افهمينا يا موهبة ..
مب غلط لما تضايقتي عشان بنتج ركبت السيارة ..
لأن اي شي يتعلق بزوجته يضايقج على اللي سوته فيج ..
بس ردة فعلج غلط وغلط واكبر غلط ..
لو انج متكلمة بهدوء وقلتي من فضلك مرة ثانية لا تاخذ بنتي في سيارة مرتك مهنا كانت الظروف ... وبس ..
بعدين لو كررها سوي اللي بتسوينه ..

مو هوا كررها يا مريم

من قبل سواها وخالاها تصعد فوق وتروح بيت زوجة ابوها وهالشي اكيد يقهر وفوق هذا خواتها ما كانوا موجودين

ومن بعد ما حرمته منها تأدب وخلاها بس بجهة يدتها او تحت بالصالة

ومع هذا ما احترمت رغبتي و ركبها


على الأقل لو مأجل او قايلي تعالي اخذيها من بيتنا اهون وايد على قلبي

__________________
لا اله الا انت سبحانك اني كنت من الظالمين

خلاص حبيبتي اكيد برد خاطرج اليوم ..
لا تحرمينها من ابوها هو اكيد حس بضيقج وماراح يكررها .. خليه يكلمها او حتى ياخذها ..
ترا في الاول والاخير هاذي مصلحة البنت ممكن روحتها فوق لشقتهم تضايقج لأنج تخافين تعاملها معاملة سيئة .. بس ركوبها في سيارتها وهي مب معاها مافيه شي ماضرها الحمدلله ..

الحين الحمدلله وايد احسن

طلعت انا وبنتي رحت بيت اهلي تغدينا وعقب رحت لعبتها


والحين بنتعشى وراجعين البيت




يمكن أخليه يكلمها بالايباد بس عشان ما اكسر كلمتي


وعقب يفرجها الله

__________________
لا اله الا انت سبحانك اني كنت من الظالمين

موهوبة الكويت
إذا ممكن عندي سؤال
إذا ممكن تعتبرينها فضفضة ولا تنظرين للموضوع كتحقيق أو إستجواب أو شيء يجرح الكرامة تعمقي في مشاعرك وأخرجي ما وجدتي بهدوء وروية وصدق 😇

هل لما تواصلك مع أبو بنتك من هاتفك من أجل إبنتك هل هو من باب إتاحة المجال للصلح أم هو موضوع طبيعي ؟؟
وهل هناك فرق ما إن كان تواصلك معه من الآيباد من رقم آخر غير هاتفك ؟؟

هو حاط لها الايباد للتواصل معاها

بس بعض المرات نكون طالعين فيتصل على موبايلي

او بعض المرات لما تكون في أمور كبيرة مثل طبيب وغيره نواصل بالمسجات انا معاه


بس عمرنا ما تواصلنا بالتلفون بشكل مباشر ابدا


وبالنسبة لي مستحيل ينفتح باب الصلح،،

__________________
لا اله الا انت سبحانك اني كنت من الظالمين

شاكر لك ردّك و سعة صدرك

هل استمر بالأسألة في نفس السياق ( وتكون كفضفضة ) أم هذا الموضوع يضايقك و يعتبر كلام عديم الفائدة

تفضل عادي

بس جان زين تكون اسئلة بالحاضر مو بالماضي

__________________
لا اله الا انت سبحانك اني كنت من الظالمين

استغلال سيء لمشاعر البنت .. وإيحاء سلبي ضدكِ .. لأن إذا البنت بدأت تسأل ـ في مثل هذه المواقف ـ ليش يا بابا ما تقدر تشوفني؟ .. بيكون الجواب على الأغلب: أمج ما تبا!! .. ويصير موّال ثاني!!

وهالتصرفات لا تصح.

ما عليه يا موهبة .. إذا هو ما عنده حسن تصرف في مثل هذه المواقف فلا تخلقينها أو تغذينها برد فعل يؤدي لها .. يعني ماله داعي حكاية إنج تعاقبينه بحرمانه من البنت لأي سبب.

ناهيكِ طبعاً عن أن مسألة الحرمان أساساً مب مقبولة بشكل عام.



بخصوص سؤالج .. أنا قلت لج إن التفاهم حول نقطة استخدام البنت في إيصال الكلام بينكم المفروض تطرحينها معاه بشكل مباشر .. يعني لا تنتظرين اتصاله على الآيباد وبعدين طلبه من البنت إنها توصّل لج كلام معين عشان توضحين وجهة نظرج.

اطلبي بشكل واضح وصريح إنه إذا يبا شي يتصل بج أو يراسلج بشكل مباشر .. وبالتالي في حال اتصاله على آيباد البنت ما راح يكون في مجال أصلاً إنه يستخدمها ويقول لها: قولي لماما كذا وكذا .. لأن المعلومة خلاص وصلته .. وما حبكتش أصلاً يحتاج يقول لج أي شي في الوقت اللي يكلم فيه بنته.

الآيباد المفروض مخصص لتواصله مع بنته فقط .. وأي شي ثاني يباه منج يكون تواصله معاج إنتي بشكل مباشر بعيد عن الآيباد والبنت.

وإذا عمل نفسه ناسي فارجعي كلميه مرة ثانية بشكل مباشر.

__________________


اللهم طِيبَ الأثر .. وحُسْنَ الرحيل.

غلطانه ياموهبه ،،،،،ليش ترسلين له..كذا بينتي له كانك ميته فيه وتدورين العلثه عشان تتواصلين معاه...ايش المشكله لو جا اخذها حتى لو بسيكل!!! انسان انفصلتي عنه وتركتيه بخيره وشره ليش تتدخلين في اموره...اصحي ياموهبه ولاتاكلين بنفسك على شي مايسوى..