الله يكون بعون كل من انفصل وعنده اولاد الموضوع متعب جدا صراحه.....
الحمد لله دائما وابدا........

حدث شي قلب عليي المواجع
قبل كم يوم كنت مسافر وكنت اكلم الولد بالواتس اب وفجأه يبعثلي صور له هو وامه
استغربت وسكت والغريبة الولد سكت بعدها ومشى الموضوع
كان وجهها شااااحب واصفر وتحت عينها اسود وذبلانه حييل
مسحت الصور بس ضاااق صدري حيييل وأحس اني رجعت المربع الاول

رساله واضحه منها انها تعاني زي الي تقول لا تبحث عن سعادتك وتتركني بهمي وحزني ....

الله يكون في عونها ...

معقوله لهدرجه متعلقين ببعض ماانتو قادرين ترجعو المياه لمجاريها....

اخوي عبدالله هي فعلاً تعاني لكن مو من حقها تخليك تعاني معاها دامها ماضحت عشان ترجع لك وتصرفك سليم لما مسحت الصوره

حاول تستمر بتجاهلها لأنها واضح وصلت لمرحله تخاف تفقدك خليك مستمر بتجاهلها والله يسخرها تضحي عشانك انت واولادها وترجع لك ...

لو استسلمت لها ورجعت تحسسها انك تبغاها رح ترجع معاها لنقطة الصفر استمر بالتجاهل ممكن تفاجأ بأمور أكبر من الصوره وهي الصلح يارب

لاتنسى الدعاء الله يجمع شملكم

اذا فعلا هي تعاني من الكأبه وجلد الذات
ابتعد وتجاهل وانساها ... بتكون فعلا مثل الباقين في حياتها
كل من وجد صعوبه في التعامل معها .. ابتعد .

اذا كنت تحبها ومستعد تحتويها بمافيها من إيجابيات وسلبيات
ظل احيطها باهتمامك حتى مع صدها .

اما اذا كنت لا تريدها .. مع التجاهل بتنساها .. بس يبغى لك وقت


والله يسهل أموركم ويصلحكم .

شي غريب صراحه
ليش لازم انتجاهل وانصد وما نهتم علشان الطرف الثاني يحس
هل فعلا هذي اهي الطريقه الصحيحه للتعامل ؟

انا مستمر بالتجاهل وكلامكم صحيح وكذا مره من قبل من احسها تعبانه وأقرب وأحاول احتويها تقلب واتعصب على طول

اذا حزينه من الطلاق توافق على الرجعة
اما تعيشك بهم وحزن طول عمرك
فتذكر ان لنفسك عليك حقا


استمر بالتجاهل لعله ينفع وترجع لصوابها

لانك جربت طريقة الاهتمام ولم تفدك بشيء

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

أخ عبدالله طليقتك مثل طليقي تجاهلته شهرين وطول ذي الفترة ماوسطت أحد يكلمه وبس شافني فكيت البلوك عنه كم ساعة بعدين رجعته اليوم الثاني قام فكه وصار يحط صور ذكريات بينا وصور للبيت واضح انه حان لاكن بس كلمته
رجع يكابر وكبر رأسه صار يتغلا
ندمت اني أرسلت له
وذلحين اعطيته أكبر تطنيش وحسسته اني بعته
حتى نفقتي ومصروفي مارسلت له أحد يكلمه
عشان يعرف أنه طلع من حياتي

سبحان الله الطرف الثاني اذا حس أن الطرف الأول شارع قام يتغلا ويكابر واذا طنشناه قام يلحق ورانا
.
كمل تجاهلك لطليقتك.

تلقاها فاقدة محاولاتك لرجوع وخايفة تكون بعتها

بس لو تجاهلت بتلقاها تجي تطلب منك ترجعون لبعض


الله يجمع شملك بطليقتك ويجمع شملي بأبو بنتي عاجلا غير اجل

مستمر بالتجاهل وعسى الله يرجعكم لأزواجكم يا اخواتي

اخي تجاهل مو تكنيك علشان ترجع
تجاهل لتفسك
جا الوقت الي تطوي هالصفحه ابد
وتنجز شي مفيد بحياتك
الحياه اهم من انا نعيشها على وتس و حاله وتس ومراقبه بعض
انطلق اخوي
خذت منك وقت اكثر من اللازم
مو ناقصك شي عيالك وتزورهم ومطمئن عليهم
ضميرك وارضيته
خلاص عيش حياتك
ومااتكلم عن زواج ثاني
هذا راجع لك
اتكلم عن حصر نفسك فيها شاهبه ذابله تعبانه ردت استفزتني
لا اخوي لعقلك وجسمك عليك حق

حقيقه يا اخواتي بغيت رايكم في شغله معينه
عندي ولدي الثاني ( 8 سنوات ) يعاني من مشاكل وعدم تأقلم مع امه لحد الحين هذا بالاضافة للشقاوه الاعتياديه
في الفترة الاخيره ولدي الكبير يطلب مني اني اكلم اخوه علشان يوقف الشقاوه لان واضح ان امه مو قادره عليه

السؤال...هل صحيح اني أتدخل واساعدها ؟ ولا اخليها ؟
قرار الطلاق كانت مصره عليه وما كانت عامله للاولاد اي نوع من الحساب وانا كنت احذر لكن لا حياة لمن تنادي. حتى ولدي الصغير عمره 3 سنوات ما يعرف يمضغ الاكل الا وهو مهروس ومعتمده عل الخدم حييل.

هل اتركها اتشوف تبعات اصرارها على الطلاق ونتايجه ولا أساعدها ؟