تكلمتم عن الحب والحب شيء جميل جدا وتفلسفتم كثيرا وكلامكم جدا جميل ولكن
ولكن ما هو سبب شعور البنت بعدم الحب للشخص الاخر (لخطيبها) بحيث ان الشخص الاخر لم يصدر منه اي سوء
وعندما تسئلها لماذا لم تحبي خطيبك مثلا تقول لا اعلم لا ادري لماذا لم احبه حتى هي لا تعلم لماذا لم تحبه
من يفلسف عدم الحب

ياحبني لك بس

والله من قراأتي لاضافت اسرة اتوقع والله اعلم ان عندها تصور اخر لشريك حياتها ويمكن ماحصلته فيك
انت اصلا ماينفع خلاص حتى لو وافقت ترجع لك بتصير حياتكم بايخه حاقدين على بعض ايام الخطوبه
وش صار معك انت ؟

الحب = انسجام عقلي + ارتياح نفسي
المرأة تظلها مرأة محافظة على كل مظاهر انوثتها و الرجل يظل رجل محافظ على كل ما يزيد من رجولته .....تحت مظلة التفاهم و التنازل المعقول و الصبر تكون احلى حياة و أكيــــد كله تحت راية رضى الله

واو ردك صراحه جدد فيني الامل اشكرك

سبحاان الله كنت راح اسألك .. وجااوبتي ربي يبارك فيك ويسعدكم يارب ويسخركم لبعض طوول العمر ..
الرسول الله صلى الله عليه وسلم يقول ( لا يرفع القدر إلا الدعاء )
أي قدرك المكتوب في اللوح المحفوظ ...بالإمكان رفعه بالتضرع والدعاء
..الدعاء .. الدعااء عجيييب . يارب يككووون قدري ونصيبي مثل ماتتمنى واكثر .. ويكون قدر اخووناا اكثر مايتمنى..

امين الله يكتب لنا الخير ويرزق شبابنا بزوجات صالحات وبناتنا بازواج صالحين ويجمعهم على طاعته ويزرع الموده والرحمه والحب بينهم يااارب

كان النوم ساكب علي لكن ماقدرت انام الا لمآ اخلص
قراءة الردود ..
تعجبت مشاءالله من بحثك ع الحب وانت مار بتجربه
ممكن تكره اي انسان بالحب مثلي مع اني ما عشته
بس كرهته
انا مريت بتجربه مثل تجربتك ملكه فقط دامت شهر واسبوعين تقريبا كنت كاي بنت راسمه احلام وطموحات
لكن صفعني الزمن وصحاني من حلمي الوردي
وعيشني الواقع المرير ..
كح كح ولا يكثر هرجي ..
بوجهة نضضضضضري واتكلم عن نفسي ض١
توصلت ان الحب اللي تتكلم عنه شبه معدوم في مجتمعنا
الحب من اول نضره مبني على هذا |الشكليات|
و بالاحترام والتقدير والمراعاه والتنازلات
من الطرفين مع العشره يجي الحححب الحقيقي..
انا جلست شهر مع الاخ وتمنيت اني احبه بس ماقدرت
صراحححه .. لاني مالحقت اتعرف عليه زين .. ومدري من
لاعب براسه الله يهداه انه تستعرض عضلاتك قدامها
تخاف منك وتحترمك ..
لاسف احزن علئ شباب متعلمين وجامعين ومازال تفكيرهم حجري قديم .. كل شي لا وكلمة الرجال ماتنكسر
حتئ لو غلطان تكسر رجولته.. حتئ تعليمي رفض اني
اكمله بحجة انو ماله فايده ووجع راس ع الفاضي تعلقين
الشهاده في المطبخ خخخخخخخ.. وفرضا اذا اشتغلتي
بشيل فلوسك وبتزوج وحده ثاتيه ههههههههههه
اتق الله يارجال شهر لنا وناوي بالثانيه حتى لو من باب المزح مو في ع الفتره تنقال..
المهم الله يوفقه ويرزقه وحده بنفس عقليته ويهنيهم ..
ضيعت سنه والله جامعتي عشانه واهو الحين فسخت ..
وماحححد متحمل النتيجه الا انا ..
لكن ما اقول الا الحمدلله حمدا كثيرا ..
الله يعوضني خير لي. 4 او 5 شهور من فسخت ..
جاتني عقده خوفي كل الرجال مثله وبعقليته وخايفه
من تكرار التجربه ..
عشان كذه لا مكان للحب حاليا في حياتي
حتئ كتاباتي في الشعر والخواطر تغيرت ..
هههههههههههههههههههه
مدري امكن يجي اللي يغير ه النضره الله اعلم ..
الله يعوضنا خخخير ياااااااااااارب ..
ونصيحه لتجربتك القادمه ان شاءالله ..
خلك اول شهرين عاقل ومشاعرك واحاسيسك اجل شوي
بالافصاح عنها هههههههه ..
سبحان الله البنت مو مثل الولد تبي قبل الاعتراف الحب
احتواء واهتمام تحسسها باعجابك بشخصيتها اسلؤبها
ولا تستعجل انها تبادلك نفس الشي ..
كذه حنا البنات ادري صعبين
مع اني ماضنتي امور مثل هذي تجهل عليك الحين بعد تجربتك..
كاني طلعت عن صلب الموضوغ ض١
يالله الله يرزقك زي ما تتمنئ ..
ويرزقني زي ما اتممنى ..

لوعشتيه ماكرهتيه مع انه صعب وبثر بس ينحب
وتجربتك ماهي الا اثراء لفكرك وخيره لك والمفروض تحمدين الله انه ماحصل زواج بعدين توهقتي صح
يعني فتره بسيطه ومرت
وليه تفقدين الامل الانسان عايش على الامل بدونه تموت روحه (فلسفه)
ومن ناحية استعراض العضلات انا اقول لك الواحد اذا تزوج وحده وحبها خلاص يبي يتملكها يحس انه بيموت بدونها والرجال مايجلس يبكي ويندب حضه فطريقته الوحيده يقعد يهاوش ولايذكرها بافضاله عليها وخاصه اذا حس انها ماتحبه ويقول بنفسه اكيد اذا حست اني ماابيها بتحاول انها تراضيني ويجلس يهبل فيها ولايسحب الكرت الاحمر اللي هو التعدد يمكن هذا اسلوبنا معكم لو تلاحضون وخاصة الجاهل مننا وتراه تصرف على الطبيعه ومايدري ان اختنا فالله عايشه فبيت ابوها معززه مكرمه وماناقص عليها شي وماتزوجت الا تبي العز والاستقرار ويجي هو بزعمه ان ذلها بترضخ له واخر شي يحترق ويحرقها معاه

واقسم بالله تجينا نصايح تحسين انها من ناس كفار يعني اقصد بمجتمع الرجال مو الكل طبعا
لاكن فيه ناس اعطتني نصايح صراحه بايخه وخصوصا الكبار في السن ولو الواحد جاهل بالنساء وبطريقتهم وصدق بالكلام اللي يقولونه انا اوعده يروح السجن
صراحه بعضهم والقليل منهم يعتبرون المرأه مجرد قطعه اثاث بالبيت ومالها انسانيه
وارجع اقول القليل منهم خاصه اللي مجتمعاتهم متشدده بزياده يعني اللي مايقبلون بالشوفه الشرعيه
وانا اقولك اكتبي وخلي كتاباتك كلها حب وعيشي الحب مع اهلك واخوانك وترا الحياة ماتسوى الحزن
ويوم لك ويومين عليك
وانشالله ربي بيعوضك بواحد احسن منه واقول نصيحه للبنات اي وحده يتقدم لها واحد حطي من ضمن الشروط انه يحضر دوره للمقبلين على الزواج ترا الرجل مهما كان رزين وعاقل فيه اشياء كثيره يجهلها عنكم وعن طباعكم واشياء ماشافها من امه او اخواته وبعض الامهات غير واعين عندها ولدها الصح والناس كلها غلط
والمفروض انتم بعد تتحملوننا لان طبيعتنا شوي قاسيه وانتم رقه واحنا فعصر السرعه يعني المشكله على طول تصير وبسهوله وانتم احضروا الدورات ذي بعد
وانا صراحه اشكر اعضاء المنتدى كلهم من اولهم لاخرهم والقائمين على المنتدى لاني احس فهمت حواء اكثر يمقن صح يمقن يبيلي دوره قبل الزواج بعد انا
لان صراحه حرام الناس يعطونك بنتهم اللي ربوها وتعبوا عليها واخر شي تتزوجها وتطلقها وفرصة البنت المطلقه ماهي زي فرصة اللي ماقد تزوجت والرجل مايتأثر كثير سبحان الله اللي له حكمه في هالشيء

والله يرزقني واياك جنة الفردوس ويهنينا بدنيانا واخرتنا وجميع الاعضاء

واعذروني على الاطاله بس في الدوام وفاضي جدا جدا جدا

تحياتي لكم (لووف)

اللهم آمين آمين آمين ..
كلآمك جميل جدآ مشاء الله ..
وبالعكس نبي نسمع تجارب بنفس اللي مروآ بحالتنآ لآ طولت ولآ شي ,,
الحمدلله احمد ربي ليل ونهار ورايتي بيضا عند اهل خطيبي السابق اللهم لك الحمد والشكر ..
صدقني فرد العضلات ماتوصل لدرجة التهديد بالضرب ومد اليد والسب والشتم وترقيع الغلط بحجة الغيره
اخر الايام قبل فسخي ومع بداية المششاكل كنت ادور واسال كثير عن اماكن تعمل دورات قبل الزوآج
لاني حسيت ان طريقت تفكيره جدآ صعبه لآ يقدرني ولآ يرآعي مشاعري نهآئيآ ..
وكنت بحاول مع الوالد الله يطول بعمره يخليني اروح معه حتى احضر ه الدورات عشان لا يحس
بشي او يزعل لانه كان رافض نهائيا حتى انه يقرا كتب او في النت عن الطريقة
والاسسساليب في التعامل مع الانثى .!
والله والشيخ اللي مسك قضيتي بعد المآسآة اللي سمعها مني بعد ما فسخنا قالي ان شاء الله راح نعمل
الدورات تكون اجباريه قبل عقد النكآح للطرفين ..
مشكلت شبابنا يقراء بـ اللي خبري خبرك ويبي تطبيق من اول شهر ..
وطبعا هذا الشي مستحيل بالنسبة لـ الانثى تتجاوب معه بما انها ماتعرفه او ماتحبه والخجل يلعب دور كبير.!
لو يفهمون شبابنا الانثى عدل ويتحملونها اول كم شهر لان البنت معروف انها عايشه في بيئه
مغلقه وكل شي عيب ومايصير فصعب انها تتجاوب مع الشاب في البدايه بـ الكلام او بالحركات ..
يبيلها صبر ومسايسه من الرجل .!
حلو فترة الملكه تكون اول شهرين تقارب وتعارف ثم اذا حصل الانسجام والاعجاب يجي الحب من نفسه ..
لان الحب الحقيقي مع التنازلات والتقدير والاحترام والمراعاة يفرض نفسه ..
انا خلاص ما ابي اتذكر الايام السودويه اللي عشتها
لاني بديت انطلق والتجربه علمتني اشياء كثيره بعد كنت جاهله عنها امكن لعدم ادراك لصغير سني .!
يلآ الله يوفق الجميع ونلقى حب مثل حب عنتر وعبله
| ولقد ذكرتك والرماح نواهل مني وسيل الهند تقطر من دمي |
هذا الشي الوحيد اللي اذكره من كتاب الادب اولى ثنوي

ههههههههههههههههههههه كويس تذكرين بيت من كتاب الادب باولى ثنوي
المشكله اللي ماقد حفظ شعر والله كنت اكره الادب ماادري ليه ولاقد حفضت بيت واحد ماادري وشلون نجحت فيه والحين مااذكر الا مكرن مفرن مقبلن مدبرن وماحفضتها الا من دعاية كيت كات