اليوم بكيت عند عمي بكاء غير طبيعي وعمي ضعيف الله يستر عليه أعطاني من وقته وتركني أبكي وأتكم براحتي والله خفت عليه يمرض من كثر دموعي.. ومن بعد البكاء حاسة نفسي كثير ارتحت .حسيت لقيت صدر يحتويني وإيد تمسح دموعي جعل ماتمسها النار.

كل الاسامي معليش منت فاهم شي.

الله يهدي سرك ويريح بالك
تعوذي من بليس وتذكري ان الدنيا زايله
صلي ركعتين
والله يشرح صدرك ويزيل همك

__________________
سبحان الله والحمدالله

اللهم آمين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

عندما تكتمل الأحلام ونقف في قمتها لنستريح ويأتي صديق الدرب ليطيح بِنَا من شاهق هكذا إحساسي بك ..
أحيي فيك تماسكك رغم تزاحم الألم وتكالب الظروف والمستجدات لازلت صامدة وهذا بحد ذاته نصر من الله فقط تماسكي أكثر فالرابح أخيراً الصابر كثيرا .

لا عمك و لا زوجك حاسين بالألم اللي بداخلك لو فعلا حاسين كان رفضوا وجودها جنبك
و الله بتكرهين حياتك يا ام دان احنا عوائل عندنا التعدد كثييييررر و نعرف خبايا الحريم و لعانتهم لبعض

السلام عليكم
والله يام الدان انا رأيي تتركي العقل والحكمه اللي مافادتك واللي قاعد زوجك يستغلك لانه عارف بتكوني حكيمه وعاقله وتقدمين مصلحتهم كلهم على مصلحتك
تمسكي برأيك حبيبتي وقولي ياانا ياهي بالعماره مو معقوله يفرط فيك بعد كل هالعمر والتضحيات وان فرط معناها ماكان يستاهل كل اللي سويتيه وبنيتيه علشانه وعلشان حياتكم مع بعض
كوني انانيه وفكري بنفسك وبصحتك وبس
والله انا شايفه زوجك وعمك قاعدين يضحكوا عليكي علشان مصلحت زوجك وبس

السلام عليكم
الله يفرج همك ياام دان وهم كل مسلم
صعب مره وضعك من ناحتين تسكن في عماره شاركتي وصبرتي عشان يبنيها زوجك لعائلتكم وبالأخير مين يسكن فيها صحبتي اللي 12 سنه انا وهي صحبات ياما اكلنا من صحن واحد وضحكنا ووو وبالأخير بطريقة ملتوية وغداره تلف هي وإخوانها مليون لفه عشان تأخذ زوجك انتي بالذات ليه بصراحة مره مستغربه منها أكيد جو لها خطاب بس ليه زوجك انتي وتستميت هي وإخوانها وتقبل شروط جدا قاسية لو شغالة ماترضاها على نفسها عشان ياخذها
وفوق هذا كله فيها كيد عظيم حركاتها الاخيرة وفيها شر ابعديها عنك ياام دان مارح تكفيك شرها وتطمح للمزيد ووجودها جنبك أكيد بيكون لها اختلاط باولادك ترسل فيهم وهذا بيتعبك نفسيا بالاضافة انك لابد ان تلمحيها من فترة الى اخرى
ومااعرف هي بصراحة ايش تبغى رجال طلقها مرتين هذا بايعها مره شكلها في الأخير قالت يأخذ حقوقي يابلاش اكمل معاه

بالاخير انصحك تصلي استخارة الله يعلم الأفضل لنا اذا استخيري ووكلتي امرك لله
الله سوف يختار لك الأفضل

__________________
اللهم اجعلني مما قلت فيهم يحبهم ويحبونه

والحل إذا مو حاسين بي؟
هم يتكلمون بلغة العقل وأنا أتكلم بلغة المشاعر.

أعدت قراءة الردود وفكرت كثير باللي يقولون أكلم أخواني وعيالي ياخذون حقي.

الموضوع مو بهلبساطة
صعب صعب صعب علي نفسياً بعد هالعمر أجلسه بين رجال ..هذه عِشرة 31 سنة..أي نعم هو قهرني بعد هالعمر بس أنا مقدر أسوي زييه.
وإن خطيت هالخطوة وسويتها عواقبها ماراح تكون حسنة.

زوجي راح يعتبر اللي سويته تحدي وعناد.
إما راح ينفذ كل اللي يُطلب منه بصمت وهدوء، ويعيش دور المجروح الزعلان ويهجرني بعدها للأبد..ماراح يعتبر اللي سويته تصرف طبيعي وحق لي،،راح يعتبرني أحرجته وأهنته ونزلت من كرامته لما جلسته بين رجال.

أو راح يقابل التحدي بتحدي أكبر وأقوى،ومايعتبر نفسه غلط بحقي في أي جانب ،حيرمي بخاطري في سابع بحر.،ويستخدم صلاحيات الزوج كاملة،
يعني ممكن يسكننا الثنتين بنفس العمارة وبالقوة ويرجعلي فلوسي اللي صرفها من راتبي..لأنه ماشاء صار عنده خير كثير.. ومو صاير بحاجة لرواتبي زي زمان..رواتبي حالياً بالنسبة له زيادة خير..

وما أستبعد يهجرنا الثنتين ويبدأ حياته مع جديدة.. بعدما يعطينا حقوقنا المادية بشكل كامل..

في كلا الحالتين العلاقة بين الجميع راح تتغير للأسوأ 180°.. حالياً العلاقة بين الجميع فوق الممتازة.

أنا شايلة هم كبير الوضع بعد الجلسة كيف بيكون خصوصاً القوة الجبرية ماتنفع معه..زوجي سياسته سايريني واتحمليني أعطيك.

عمي لما قلت له ممكن بكلم أخواني يتفاهمون معه،حسيته زعل وأخذ بخاطره شوي وقال ليش حنا وين رحنا وش دورنا ليش توصلين لأهلك،

معظم الإخوة الرجال هنا نصحوني بالصبر وما أوقف بوجه زوجي وهذا اللي راح أسويه بحول الله..خصوصا وإن عمي أعطاني ضمانات إن ماراح أحس بوجودها نهائياً لا أنا ولا العيال ولا البنات وقال لي إن حصل منها شي عكس ماقلت لك اللي تبينه..والحقيقة أثق بعمي بشكل كبير، عمي الله يحفظه مايقول كلام مايسويه.

كلامك يُدرّس ما شاء الله عليك
و دام هذا كلام عمك ف انتظري و نشوف النهاية

عذبة الخاطر
مهما رفضت واعترضت وعارضت والله مو طالع بيدي شي غير زيادة تعب