معليه رحت نمت و توي صحيت ..

سلفتي تقول لبنتها الكبيرة .. ماحد عرف قيمتي اخيرا ..
غير روح الطير .. امس قالت لي الشي هذا ..
بس لاني اسألها مرات عن طريقة طبخ اكلة معينة و أشكرها عليه

- سلفتي .. لو نزلوا اخوات زوجي عندنا اجازة و في الأعياد .. سلفتي المسكينة تطبخ لهم كل يوم ..
و لو اشتهوا من يدها اكلة - متعبة - مثلا ورق عنب .. و قالت لهم ساعدوني طيب ..
ام زوجي ما تكلم سلفتي و تقاطعها .. و ما يعطوها وجه ..

- اخوات زوجي يروحوا الاسواق مع اخو زوجي و الحدائق و المولات .. مع انه أزواجهم مو مقصرين عليهم
لكن سلفتي تجلس في البيت و ممنوع تروح .. و لو راحت ؛ ممنوع تشتري شي ..
و لو راحت ؛ تروح كأنها شغالة .. تخدمهم ..

- سلفتي .. زوجها - و بتحريض من أمه - يجبرها تاخد نصيبها من ورثة ابوها عشان يتزوج فوقها
و لو ردت عليه .. ضربها و كسر وجهها .. و ما يناديها غير ( هييييه )

قبل كذا ساعدته و اعطته فلوس لها كانت عند اهله .. و قام تزوج فوقها بفلوسها ..

- سلفتي لو ام زوجي حبت تخوفها .. او تهددها عشان تسمع كلامهم و تخدمهم ..
تقول ترى ممكن اقول لولدي .. و يطلقك او يضربك .. بس مابغى اقول له
( يخوفوها و يحسسوها انهم يتمننوا عليها لانهم ما اشتكوا لولدهم )

- سلفتي ممنوع تحضر زواج اخوها و مناسبات اَهلها .. لو زوجها منعها

- سلفتي لو زوجها عرف انه معاها فلوس .. ياخده من يدها و بتشجيع من أمه و ابوه
و لو زعلت او ردت عليه .. اهل زوجها يعتبروها قليلة أدب و تحتاج تربية

- سلفتي يقهروها بيا .. لانه ما يبغونا نتفق انا و هي ..
عشان كذا لو فكرت اجيب هدية لاهله .. ما أعطيه لهم قدامها .. لانهم راح يمدحوني و يقهروها

- سلفتي لما يضيع فلوس او احد يمرض او يصير شي .. يقولوا هي الي سرقت او يقولوا من عيونها

- سلفتي .. كل عيب في احفادهم يعطوها محاضرة في التربية .. و يهزأوها

- سلفتي .. زوجها يشتمها و يسبها قدام اهله و ممكن يمد يده عليها
و أمه و ابوه .. يشوفوه ( رجااااااال ) و عرف يربيها

- سلفتي تحب الدراسة و العلم و تهتم في تعليم اولادها .. لكن ام زوجي ممكن تخلي أحفادها يغيبوا
اي وقت عشان يخدموها في أمور تافهة .. و بعدين تجيب لهم حماتي ورق طبي من اي مستشفى
سلفتي تنقهر على اولادها و مستقبلهم ..

- سلفتي اشترطت تعيش في سكن مستقل .. و بعد ثلاث أشهر من زواجها
تفاجأت زوجها يأخدها بيت اهله و يجبرها تسكن فيه و يسلم الشقة لاصحابها
و الاثاث أعطاه لامه .. و لما اعترضت سلفتي ؛ قام ضربها و للأسف .. كانت هنا البداية
الي خلتهم يتمادوا فيه عليها .. و عاشت مع اهله سنوات في نفس البيت و حتى غرفتها كانوا يحتلوها

تقول لي ولدت و رجعت من المستشفى و اشوف اهل زوجي متجمعين في غرفتي و جالسين يتفرجوا
عالتلفزيون و جالسين فوق السرير ..

تقول جبت فرشة و حطيتها على الارض و رقدت تعبانة .. و مافي احد استحى و خرج من الغرفة

- سلفتي تحملت أذية أخواته و وصلت بينها و بين أخواته لمضاربات بشد الشعور
بس بعد ما تزوجوا أخواته - تقول سلفتي كنت ادعي عليهم و ربي سلط عليهم أهالي أزواجهم
و صاروا ما ياذوني أخواته من بعدها -

- سلفتي تقول لي الحق .. زوجي ما عمره غلط عليها و لا أذاها .. و يتضايق من تصرفات اهله
لكن اتربى غلط .. و قالت لي ( اكسبي زوجك ) لانه ضحية اهله
و تقول هو أطيب واحد فيهم و قلبه طيب و كم مرة شافته قبل الزواج - يبكي - بسببهم و يهرب منهم

- ( ام سلفتي ) مرة ما كان عندها احد يوصلها من مدينة لمدينة .. و ركبت مع بنتها و زوج بنتها
و كانت بالصدفة ام زوجي معاهم في السيارة ..

حماتي قالت لولدها يوقف السيارة .. و نزلت معاه و بدون ما تقول شي
لمرة ولدها و لا لامها .. و تركتهم لوحدهم بالسيارة .. و راحت تتسوق مع ولدها

ام سلفتي زعلت من تصرف حماة بنتها .. لما زعلت ؛ قام اخو زوجي خلى مرته تقاطع أمها
يقولوا ( ليش أمها تزعل !؟ )

و نفس الشي عملوا حركات مع امي الله يرحمها
بس امي كانت توريهم العين الحمراء لو تجاوزوا حدودهم معاها
و انا ما كنت اسكت لو ام زوجي حاولت تحرض زوجي على امي ..

.
.

هذا فيض من غيث بخصوص سلفتي .. و ماخفي كان اعظم
من الي شفته بنفسي و سمعته منها ..

.
.

بس حاليا الصراحة .. و بكل صراحة ..
ما اعرف كيف وضعها معاهم .. لاني ما أتدخل و لا ادخل نفسي

زمان كنت ملقوفة و احزن عليها و أدافع عنها قدام زوجي و كان يقول لي ( مالك دخل فيها )
كنت اقول له ( حراااااام ليش كذا تعملوا فيها !؟ كلموا اخوكم و انصحوه .. ما يصير حرام )

بس بعدين شفت سلفتي هي بنفسها ضعيفة و تسكت عن حقها و تخاف منهم
و صرت بجد مالي علاقة بينها و بينهم ..

.
.

بس كأني اشوف حماتي .. خفت عنها شوي .. !!!

اختي روح الطير

هل تزعلي اذا دعيت على اهل زوجك الله ..... منهم؟!

يا بنات. . مواضع الاجر كثيرة في هاذي الدنيا .. واذا ضيعت الاجر عليها بتقديم هدية مش من خاطرها فإن شاء الله ربي يأجرها في امور ثانية .. ماينقطع الاجر عشان رافضة تهدي ناس اقل مايقال عنهم انهم مايستاهلون ..

روح حبيبتي خلاص لا تضغطي على نفسك ولا تهديهم ..
انتي جاملتيهم كثير على حساب نفسك والمعروف مايثمر فيهم ..
خلاص ألزم ما عليك راحة بالك ..

بالضبط
راح وقت المجاملات خلاص
واللي في القلب ما يغيره الا الزمن
وبس

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

بس احب اقول لك يا مبتعثة
انهم نزلوا الرياض ورجعوا وأنا والده بس ما فكروا يزوروني
يعني مبيتين النية

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

شوك

خذي راحتك .. بما انه الموضوع عن زوجة الابن ..
كملي طالما كتبتي ..

انت معلم و منك انت نتعلم ^_^

نسكت و انت موجود .. و ما نرضى نتكلم

يالطيف الحمدلله ياروح الي نجاك منهم الظلم ظلمات وربي يمهل ولا يهمل

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

اخوي عضو قديم

لو سلفتي دعت عليهم ما أزعل .. براحتها ..

لكن انت ليش تدعي عليهم .. ؟
ادعي لهم افضل ^_^

ادعي عليهم لأني اكره الغباء

واللي يظلم في الدنيا اكبر غبي لأنه من غباؤه يظن انه راح يفلت من انتقام الجبار سبحانه وتعالى

والظلم ظلمات