.حالة الانكار اللي عايشتها .. هي اللي راح تتعبك وتوصلك لطريق مسدود مع نفسك قبل زوجك ..

1- 11 سنه زواج ما كان زواج كامل بمسوؤليات عليه كامله الا 4 سنوات ..
2- تزوج عليك زعلت وثرتي واستمات يرضيك ورضيتي .. كيف تبغي منه يفهم تقلب مزاجك انت ؟! يقول في نفسه كل تصرفاتها تدل ان تحبني وان زواجي ما اثر عليها بشكل دايم اجل ليش تنكد علي الاوقات البسيطه ؟؟!

3- واضح انك مو مستوعبه علاقته في زوجته الثانيه .. يدعي عليها ويطلقها وما يرتاح معها وندمان تزوجها صدقتي هذي ومو راضيه تصدقين انه يحبها ويحترمها ويرغب فيها ويحسب حسابها ..
4- دائما تتسائلين ليش ما يتركني لهمي ويروح لها ؟ ليش يراسلني وهو عندها ؟ ويدور رضاي وطبطبتي عليه ؟؟
وش دراك انه ما يعاملها بنفس الاسلوب .. ويبغاك انت وهي ترضوا فيه وتحبونه وتدورون في فلكه لان بكل بساطه ولا وحده فيكم تتحمل انه يطنشها او ما يسأل عنها ..

اشراقه بصراحه مشكلة زوجك شخصيته واسلوبه لكنه واااااضح لك ..
اما المشكله الاكبر في نظري عندك انت .. ( انت اللي شخصيتك مو واضحه ولا صادقه مع زوجك ) لا انت راضيه تتقبلين وترتاحين وتريحين .. ولا انت راضيه تفصلي عواطفك وتحققي مصالحك ( كما سبق وذكرتي ) ..
لا تغيري زوجك غيري نفسك .. الدراما والتطنيش المفروض ما تكون وسيلة ضغط عليك اسألي نفسك ليش قدر يقلب الطاوله عليك .. على الاغلب لانك ظنيتي انه بيستمر يراضي فيك حتى بعد 4 سنوات .. حياته كمعدد فرضها عليك في البدايه فقط اما بعد هذه المده من الرضى المتقلب عليك ان تكوني اوفى لنفسك .. اما ان اكون او لا اكون ..

دائما تتكرر عبارة ان اللي يحب بصدق مستحيل يجرح .. واظنها عباره خاطئه ..
والا كيف ان من ينجرح لا زال يحب بصدق ..
ان الله لا يغير ما بقوم حتى يغيروا ما بانفسهم ..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

اعذروني.. أحتاج بريك فترة
والى لقاء آخر ان شاء الله
سأعود قريبا بإذن الله وأرد عليكم جميعا

جزاكم الله خير وكل عام وأنتم بخير

اخت طعن قلبي


ايش مشكلة الترويش ؟

هل لأنها تذكركم بالموضوع

طيب والحلاقة؟

هذي اللي ماقدرت افهمها

انا فهمت معنيين

المعنى الأول : ان الزوجة الأولى ياما طلبت منه يحلق وماكان يهتم، ولما اتزوج الثانية اجبرته انه يحلق او حلق ارضاءاً لها.

المعنى الثاني: زوجة تبي محلوق والثانية لأ، طيب في هذي الحالة كيف يعدل بينهم؟ يحلق نص ويخلي نص!

طيب لو متزوج ثلاثة؟ اربعة؟ ايش العمل وقتها؟!

اي معنى فيهم؟

استغرب من اللي يقولون انها تعيش حالة انكار
ولا احد قال ان زواجه ظلم
زواجه حقه الشرعي
لكن البنت محتاجة مساحة خاصة
تحزن
تغضب
تتضايق
تنفعل
و زوجها كابت حرية الانفعال عندها
هي تعبانه لأن كانت حياتها مثالية معاه
وفجأة انقلب الحال أي وحدة فينا بتتسائل ليش سوا جذي ..
انت تزوجت ؟ تمام تزوج ثنتين وثلاث واربع هذا حقك وهذي مساحتك من الحرية
بس هي كأنثى لها ايضاً مساحتها من الحرية عشان تظهر انفعالها...
يجوز لو هو يعطيها فرضة عشان تنفس حزنها وغضبها وضيقها كان ممكن تتجاوز مرحلة كبيرة من اللي هي فيه الحين...
تصرفاته ان يجي وشعره مبلول وووو إلخ
غصب عنها تخليها تتأثر واي وحدة منا مكانها نفس الشيء ولربما اكثر منها

كل اللي تحتاجه مساحة خاصة
و زوجها مو راضي يعطيها هالمساحة


حبيبتي اختي اطلبي منه هالمساحة الخاصة وقولي له غالباً باكون افضل في علاقتي مع لي حصلت اللي ابيه منك

كوني بخير .. وحاولي تسامحينه اذا تحسين ان في داخلج شيء عليه
لنفسج حق عليج .. وانتي مرهقة
❤️ افرحي يا حلوة .. ترى ما يليق لج غير الفرح
ودايماً دعواتي ترافقج

7 سنوات حياه بدون استقرار !!
امداها قامت امم وطاحت غيرها ..
عايشه على اطلال حياه مثاليه اول زواجهم ..
مساحه خاصه !!!!!
وهذي متى تنطلب ؟؟!!
بعد ما امثل عليه اني بخير وكل شي تمام وان ما عندها مشكله في زواجه .. الحياه المزدوجه في حياتها ذنبها مو ذنب زوجها .. قبل زواجه التفاهم بينهم 99 ٪ .. ومع ذلك طول 4 سنوات زواجه عليها ما قدرت توصل له حاجتها للمساحه الخاصه !؟
افهم بقوه اش يعني اني اعيش فترة حداد على اللي مات وما بيرجع .. لكن تأخيرها ما فهمته !!
زوجك ينرفز ويجيب الضغط والمرأه اللي تصبر على تصرفاته وتحبه مميزه جدا جدا ... لكن من ضياع الوقت انتظره يمسك بايدي ويساعدني .. ساعدي نفسك .. كفايه بكى على الاطلال الحب الاوحد والحياه المثاليه من وجهة نظرك ماتت .. تقبلي العزاء فيها ( ولو انه متأخر ) وابدأي حياه جديده اكثر انطلاق وحريه من ( تجاهلني ، وما يكلمني )
عندنا مثل يقول ..
الخير في عطف الشر ..

الله اعلم ان حياتك بتكون افضل من السابق لو بس تتحررين ..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

أهلا غاليتي اشراقة
قد تكون لي وجهة نظر مختلفة ولكن بطبيعتي لا أتقن التعامل مع المتناقضات
برأيي مشكلتك تكمن في ( احساس الندم المدّعى الذي يردده عليك زوجك )
بمعنى أنه ندم على زواجه وما إلى ذلك مما يردده عليك في حين أنه يصدر منه ما يناقض هذا الشعور !

اشراقة
طول ما هو يقولك أنا ندمان
اذا هو معيشك في دوامة الأربع سنين التي عشتوا فيها كعشاق
لازلتي على أطلال تلك السنين وتتمنين لو أنه لم يتزوج لأنه بدعواه تزوج ولم يرتاح
لا أقول هو يكذب اشراقة
نعم فيه شيء من الندم ولكن ليس بالصورة التي تعتقدينها أنت !
بل هو يستمتع ويخرج ويقسم الايام للثانية وعايش حياته ويفعل الكثير ثم يقول أنا ندمان !
والنتيجة ينقل لك احساس الحسرة وحرصه على أن يبقيك في نفس الحقبة الزمنية التي يريدك أن تبقي فيها !
فلا أنت رجعت للماضي الجميل لأنه مستمر بتعدده ولا أنت تأقلمتي على الجديد وأصبحت أكثر قوة وعقلانية
من لحظة قراءتي لمشكلتك كنت تدورين كثيرا حول هذا المعنى تزوج وندمان ويحملني مسؤولية ندمه !
تعيشين كثيرا في هذا الشعور الذي غرسه فيك على شكل أمل باهت !

سامحيني اشراقة يمكن كلامي قاسي
ولكن اخرجي من هذه الدوامة وتعاملي معه على أنه عدد مثله مثل أي رجل يحب زوجته ولكن يقوى على جماع وحب غيرها

ويبدو أن غالبية الرجال لديهم هذه القدرة

__________________
الحمدلله الذي بنعمته تتم الصالحات

من وين جت فكره انه ما يحب الثانيه
الرجل لا يبقي امراءه لا يريدها على ذمته
يلقى له الف مخرج شرعي لطلاقها
ولا يشعر باي تانيب ضمير

والله مسكين المعدد

مستنزفه طاقاته علي الفاضي

أختي الكريمة لكل منا طاقة ولا بد يجئ يوم تنفذ إذا ماكنا نعوضها

تخيلي ان عندك حساب بنكي فيه كم مليون .. كيف راح يعاملك مدير البنك ؟

لكن إذا قعدتي تسحبين منه كل يوم لين صار الرصيد تافهه

راح يستقبلك الصراف علي الكاونتر

واذا صار صفر ماراح يستقبلونك نهائيا ..

إذا كان زوجك رجل سوي وصالح احتفظي برصيد المحبة مرتفعا

فالرجل لا يحتفظ بإمرأة لا حاجة له بها او لا يحبها

كأني فتحت موضوع أسأل يحبها ويجامعها أو لا
خرج الموضوع تماما عن إطاره !

تطمنوا
مستوعبة مليون في المية ايش يصير بينهم، والله يهني سعيد بسعيدة

والله يهنيكي يااشراقة

تستاهلي والله كل خير