس بحسن نية و أحسن الظن .. فيستغلوا هما الشي هذا و يشوفوه ( هبل ) ..
عشان كذا ( صرت أدقق ) مع زوجي و أهله .. و اختصرت على نفسي و عليهم المشوار ..
و ما صرت أصدق أي شي أسمعه منهم ..

.
.

******************

ما أبغى أي شي منه ، أبغى أرجع لربنا ..

و هو مستعد حالياً ، إنه يتقرب لربنا ..

عنده تقبّل الفترة هذه للتوجيه .. لإنه بيحاول مع نفسه ..
و شايفته بيحاول ..

و قالي لي
( إنت بيدك تغيريني للأفضل ، و إنت عارفة الشي هذا بداخلك، و عارفة إنك ممكن تصنعي مني اللي تبغيه ) ..

و أنا مرات أتقدم و مرات أتراجع ..
نفسي صادّة عن تصديق أو سماع أي شي منه ..

لإنه ممكن توصل بزوجي مرات ، يضحك علي بالكلام هذا و ينفخ فيا ..
عشان مصلحة لنفسه .. اكتشفها بعدين ، بعد ما أكل الطعم ..

هذا كأنه يتكلم بلسان زوجي ، أول ما تزوجته ..

http://www.66n.com/forums/showthread...=1#post2862310

كنت ضعيف الشخصيه كان الطلاب يضربوني وانا كنت ما اقدر ادافع عن نفسي حتى في الطابور كانو يصفوا ويرجعوني لحد ما اصبح للخلف واخر واحد ..
كنت ابكي واحس نفسي ضايع كان في مجموعه طلاب وانا في الصف الرابع لحد الصف الثامن وانا اتعرض للاهانات والضرب منهم
كنت اخاف اقول للمعلم حتى ما اتعرض للضرب منه او حتى الاهل حتى ما اتعرض للاهانات اني فاشل

------

ومن يومها وانا لا اخبر امي باي امر يحصل معي خشيه ان اتعرض لمثل هذا الموقف

------

كنت اتعرض لمواقف والاهل يلومو لكن انا من هذه الناحيه بطلت احكي لهم اي شيء حتى ما اتعرض للوم والانتقاد من الوالده ------

ما بتكلم مع الناس ولا بعرف حتى افتح موضوع لانه كثير اتكلم مع اهلي مرات لما كانوا يقتحوا مواضيع ولكن ما حدا بيسمعلي ..
يطنشوني دايما و الى الان االاحظ هذا الامر ..

-----

امي كثيرة الحرص علي وخوف لانه الوالد مش موجود لكن الاسلوب خطا كثر الحرص والخوف لاتعمل ولا تسوي اوعى فكثر التدخل والتعليمات خلاني احب اجرب الامور الخطأ
مثل التدخين والتعرف على بنات ولا اصلي ..

-----

لا اواجه الناس ومن خلف حائط فآخذ راحتي حتى اني لا استطيع فتح مواضيع على الانترنت فقط كيف الحال وشو الاخبار كم العمر وبس ما اعرف اكمل ..

-----

اتجنب محادثه الاكبر مني وكما اني اخاف من الاكبر مني احس لو فتحت معاه موضوع ما (اعرف اكمل) او حتى
احس اني تافه ومواضيعي تافهه ..

-----

كثير الجلوس مع اصحابي وما بجلس في البيت اتجنبها واروح اجلس في مقهى الانترنت حتى في رمضان

قبل الاذان اجي البيت لانه الوالده كثيرة الاستفزاز والانتقاد روح ادرس روح اتعلم اشتغل

ما كنت احب ادرس كنت اسمع الاغاني معانده وكثر الكلام زهقني روح روح .. انا بعرف انها كله لمصلحتي
لكن كثر الشد رخيت اسلوب امي واخوي زهقني وخلاني امشي العكس كلامهم كرهني نفسي ..

-----

امي توصي الناس عليه عشان افضل ماشي صح ما بتعرف انه انا بصير اعمل العكس لانها منذ طفولتي وهي تحرص انا الان كبرت مش صغير ..

ما في عند امي تحفيز دايما ايش هاد وما يعجبها مافي تشجيع منها وم اخوي ولا حتى اختي
بضل بره البيت المهم ما اجلس لانهم كثيري الكلام ايش هدفك روح اشتغل ادرس تعليمات تعليمات تعليمات انا زهقت منهم لاجل هيك انا كثير الصمت وما احب اختلط في حد

------

احب اني اكون قوي في المواجهه اخذ حقي .. لا احب ان استهزيء على شخص لاني مريت بتجربته مستحيل اتدخل ..
امي تصير تشجعني وامشي على الي احبه زي مثلا احب ان اتخصص بمجال الكمبيوتر ولكن اهلي بدهم امر غير هيك ..

-----

اشعر اني مؤدب جدا وخجول في التعامل

-----

اخاف ارد واجيب وتصير قصه وبرضه كمان مع الاقارب يسالوني كيف الحال قلت الحمدلله وبس لكن ما حكيت غير هالكلمتين يمكن الادب مطلوب بس انا شايفه مش ادب انما فيه خوف من العواقب لو تكلمت

-----

اخاف من كلام الناس بستحي من اني اتكلم مع حد قريب مثلا او من بعيد عشان ما بعرف اتكلم لو حدا حكا معي اصير ابتسم واخجل نفسي اصير اخذ واعطي بالكلام وافاوض وما اخجل اخاف من العواقب لو تكلمت مثلا

-----

لا اتكلم عن حالي امام شخص مثلا لو حصل حديث لانه مافي شي احكي عن نفسي مافي هدف ما اعرف ..

.
.
.

هذا كأنه بيتكلم على لسان زوجي

الفرق إنه الشاب هذا عمره 18 ..

أنا كيف ممكن أتعامل مع زوجي ؟؟؟؟؟؟؟

زوجي بنفسه ، مو راضي عن نفسه .. بس ما يعرف كيف ؟؟؟؟؟

أحسه يقلدني ،، بس تقليده لي ( صعب ) .. و ما راح يساعده ..
و أنا مخي أحسه خلاص متوقف ، و بحاجة لشخص آخر يساعده ..

.
.

زوجي بداخله ( خير ) .. و الدليل إنه ما يحقد و لا ينتقم و لا يأذي مخلوق ..
و عينه تدمع إذا سمع أيات القران ، و حافظ للقران ..

نسيت أقول شي ،،
زوجي لو كان برة في الشارع و أذن العشاء مثلا ،، يركن السيارة و يروح يصلي بالمسجد ..
لو ( ما كان وراه مشوار أو شي شاغل باله )

( نفسي و كرامتي )
رافضة تساعده أو الوقوف معاه ..


( علمته الرماية فلما اشتد ساعده رماني ) ..
ليش أعرّض نفسي للموقف هذا ؟؟؟

.
.

راح أستغل وجوده معاي ، و أحقق مصالحي من وجوده ..
هذا هو التفكير اللي بداخلي ..

لإنه الرجل بالنهاية ( شخص أناني ) ..

.
.

و بالمقابل ..

بالمقابل ..

شخص آخر بداخلي يقول لي ( لأ .. هذا مو إنت ) ..
هذا حبيبك اللي يحبك و تحبيه ،،

هذا اللي ضحى بتعبه عشانك و اللي يهمه سعادتك و اللي و اللي ..

.
.

عشان كذا ، أنا قلت ( المشكلة فيا أنا الآن ) ..
علاجي أعرفه ، إني ( أقوي علاقتي بربي ) .. لإنه هو الشي الوحيد اللي يهذبني ..

أما زوجي ( علاجه بيدكم إنتوا بعد الله ) ..

أخوي أبو حكيم ..

العجيب بأمر أهله ، إنهم كذا يتكلموا عنه من خلفه ( من يوم ما تزوجته ) ..
و لدرجة مرة وحدة من أخواته قالت لي ( علاجه الوحيد إنك تتطلقي منه ، عشان يصحى ) ..

كانوا يظهروا عيوبه لي ، و كنت أبعد عنهم عشان نفسيتي لا تتأثر ..
و ما كنت أظهر لهم أي شي عن اللي بيننا أبدا ..

.
.

العجيب ..
إنهم قدامه و أقصد بكلامي هذا أخواته ..
( زي العسل معاه ) و يحبوه ماشاء الله .. و افرح لمحبتهم له ..

ما أعرف ، إيش أهدافهم إلى الآن ؟؟؟
بس ما عاد يهمني كلامهم ، و ما صرت أتأثر مثل زمان ببداية الزواج ..

بالعكس ، دحين صرت أدلعه قدامه و أزيد ثقته بنفسه أمامهم و أمدح فيه و أطلعه للسماء أمام أهله ..
و هو صار مررررررررررررررررة ينبسط و يفرح ..

و حتى مقررة ، لو انتقدوه و حتى لو كلامهم صحيح ،، لإنه الصراحة كل كلامهم صحيح عنه ..
راح أبين إنه عكس كلامهم ،، و أمدح فيه مثل ما أعمل مع ولدي ، يوم أحد ينتقده ..
أتقصد أنادي ولدي و أقبله و أحضنه و أقول لولدي ( حبيبي .. مافي مثله ووو إلخ )

و أتوقع إنه الشئ هذا راح يأثر في زوجي كثير و يجيب نتايج رائعة بإذن الله ..
و الحلو ، إنه أهل زوجي ما عندهم مثلا ( عيب الوحدة تدلع زوجها قدامنا )

فحلو إني استغل النقطة هذه ،.

.
.

أنا بصراحة .. ( يمكن صح وصفته بأوصاف قبيحة هنا بآخر رد لي .. و للأسف ما أقدر أعدل و أحذف ،،
كلمة قذارة ، استغفر الله ما قصدتها ،، بس مقهورة منه و كاتمة .. لإني مهما كان إمرأة مجروحة )

لكن الحق ..
( ما أشوف إنه سيئ للدرجة اللي هم يوصفوه بها ، و لا بالدرجة اللي يتكلموا فيها عنه ) ..
و الناس اللي انقرصوا منه .. كان قصدي زمان و قبل لا يتعدل دحين ..
و بعد زواجي منه ، مو قبل الزواج .. كنت أشوف يرسلوا دعاوي عليه و علي و على أولاده في جواله ..
و كان الشي هذا بعد ما تزوج و بدأ يختلط بالناس .. و كان ياخد فلوسهم و ما يرجعها و يضحك عليهم ..
بس تغير الحمد لله دحين بالنقطة هذه ..

و أنا أدري إنه أهلي غلطانيين بعدم السؤال ، و شفت أخوي ما تعب حاله بالسؤال ..
اعتمدوا على سؤال أمي للأقارب و الجيران ..

بس كانت أمي كل ما سألت أحد
( قالولهم ما سمعنا عنه أي شي ، لا شي كويس و لا بطال )

و أمي قالت لي مرة من المرات ..
( تعرفي إنه زوجك ماله ذنب إننا نحاسبه على إنه إمام مسجد ، و طلع شخص عادي ؟
لإننا نحن اللي رسمنا له صورة بخيالنا و جلسنا نحاسبه عليها )

طبعا أمي بالفترة الأخيرة من حياتها ، كانت بالفعل تحبه و تعزّه ..
زوجي بصراحة و بشكل عام ( انسان جداً مؤدب و محترم ) ..
و ملامحه بريئة و فيه سمة الصلاح بملامحه ..

فكرت بكلام أخونا أبو حكيم ..
إنه هناك صفات بزوجي أنا أشوفها عيوب ، و هي بنظر البعض عادية ..

.
.

صح كلامه الصراحة ،،
جلست مع نفسي و فكرت ، و افتكرت الفترة اللي حطيت فيها رجولي على أرض ( الواقع ) ..
و كيف عشت بصراع نفسي و تعبت نفسيتي لحد ما أتقبل الأمور ، و الغربة ساعدتني كثير ..

يمكن كنت عايشة ( بقوقعة ) من ( عالم المثالية ) اللي صنعته ( بخيالي ) ،
بس لما عشت مع زوجي و بدأت ( أتقبّل ) عيوبه و سيئاته ..

اكتشفت الصراحة ، إنه الناس كذا عايشة بالمجتمع .. و إنه زوجي مجرّد عيّنة من أفراد المجتمع ..
أنا اللي كنت عايشة ( بعالم خيالي و مثالي ) .. و كنت أحسب كل الناس عايشة مثلي و مثل امي ..

بس بالغربة وقت انحطيت لوحدي أمام المجتمع و من كل العينات، اكتشفت إنه أغلب أفراد المجتمع عندهم العيوب
اللي كنت أشوفها بزوجي .. ( بس الفرق إنه زوجي تجمعت فيه كل العيوب هذه ) ..

يعني ممكن نلاقي وحدة تشتكي من زوج ( كذاب )، أو وحدة تشتكي من زوج ( طماع )
أو وحدة تشتكي من زوج ( أهله مادري كيف )، أو وحدة تشتكي من زوج ( اتكالي ) ووو ... إلخ

يعني زوجي تجمعت فيه ( كل هذه العيوب ) ..
هنا المشكلة ..

و المشكلة التانية ، اللي كنت أعاني منها ..
المثالية ( الزايدة ) .. و اللي خلتني انصدم بالواقع .. و اللي زوجي كان عيّنة منها ..

بس استفدت - بعدين - ..
و بديت أعيش الواقع بكل عيوبه و محاسنه ..
و بنفس راضية و مرتاحة ..

و حتى بعد ما بديت أعيش بعالم الواقع ، اكتشفت عيوب في أهلي كنت أشوفها زمان ( ميزات فيهم ) ..
و بالتأكيد .. العيوب هذه ، كنت أعاني منها زمان و تخلصت منها