صراحة ما أعرف زوجين حولي أحدهم معاق ... ابدا .. حتى أسرد قصتهم ..

ولكني أعرف قصتين أو ثلاث لزوجات أزواجهم معاقين ذهنيا ...

بنت غامد .. اسمحيلي بعدم سرد القصص لكن كلكم هنا تكلمتهم ووجهتم الحديث عن الأعاقة الجسدية .. ولم تتكلمو عن الإعاقة الذهنية ..

بالرغم من أنها هي أكبر مشكلة .. يارب أرفع عن الزوجات اللاتي يعانون من أزواج معاقين ذهنيا ..

طبعا أحب أقول إن الزوجه لو تعرف قبل الزواج بإعاقة زوجها الذهنية لن توافق بالطبع .. ولا لأحد يلومها

لكن دائما هذه الأعاقة تكتشف بعد الزواج .. وتبدأ الزوجة تلاحظ إن زوجها فيه مشكلة أو خلل .. وبعدها تفاجأ

وتعرف الحقيقة إن تفكيرة أصغر من عمرة .. أو إنه أصاب بحمى وأرتفاع في درجة الحرارة وهو طفل مما أثر علة المخ ..

وهذه الأمور ما أحد يعرفها إلا من العشرة .. يعني وقت الخطوبة .. مو ممكن أحد يعرف ..

هنا نحتاج لحلول .. كيف الزوجة تصغر عقلها لعقل زوجها .. كيف تمشي مشاكلها الزوجية معاه ..

كيف وكيف وكيف ؟؟؟

الكلام سهل والتطبيق صعب..

ياليت نعطي مساحة لهذا النوع من الإعاقة ..

لأني أعرف وحده شخصيا وتعز علي ... أدعولها

__________________
اللهم إني أسألك حسن الخلق

هلا اميره
نعم هذي مشكله بل مصيبه
ولكنها جاءت لتؤكد نظريتي
وهي ان المجتممع يظلم المعاق حركيا
لان اعاقته ظاهريه بعكس الذهنيه
وياما اصحاء معاقين ضميريا واخلاقيا وذهنيا
بينما كم من معاق حركيا ادار دول وشركات
كالرئيس الامريكي روزفيلت
كان مقعد ولم تمنعه اعاقته من رئاسة
الولايات المتحده الامريكيه
بينما في مجتمعنا الاغلب انه لا يوظف
واذا توظف فتكون وظيفه بسيطه لا تتلائم مع شهادته

طيب يا بنت غامد ..

تقولي إن الغرب إهتمامهم أكثر .. كيف ؟؟

وقد سافرتي مع زوجك خارج البلاد ؟؟ هل فعلا يهتمون بالمعاق اكثر منا ؟؟

والله وا اسفاه .. هذا إحنا المسلمين ... المفروض نكون أحسن منهم لأن هذا جزء من ديننا

__________________
اللهم إني أسألك حسن الخلق

فعلا الغرب اهتمامهم اكبر بكثير
انا عايشة في امريكا
اشوف المعاق يتزوج و يحب و يكرس حياته....و انا اتكلم هنا عن المعاق ذهنيا و جسديا
الناس هنا مخصصين كل شي للمعاقين مخصصين العاب ملاهي مجالس و مدارس...
بحيث يعملون المعاق كيف يكون اجتماعي و ما يكون فيه عقدة نقص
المعاق هنا يقدر يتزوج و يتوظف وكل شي..يكون منفتح

انا اعرف صديقتي معاي في الكلية معاقة جسديا ما تقدر تمشي...تزوجت و جابت بنوتة الشهر الماضي و ماشية حياتها

اتذكر من كنت في المدرسة الثانوية كانو مخصيين صفوف خاصة للمعاقيين بحيث يأهلوهم للمجتمع و يعلموهم عشان ما تكون عقدة نقص بيهم

و اذا اي واحد شاف معاق جسدي او ذهني..يذهبون له و يعملون صداقات معاه,,,,
المعاق يقدر يكرس حياته بالغرب..يقدر يتوظف و كل شي

و هذا عن واقع انا عشته

__________________

لوف
شكر لك وانا بنتظارك

اميرة التواضع اولا نسيت اقلك شكرا
على فتح موضوع المعاقين ذهنيا
واكيد اتمنى ان نتناقش في موضوعهم

اما بالنسبه للمعاقين في الغرب
نعم سافرت مع زوجي المانيا والتشيك
ورايت الجنه لهم هناك والله جنة الارض
منزلقات وخدمات وقوانين وتخفيضات
احترام لادميتهم
من اين ابدا واين سأنتهي
المعق في الغرب له قانون خاص
وهو يكون هناك دائما على حق
يعني اذا حدثت مشكله بين معاق وسليم
على طول يحكم لصالح المعاق من قبل القاضي
لانهم يقولون المعاق شخص ضعيف فيجب على الدول حمايته قانونيا
هناك الصحيحه اذا تزوجت معاق ترقى في عملها على طول
وتزداد ايام اجازتها تشجيعا لها على الارتباط بالمعاق
المعاق هناك اذا تزوج تعطيه الدوله بيت مجاني وراتب والراتب يصرف من تاريخ اصابته بالاعاقه
ويكون على شكل راتب شهري يقدر ب7000 ريال
والكهرباء لهم مجانيه
وسيارات المعاقين توفها لهم الدوله مجانا وللاجنبي سعر رمزي
بينما هنا تتجاوز ال300الف ريال
المعاق هناك تجديه شرطي وطبيب وقاضي ورئيس وكل المهن الصعبه
لان هذي حقوقهم
المعاق هناك اذا وقف في طابور الكل يعطيه الاولويه
المواصلات تكون للمواطن ببلاش زي التكسي والقطار والباص
بينما للاجنبي سعر مخفض لتشجيعهم على الخروج
السينما بلاش
الملاهي بلاش له ولاسرته
وللكل المواطن والاجنبي
و و و و
خدمات كثيره
سافرت معه المانيا شهر عسل والتشيك
مراجعه دوريه يعملها كل سنتين او ثلاث
و والله شفت اشياء احزنتني على وضع المعاقين هنا
حتى زوجي ياخذ معاه الكرسي الكهربائي الخاص به هناك
لانه يتمشى به ويذهب بكل سهوله لكل الاماكن بدون صعوبه
اما هنا فيستخدمه بالعمل فقط ولا يجيبه البيت يتركه هناك
ويرجع بالسياره ومع الكرسي الاخر المتحرك
هناك حتى التكسي مجهز لهم وحتى الباص تخيلي
الباص له منزلق اذا اراد المعاق الركوب يميل الباص قليلا وينزل منزلق حديدي ويركب المعاق
ثم يستوي الباص ويسحب المنزلق بزر طبعا
وتنتهي المشكله
لكن هنا الله يعينهم

يالله .. لهذه الدرجة ....

فرق والله فرق .. أنا هنا كل اللي أعرفه عن المعاقين لو في واحد منهم في أي مكا سوق مثلا

الكل يجتمع عليهم .. كأنهم كائنات غريبة ..

أذكر مرة في أخر سنة لي بالثانوية كانو معانا بنتين توأم معاقين .. إعاقتهم قصر القامة بشكل غريب ..

والله من دخلو المدرسة .. وألا البنات كلهم عليهم .. وصار ت حلقة كبيييييييرة وزحمة ....

بعدها ما أدري وين راحو .. شكلهم طلعو ...

لكن كلامك عن الغرب أحزنني كثير عن حالنا هنا ...

ولا شي من اللي قلتيه موجود في بلدنا ..

الله يكون في عونهم والله ...

ما أدري جا في بالي أقول لك لو تقدري وعندكن أمكانيات مادية ..تسافرو كل أجازة برا .. منها علاج ومنها زوجك يغير جو

الله يعين

__________________
اللهم إني أسألك حسن الخلق

صدقيني اللي ذكرتها الاشياء بنت غامدي بعد قليلة
هنا الغرب كثير يحترمون المعاق كانسان طبيعي يعاملونه ولا يحسبونه انه اقل منهم

حتى يعطونه تامين صحي ببلاش..اهنا العلاج يكلف بالالاوف بس للمعاق كل شي ببلاش

و دائما يعطونه مكان بالمولات يحظروله كرسي متحرك و يعملون حساب المعاقيين و بالموقف مكانه محفوظ لسيارته

و دائما يعطوله راتب شهري و اكل كل شهر
و اذا تزوج يحصل على راتب ثاني اعلى و الخ

__________________

اميره حبيبتي
والله ماقلت كل اللي اعرفه من خدمات
في اشياء اكثر واشياء انا ما اعرفها

بالنسبه للسفر للخارج
الحمدلله ماديتنا جيده ولكن موضوع السفر
كل عام صعبه جدا لان اوروبا غاليه مررره
ولا تنسين عندنا مصاريف زي فواتير وخادمه وسائق
وادويته وعلاجاته
فهو غالبا يطلبها من برا
على حسابه وليس على حساب تامين شركته
وتكلفنا الكثير
زي الكراسي الكهربائيه والمتحركه
بعض المسكنات لا تباع هنا
ابر للاعصاب يستخدمها احيانا اذا ضعفت اعصابه
مطهرات للجسم وللمنطقه الحساسه خصوصا بعد استخدام القسطره البوليه
هنا مطهراتهم تسببله حساسيه فيضطر يحظر نوع من هناك يناسبه
والعلبه الوحده تكلفنا 300 ريال
هنا للاسف حتى العلاجات والاجهزه تجدينها دون المستوى
حتى الجزم اكرمكم الله يتم تفصيلها له ونحن نعلم ان التفصيل اغلى من الجاهز

صح
يا سااااااااااااااااااد
انا ماقلت كل شي
لانها اشياء كثيره
شكرا لمساعدتك لي
والله لا يوريكم مكروه في غالي