موضوع رهييييب
و تعظيم سلام لكل متمسك بزيّه القومي لكن يعذروني الحريم شوي ،، خجلهم مالغ و ماله طعم يعني ممكن أنها تغلط عليه و تغثه على الشقة و الأثاث و غيره و بعدين تجي الوحدة و تتصنع الخجل |
انا ما سويت عرس
بس ملكه ورحنا اشترينا كباب من المطعم وجينا بيتنا وسويت لنا كرك وجلسنا نسووولف للصبح والله ليلة زواجي ما تختلف عن بقية حياتي .. هالشيء احيانا اذا فكرت فيه احزن ! |
يوووه ياليت ذاك اليوم يرجع ..
انا على اني جريئه جاني رجفه وخوف مو طبيعي كنت ارتجف مـــــــــــره لدرجة انه يوم دخل وشافني كذا فصخ بشته وحطه على كتفي على باله اني بردانه خخخخخخخ .. ويوم ركبنا السياره جا بيمسك يدي وانا اللي الصق بالبااب وانكمش واحضن يديني مدري وش جاني خفت., وبالفندق دخلت وجلست على اول كرسي قبالي وساكته والمسكين يقول مبروك ولارديت ,, كل عام وانتي بخير ولارديت عيدكم مبارك مافيه رد آخر شي قال أحسن الله عزاكم وانا ساااكته,, شوي قام وطلع ورجع معه اخوي وهو منفجع يقول الرجال يقول انك ماتبينه وش فيك..؟؟ قلت مافيني شي بس خايفه قله لايجيني << مدري شلون قلتها لاخووي خخخخخخخ ورجع وقالي والله ماألمسك الا اذا انتي قلتي لي والله اليوم بس تعارف مافيه شي << لاني ماكلمته وقت الملكه ولاشي.. المهم اخذنا شوي على بعض وارتحت له وبعدها حسيت الرجال موب طبيعي وعيونه حمراااء.. دق على اخوه وطلع .. شوي الا يدق علي ويقول انا بالمستشفى معه حراره وانفلونزاا ومارجع الا بعد ساعتين وجايب معه فقس وجلست ادهنه بذا الفقس لين نام من التعب .. وانا اندب حظي .. وارسل لاختي اقولهاا العرس وع .. ههههههههه بس والله ليله حلوه للحين نتذكرها ونضحك .. وألف شكر لصاحب الموضوع .. |
اهنيك اخي على المو ضوع الرائع
با النسبه لي ليله الدخله حجزت فندق با الفيصليه(((--- مسوي اتكيت جيت من الزواج ع طول بيت خال طبعآ كنت مستاجر بي ام دبليو تصدقون ما عرفت اطفي السيار خليتها مشغله ساعه ونص داخل بيتهم(--- ابد مو قروي المهم بعد ما خلصو تصوير وخربطه بعد ما ركبت السياره شلت البشت ماش احس مربط فيه اخذتها ورحنا للفندق ورقينا للغرفه وجلست اسولف ع نفسي وهي انواع التطنيش وبيني وبين نفسي وش اسوي مع ذا البنت(- يلمح بس ماكو فايده ويجيب اخوي عشا فشلني الله يفشله بكرتون العشا اقوله عند الباب وشذا قال العشا الى طالبه قلت عاد بكرتون يا الفاهي قلت ضف وجهك انت وعشاك ههههه المهم طاقني الجوع وجبته وحطيته ع الطاوله احسها تقول خير بكراتين العشا قلت عشان يا قلبي ما يبرد حطه اخوي بكرتون (- متفشل وخرت الكرتون ع جنب وجيت اببدا بسم الله واكل لي قطعه سمه والله يا هي بارده تقول مطلعها من ثلاجه قلت خوش عشا يمدحون الحمص والتبوله لا يجينا تسمم من ذا المطعم طبعآ كل ذا الكلام بيني وبين نفسي خلصنا عشا والمح بس ما عطتني وجه والبس البجامه والقاها وسيعه ما قستها قبل على حظ منكوس المهم لبستها الشكوى لله ابسوي اتكيت عند الزوجه طبعآ احول اخليها تسولف با القطاره وهي انواع التنافظ قلت يا الله تصبحين ع خير وهي جالسه بزاويه السرير هذا الى حصل بليله الدخله احترامي للجميع |
رووووووووووووووووعه
موضوع يشرح النفس .. الله يسعد صاحب الموضوع والاعضاء اللي اسعدونا بمواقفهم .. بالنسبة لي والله كانت الليله عادية مافيها شي مميز .. زفة وربكه وتوترررررررر .. وزوجي بعد ماغيرت ملابسي على الصبح .. يقولي .. يالله نروح ننام .. الاخ على باله الموضوع بهالبساطة .. فكانت نهايته انه نام في الصاله وانا والله على التعب اللي فيني ما قدرت انام من الخوف لايدخل على غفله مني .. وشوي الا باب الغرفه انفتح .. قلت بس الاخ ماله امان .. الا طلع يبغى ياخذ مخده المسكين .. فعدت اول ليله على خير لكن ثاني ليله ماعددددددت .. والحمد لله .. الله يسعد الجميع يارب .. ت ح ي ا ت ي .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|