زين..

انتي تبين الاستقرار النفسي لعياله مو؟

الاستقرار لهم مو انهم ينعزلون عن امهم لان فيها وفيها ولانها متمشكلة مع ابوهم.. مهما كانت سيئة بنظرك

مهما كان.. مافي مثل العيشة بين ام وابو علاقتهم صحية ببعض

انتي سويتي اشياء ما انطلبت منك لوجه الله..

لذلك انسي هالاشياء ولا تفسدينها بذكرك لها.. لانه ممكن يقول لك انا ماجبرتك

وهنا بتنجرحين وبتتاذين اكثر

انتي زوجته مثلك مثل الاولى.. الاولى لما زوجك تزوجك وضعها كان مهدد بالطلاق لانها سوت له مشاكل

مو ضروري لانه يكرهها.. وتصرفاته معاها جدا عقلانية عموما

لذلك انتي هنا وضعك ماراح يصير مهدد الا لما تصير مشاكل معاك.. مثلك مثلها لاحظي

ويتصرف معاك بنفس العقلانية اللي تصرف فيها مع الاولى

الرجال مهما كان يحبك.. مافي شي يحده على وجع الراس.. لاتلعبين معاه بالعاطفة

لانها تنفع معاك مو معاه

يعني ظنك لما تتعبينه بالمشاكل وهو من الاساس مايل لك واستمالته هي ورجعت لصوابها

بيجي يتبكبك عندك انا احبك والى اخره؟

الرجال يشوف مصلحته وراحته مو قلبه

خلك قوية وذكية

الله يربط على قلبك 😊❤️

عزيزتي زين ابيها اول خطوة بعد مناجاتك الله هو البحث عن العلاج
مهما كلف الامر فانت سترتاحين بالدرجة الاولى والكثير من الناس يذهبون ليفضفضوا او يتخلصوا من سلوك وعادات تتعبهم في حياتهم وانا كنت واحدة منهم والحمدلله والشكر لله لما وصلت له

ثاني خطوة اتمنى عرض فكرة على زوجك بالاسلوب اللين والكلمة الطيبة والابتسامة الرقيقة بان تقترحي عليه منزل بعيد عن منزله الاول
حسب ما فهمت انه مقتدر ماديا
بما انك دخلتي حياته وكان منفصل عن زوجته ما يقارم الخمس سنوات وفي غرفة مستقلة

فإذا كان الان سيختلف الامر وهذا حقها كما حقك ان كان يريد ان يعدل
فأرى ان يكون لك سكن بعيد لا ترينها ولا تعرفي اخبارها لك حياتك ولها حياتها

فاعتبري انك زوجته ولا احد يشاركك به وهيي كذلك
اختي صدقيني الغيرة ان زادت عن حدها دمرت صاحبها ودمرت حياته واعرف ان الشيئ خارج عن ارادتك ولكن نفسك لها حق عليكي عزيزتي
اطلبي من الله ان يزيل هذا الشعور من قلبك وان تطغى رجاجة عقلك على مشاعرك
عندها ستعيشين بسلام وستكسبين قلب زوجك وفكره
لن ننساكي من الدعاء
اسأل الله ان يرزقك الطمأنينة وراحة البال عاجلا غير اجلا
وان يبدل حياتك الى افضل حال
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حبيبتي زين ...


تخيلي زوجج تجيه لحظات و يفكر في طليقج الأولي ؟!

وتخيلي تجيه لحظات و بشمئز منج و يقول أكيد كانت تسويه مع اللي قبلي !!!!


من حقه هالشي؟!
لا مش من حقه لانه ماضي .. وهو حاضر

انتي من حقج هالتفكير ؟!
نعم من حقي لانه نحن الثنتين في ذمته ..
هنيه يختلف الوضع لانه رجل قدر يعدد بدون طلاق .. فيرتاح بج
وانتي لانج امرأة ماقدرتي تتزوجين بدون طلاق ... فترتاحين به

الشيطان يباج تتطلقين مره ثانيه ف يكيد لج...
حبيبتي هذا زوجها و انتهى .. عشان خاطر البنات اهدي و أنسيها
خلي بيتج جنة ..

__________________

مع فكرة الخروج في بيت منفصل لو أمكن
البيت المنفصل سيبعدك عن تتبع أخبارها
وبترتاحين كثير وبيرتاح زوجك وهي كذلك ..

__________________
((عندما سكت أهل الحق عن الباطل توهم أهل الباطل أنهم على حق ))
علي بن ابي طالب
منعا الالتباس أنا رجل !

فعلا انا مع الاخت شاطىء بلا امواج
استقلالك ببيت بعيد عنها اريح لك نفسيا
ومسؤلية عياله اكلهم وتدريسهم على امهم او ابوهم
انتي ريحي نفسك من الهم والمسؤوليه
ومهما تعبتي معهم مايبون غير امهم

بعد اذنك زين

اخي في الله ممكن اسم العيادة احتاجها

او إذا ممنوع ممكن ترسل الاسم لإحدى المشرفات وترسله لي .

مركز مطمئنة بالرياض

مابين مخرج عثمان بن عفان ومخرج ابوبكر الصديق رضي الله عنهما ، على الطريق الدائري الشمالي

جزاك الله خير .

وبخصوص ابو همسة اللي يقولك هي الم وبعدها ترتاحي

قولي له : كان غيرك اشطر، مو انت اللي تدخلني جهنم بخططك الغبية هذه.

يازين ابيها اذا كان يهمس لك ، فأنا يعرضها علي فيديو ثلاثي الابعاد ( اتخيل الحادث بوضوح امامي) ، واضحك واقول له طيب وبعدين؟!

فرضاً سمعت كلامك واستدرت بقوة اقصى اليمين وانا اقود السيارة داخل النفق وارتطمت وانشليت او حتى اتوفيت!

وين الراحة !

ملائكة العذاب اكيد منتظرتني!

صح اللي بيجوا يسعفوني ماراح يسمعون لي صوت بس انا اكيد وقتها قاعد اصارخ صراخ عالي لايسمعه الثقلين (الجن والانس)

ياتجيب خطة مريحة زي الناس يانقطنا بسكاتك.

الله يشفيك ويعافيك