سالفة زوجته الأولى الأخوات كفوا ووفوا عني في الكلام
وآنا بقوولج بس شغلة وحدة طنش , تعش , تنتعش أحسن شي
زوجج حاب فكرة ان ثنتين يحبوونه ويتصارعون عليه ربما هذا يزيده ثقة بنفسه
ويحسسه إنه جذاب وايد أو ربما لأسباب أجهلها
انتي اعملي بأصلج ياقلبي إذا هي ما عندها ذووق وتتعمد تدز مسجات ف ليلتج
انتي صيري الأحسن ولو هو قالج دزي انتي لا ترضين
انتي الأحسن وهو لما يشووفج انتي بتكبرين ب عينه أكثر
وعلى فكرة مسجاتها هذي لا بتزيد ولا بتنقص
هو يعرفها زين ويعرفج زين
وفاهم كل وحدة وعارفها عز المعرفة
لذلك ما أبي مسجاتها تهز فيج شي أو تضايقج
خليها تدز لما تشبع انتي استمعتي بوووقتج وياااه
وخليها آخر همج
وأرجع اقوولج لا تخلين بيتج وحياتج تنهدم بسبب مسجات !!
خلج الأقووى وسبق وقلت لج قبل انتي قوووية الحين
احنا تعدينا الأزمة خلاص وصرنا اقووى وما شي يهزنا صح !
ما أبيج تقوولين النهاية قربت لا
ابيج تقوولين النهاية تجددت
انتي تحبينه وهو يحبج وهذا واقع , نصيب , و قدر
انتي معاه وتحسين بعذاب الغيرة والألم
اشلوون بدووووووونه !!!!
القلب يا صبووورة لما يعشق خلاص
عيل ليش يقولون : الحب بلا والعشق سم قاتل
انتي عشقتيه بشكل مو طبيعي ونصيبج كتب لج معدد
شتسوووين
تظلين كل مرة يطلع لج شي جديد تنهزين وتتألمين
لا وألف لا
اعرفج انتي اقوووى من جذي بووووووايد

باقي سالفة السفر ما تحجيت عنها
بس اعذريني حياتي قايمة أتغدى ورااااجعة أكمل ياعمري
أحبج ومن قلب قلبـــي يالغــآلية
و قلبي ويااااااج على طووول

راجعة حبووووبتي[/COLOR][/SIZE][/FONT]

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

حاسه فيك ياقلبي والله لدعليك من قلبي لان امي زيك الله يكون في عونك حبيبتي استخيري مالك الا الله

الله يخليك لي يارب

__________________

السموحة منك بنت الحكمي انا من اول لااسجل وانا من اشد المعجبين بروددك لانك انسانة واعية حكيمة ولاتزعلين مني بس انا دايما احس بالنار الي تحرق الاولى الثانية مافي حد على راسها لكن الاولى الي جابو وحدة على راسها بس الحين انتي فعلا بعد كبرتي في عيني الله يشفيلك اولادك ويخليكم لبعض .

بارك الله فيك وعادي حبيبتي حنا أخوات والإختلاف في وجهات النظر لايفسد للود قضيه
وكل شخص له وجهة نظر وله أسلوب خاص فيه أنا ما أقدر أفرض وجهة نظري على كل الزوجات الأوليات كل واحده لها أسلوبها الخاص في التعبير عن وجهة نظرها وإللي أنا مقتنعه فيه وعاجبني يمكن مايقتنع فيه غيري ولا يعجبه والنساء يختلفون في طريقة إبداء آرائهم ووجهات نظرهم كل وحده لها دور في إبداء رأيها ولاكن أناهنا أنبه أحيانا ننجر وراء عواطفنا ومشاعرنا ونكتب
ردود ليس لها أي معنى ولا داعي الأخت هاذي طرحت مشكلتها آملة منى مساعدتها في حل لها ماتنتظر الهجوم عليها بطريقه قاسيه ونحسسها إنهامذنبه وزواجها غلطه الواحد يكتب رده بإحترام وأدب بعيدا
عن التجريح حتى وإن أساءت صاحبة المشكله لضرتها هناك رب يحاسب كلن بعمله وقوله حنا لسنا مخولين بمحاسبتها لوظلمتها بأي شئ قالته عنها هنا في المنتدى إن كانت صادقه فعليها صدقها وإن كانت كاذبه عليها كذبها حنا هنا ننصحها ونوجها لطريق الصحيح والسليم ونطلب الأجر والثواب من الله عز وجل صاحب المشكله يأتي إلى هنا علشان نلقى له حلول مو علشان نظهر له عيوبه أو يسمع إهانة بحقه أو نتشمت فيه المريض يذهب للمستشفى يشكي مرضه يريد علاجا له لما يجي لدكتور يفحصه الدكتور مايقول له تستاهل هاذا بسببك من قال لك ذوق هاذي الأكله الفاسده جابت لك تسمم أو من قال لك تلعب بالسكينه قطعت يدك أومن قال لك تطيح تكسر رجلك كل إللي فيك بعمل يدك
أنت السبب ويكيل له الشتائم والكلام القاسي لا الدكتور يفحصه ويعطيه علاج وشوية نصائح ويمشي حنا هنا محضر خير يا أخواتي وإخواني الكرام
أختي العزيزه سودة لاتعتذري على شئ مايستاهل حنا أخوات وتجمعنا محبة الله ومشكوره على دعواتك الطيبه وأسأل الله أن يجعلك قرة في عين زوجك وأن لايرى سواك ولايعشق سواك ولايحب سواك وأدعوالله أن تكوني نظره الذي يرى به وأذنه التي يسمع بها وقلبه الذي يحب به
وعقله الذي يفكر به وتملكي كل جوارحه ومشاعره بمحبتك ومودتك وحفظكما الله لبعض من كل سؤ ورزقكم الله ماتحبه أنفسكم وما تهواه اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الحمدالله على السلااااااااااااامه شخبارج صابره وشلونج والله تعبت وانا انزل موضوع اسأل عن اخباركم وادارة المنتدى تلغيه!!!!
المهم انتي بخير والباقي هين بأذن الله
صبوره قلبي اخذي نصيحه من بشر عايش نفس حالتج ((زوجة ثانيه))الزوج المعدد ماتنفع الغيره معاه لوكان لج بروحج كنت اقولج ممكن بس معدد واخرته يروح لغيرج شنو فايدة الغيره؟؟
واذا على المسجات والضرب تحت الطاوله ترا عندي وعندج خير انا زوجة ريلي جننتني ترسله مسج بيومي كلام والله حتى المراهقه العاشقه ماتقول نفسه عصبت وهاوشت والي استفاد من هوشتي اهي وانا طلعت نكديه وماانطاق((مقولة زوجي))!!!
وصلنا لتسوية الجوال من تدخل باب شقتي تسكره ومسج اباحي .....بيومي مافي بس بعد شنو بعد سنة ونص مناجره وهواش
ماعليه صبوره هذي زوجته وتبي تستخدم كيدها علشان ترجعه لها انتي قدري هذي النقطه وخليها ببالج وصدقيني لوكان صج يحبها ماتزوج عليهااااانتي بس هدي وتعوذي من ابليس ولاتكبرين كل شئ ترا مايستاهل تطلقين علشان مسج من زوجته
صبوره انشغلي عنه باي شئ دراسه ووظيفه اي شئ يسليج عنه طول موانت فاضي راح يكون شغلج الشاغل
الزبده اعقلي وفكرة الطلاق شيليها من بالج وحتى اهو موكل كلمة والثانيه نفترق وطلاق هذي بنت الناس مولعبه
عموما الله يجيب الخير لكم ويسخره لج ويسخرج له ,احلفج بالله انج ماتقطعين عن المنتدى ترا والله اخبارج تهمنا ونبي نتطمن
عليج واشهدالله ياصابره اني احبج في الله ماعليه صبوره اسمحيلي ومن بعد اذنج ابي اسلم على شيخة البنات ((شخبارج اختي وشلونج الحمدالله انج بخير لان بعد احداث البحرين وانتي منقطعه وخفت عليج بس قوانين المنتدى تمنع التواصل بين الاعضاء بس صبوره الله يجزاها خير تجمع الكل بمواضوعيهااااا عموما الحمدالله على سلامتج))

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

هلا بعمري وحياتي وحشتيني
والله ياكويتية كتبت رسالة بترك المنتدى تعبت وتعبت مشاعري اتجاهم والادارة ترفض كل هذا
والله انك ببالي ياعمري كيفك وكيف سارة
انا قررت اتغير ياكويتية مثل ما اطلب منك انتي بعد تتغيرن
لا حب مع معدد منتهي امرهم
بوسيلي سارة وانتبهي لنفسك ولا تغارين عليه ولا شي خلاص قلوبنا لازم تموت
انا قرات موضوع للمراة القوية هنا وودي اطبقه عجبني

__________________

شكراااااااااااا صابره على الرد والحمدالله سويره بخيرواسم الله عليهاصارت تمشي بدراجتها:14:
المهم انتي ديربالج على نفسج وحافظي على بيتج ومن تصيرين اون لاين طمنينا عليج يالغاليه ومن بعد اذنج ابي اسلم على شيخة البنات ...... وبنت الحكمي وروح الطير الصراحه انا وايد معجبه بردودكم ووقفتكم الطيبه مع صابره الله يبارك فيكم

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

حبيبتي وبعد عمري على راسي والله يالغااااااالية
احنا أوضاعنا كانت مأساة ومجزرة حقيقة حصلت لنا مثل ما عرفتوا
شهدائنا راحوا , ومفقودين كثر , وجثث لازالت متوارية ولا نعلم مصيرها , وجرحى بعدهم ف
المسنشفى , بعد انسحاب القوات اصبح ميدان الشهداء أهدأ نوعا ما , ولكننا نترقب كثيرا غدا , ولا زالت
المسيرات قائمة ومستمرة حتى النصر بإذن الله , اللي صار لنا مووو شوووووووي
مأسااااااااااااااااااااااة بكل ما للكلمة من معنى
ربي ينصرنا عليهم قادر يا كريم وينصر شعب ليبيا المظلووووم أيضا
اللهم انصرنا على القوم الظالمين


مشكووووورة يا عمري على سؤالج واهتمامج فيني تسلمين ياقلبي هذا من طيب أصلج يابنت
الأجواد , عسى ربي يسعدج دوووم ويفرح قلبج , فرحت وايد لما عرفت إن في حد يحاتيتي ويحاتي غيابي
تسلمين لي بعد عمــري , اخت وغالية وما تقصرين
ربي يحفظج وبن ما كنتي ودعووواتج لنا يالغالية

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

صابرة ، لا تزعلي من كلامي و مو من طبعي أتكلم عن زوج الوحدة

بس من كلامك هنا عن زوجك ، اكتشفت إنه ( عقله صغير ) ..
معليه لا تزعلي ..

و مثل ما قالت ( تالينا ) .. و قلت لك من زمان ..
زوجك شخص أناني ..

لا تحطي زوجته في راسك و لا تحطيه في راسك

يمكن مثل ما يتكلم عنها قدامك ، بيتكلم عنك قدامها
لا تنزلي من مستواك ..

قلت لك من زمان ، زوجك يستفزك و يلعب في أعصابك و يجلس يتفرج
مع إنه يعرف كيف ممكن يهديك و كيف يتحكم فيك