السلام عليكم
بصراحة اخوي وبدون زعل انت اللي اعطيت زوجتك الراية الخضراء من البداية بأنك مثلت عليها انك الشخص الغافل اللي ما يعرف وش يصير من حوله
مفروض من البداية فهمتها ان هالامور ما تمشي علي
صحيح فيه امور نمشيها بمزاجنا لزوجاتنا ونتغابى فيها لكن مو مثل هالأمور
اللي التمسته من ردودك هو ان عصبيتك وقمة الزعل اللي انت فيه مو سببه الموقف اللي صاير
اللي كبره هو مافي داخلك من عدم رضا عن خطيبتك وعدم رضاك على اختيار والدتك
بدليل كلامك عن خطيبتك
اقتباس:
المشاركة الأصلية كتبت بواسطة لاحب بعد اليوم
حلولك تنفع لو عندها ربع عقل
هذي مثل ماقلتي بلا عقل
|
هنا تصفها بانها بلا عقل المراه اصلاً ناقصة عقل تتحكم عاطفتها فيها اكثر من عقلها ياعزيزي فخطيبتك قد تصرفت بناء على غيرتها الشديدة وخوفها خصوصاً انك تعمل بمكان مختلط ازداد خوفها فأرادت ان تطمأن فقط بطريقة نقول لم تفكر بعواقبها
ولعلي أذكر لك ان زوجتي قد اضافتني في الماسنجر وحاولت التعرف علي لأني في احد الأيام جلست على الماسنجر ساعات طويله فشكت بي والله الى اليوم لم اقل لها انه انتي مع اني اكتشفتها ببساطه وسهوله ولكن تريد ان تطمان وكانت المحادثة عبارة عن 3 كلمات
من انتي ؟؟ الجواب بتعرف جوابي على تبن وحظر وحذف وانتهى ليه اسوي اني الشخص اللي بيكشف المخططات الكبيرة و و و و
نقطة اخرى اخي الكريم
اقتباس:
المشاركة الأصلية كتبت بواسطة لاحب بعد اليوم
وهذي صاحبتها الروح بالروح واللي وثقت فيها عشان تختبرني
وكل قرين بالمقارن يقتدي
وبالنسبه لصلاة ألأستخاره انا من بداية الموضوع او قبل الملكه صليتها فوق ال50 مره
شهر وانا اصلي وماكنت مرتاح
بس امي الله يطول عمرها اجبرتني
الحين وش اسوي اروح اقول لأمي شوفي اللي اخترتيها لي وش تسوي
بس مقدر ازعل امي
وما ابغى ابين لها انها اخطأت وجابت فيني العيد
|
وهنا تصف انك لست راضٍ اصلاً وغير مقتنع وغير مرتاح ولكن الوالدة الله يحفظها لك وتزوج عيالك وعيال عيالك هي من اجبرتك عليها
سؤالي الآن :
هل ستجبرك أمك أن تعيش مع خطيبتك طول عمرك ؟؟
بمعنى آخر لو قلت لأمك يا أمي انا ما اقدر اعيش مع فلانه خلاص انتهى
هل تطيع امك لو قالت لك ما تطلقها واجبرتك بنفس الأسلوب في الزواج منها ؟؟
لا اعتقد ذلك لأنك لحظتها بتفكر اني مو طايقها
اخوي العزيز لاتظلم بنت الناس معاك اذا انت مقتنع فيها كمل زواجك وافرح وفرح امك
اذا انت مو مقتنع امسك بطرف الخيط هذا لهذا الموضوع اللي وصل الى صفحات وصفحات واعتبره السبب في انفصالكم
لأن حياتكم لن تتوقف على هذه المشكله باقي امامك الكثير من المشاكل ان لم تتصرف بحكمة الآن فماذا ستفعل غداً ؟؟
ووالله اني اسف ان كان ما كتبت قد ازعجك
فهنا نجد انك انت مخطئ وتعلق عذرك على شماعة هي ارسلتها لي تتحمل ما يحصل
وهي مخطئة وتعلق عذرها على شماعة اني حلمت بكذا وغيرانه عليك
في الختام اذا انت شاري بنت الناس وتبيها وهالمشكله عكرت صفوك وعكرت مزاجك فأنصحك تكلمها وتقولها من اعز صديقاتك
اذا ذكرت فلانه قولها صارحيني انا اسمعك اذكري لي ما حصل من تخطيط منك ومنها واسرد لها القصة كامله وافهمها انك اعطيتها فرصه وفرص كثيرة انها تصارحك ولم يحدث وعاتبها وبين لها انك انت الرجل العاقل اللي يلقطها وهي طايره
علشان تغير الصورة هذي عنك وتحترمك وتعرف انك رجال ما ينضحك عليك بأي نوع من انواع المقالب
وأسأل الله لك التوفيق واعتذر على الأطاله اخي الكريم وتقبل ردي برحابة صدر