الوضع غير عادي زوج اختك يكلمك ثالث يوم من زواجك وفي اليل أختك وعيب تكلمك في تلك الاوقات

اذا تقدرين ترسلين لزوجك رساله واتس تعتذرين منه عن هالتصرف وانه كان جهل منك وإن شاءالله مايتكرر ويكون هناك حدود للتعاملات زوج اختك يمكن زوجك ينتظر منك مبادره او اعتذر عشان ترجع المياه لمجاريها اهم شى في الحياه الام والأب والزوج فقط وأتمنى من الله ان يجمع شملكم على خير وسعاده👍🏻

شوفي يا عاشقة اولا الحمدالله انك عرفتي خطأك
واشوف ان الخطوة الاولى انك تغيري تعاملك مع أنسابكم تبطلي جلسات العب والسواليف اللي كانت ع الفاضي والمليان
وتبلغيهم انك قرأتي فتاوى بهذا الخصوص وانك لم تكوني تعلمي بحرمة بذلك
وهذي الخطوة لازم تكون بقناعة تامة منك سواء عدت الى طليقك او لا لان هدفك هو رضى الله قبل طليقك ومادمت عرفتي الخطأ فقد قامت عليك الحجة
الخطوة الثانية تتواصلي مع اهل زوجك وتطلبي منه انه يطلبوا من ولدهم انه يتواصل معك لأنك مادخلتي اهلك ولاتبي تدخل احد في الموضوع وتبي تحلين الموضوع بينك وبينه وان شاء الله يتجاوبوا معك ..

__________________
‏"دخل الناس النارمن ثﻼثة أبواب:‏باب شبهة أورثت شكا في دين ﷲ ‏وباب شهوة أورثت تقديم الهوى على طاعته ‏وباب غضب أورث العدوان على خلقه"‏ابن القيم

طبعا عندما يكون التغير نابع من نفسك ومن اقتناعك بالفتاوي
سكون موقفك اقوى امام اهلك وستستطيعين الدفاع عن موقفك
لكن اذا جعلت التغيير من اجل زوجك فقد تواجهين ضغط اكبر من جهة امك

ولو كتب الله ان يتواصل معك زوجك اخبريه انك اتخذت خطوات فعليه وانك بالفعل قد انقطعتي عن التواصل معهم واشرحي له انك كنت جاهله بالحكم

__________________
‏"دخل الناس النارمن ثﻼثة أبواب:‏باب شبهة أورثت شكا في دين ﷲ ‏وباب شهوة أورثت تقديم الهوى على طاعته ‏وباب غضب أورث العدوان على خلقه"‏ابن القيم

امس رديت علي حميتي اخت زوجي على الواتس اب اعتذرت منها لاني مارديت عليها من فتره وقالت لي شو سبب زعلكم ومادري شو قلت لها اكيد اخوج قال لج عن السبب .. تقول لا ما قال .. قال لنا انه صار زعل فيما بينا وسوء تفاهم يعني اشيا غير مقنعه فهي حابه تسمع مني .. انا على كلامكم بصراحه ما رضيت اقول لها .. قلت لها مثل ما قالك انه حصل سوء تفاهم .. طبعا الحت علي بس ماقلت لها .. قالت لي المهم اخوي يبي يكلمك وهو حالته تعبانه .. تقول يقعد بحاله في الشقه اللي مجهزينها لنا بعد الزواج وانه ماقطع الاجازه اللي اخذها .. بصراحه انا كسر خاطري وزاد همي بعد اكثر ..
بعد ما سكرنا امس بالليل اتصل علي بس مارديت عليه لاني ماكنت عارفه شو اقول .. ارسلت له رساله قلت له اكلمك بكره ان شاء الله .. وانا اعرف اني غلطانه وماكان المفروض اعاند واكبر الموضوع ..
رد علي برساله .. انا مسامحك وانا بعد غلطان لاني المفروض ماكنت اعصب واثور لدرجة التطليق كان المفروض نحل الموضوع ثاني او ثالث يعني عقب تهدى النفوس .. وقال انا ماعلمت اهلي عن السبب لانه الموضوع راح يكبر ومابغيهم ياخذون فكره لا عنك ولا عن اهلك سواءا اقتنعتوا باللي صار صح او غلط .. بس كيف ارجعك .. رديت عليه .. قلت له انت تعرف امي طبعا .. لازم هي تسمح لنا ولازم اكلمها ..

بعد عدة رسايل .. قلت له المهم انت ارجع بيتكم لا تقعد بروحك لانه اختك قالت لي واقطع اجازتك وارجع دوامك وعسى الامور تعدي على خير ..

المهم .. انا الحين مو عارفه شقول لأمي .. وامي اساسا مش مقتنعه من السبب اللي قلت له عليها .. واصلا ماتبيني ارد له يوم تقول لك اجيب لك اللي احسن منه .. بس انا مابي حد ثاني .. ابي اهو ..

تتوقعي والدتك بتغير رايها لو فهمتيها انك غلطتي عليه او رفعتي صوتك .. ممكن وقتها توافق انك ترجعي له خاصة اذا فهمت انه كلمك وطلب رجعتك بالرغم انك السبب بالطلاق

ما احملك الغلط انما قصدي ان الام تعصب لبنتها وتعند لما تحس ان بنتها مظلومه بينما اذا فهمت انها غلطانه ممكن تخليها ترجع له

1) طبقي ما ورد في المشاركتين رقم 123 و 124.
2) ابدئي التواصل الراقي المهذب مع زوجك ما دمتِ في العدة.
3) قدمي الأمل له بالرجوع والتغيير والتعهد بذلك.

صباح الخير خاله بيتا .. اسعدني تواجدك وردك .. الحمدلله ..

امي مو مستوعبه موضوع الطلاق خصوصا ان تونا في اول الطريق .. اصلا تبي تزوجني واحد ثاني .. تقول لي تزوجي انا ازوجك ولد خالتك ولا الناس تتكلم .. خل يقولون العيب في زوجك مو منك .. انا رافضه هذا الشي ومابي الا زوجي ..

بس مثلا غلطت عليه شقول لها بالضبط .. عشان اكون انا الغلطانه .. وانا الغلطانه بكل الاحوال حتى لو اقول لها الصدق بس اهني بزعل امي واختي وكل العايله يعني بقول لهم انتوا عايشين سنينكم الماضيه كلها غلط في غلط .. انا ابي احل موضوعي بدون لا اجرح احد .. اكيد فاهمين علي

ايوه فاهمه عليكي
اممممم شوفي هي وش تكره في التصرفات وحطيه فيك
مثلا كلام وقح او علو صوت او انتقادك لشكله
ابتكري هههههه

مرحباً أخي

إذا فعلاً تحبين زوجك وودك ترجعين له
لابد تحاربين من أجل ذلك وتقولي لأهلك أنا ودي زوجي وما ودي أحد غيره

وأقترح عليك التالي:
1- أذكري الحقيقة لوالديك وركزي على نقطة أنك كنت تعانديه وماسمعت كلامه وزعل عليك من أجل ذلك

2- أذكري لهم أنك قرأتي بعض الفتاوي وأضهريها لهم .. وقولي أنه ربما زوجك أخذته الغيره عليك ولم يتحمل.. وأنك ترين أن هذا من حقه

3- أطلبي منهم أن يتركو لك الأمر بالإستخارة وبالتواصل مع زوجك حتى تقتنعي بالحل الذي تصلين له

4- حاولي التواصل مع زوجك إما مباشرة وإما عن طريق أهله وأشرحي له أنك ضحية عادة مدرجة عند عائلتك لم تكوني تعلمي أنها خطأ ولم تقصدي إيذاء زوجك أو الخروج عن أمره ولكن كنت خائفة من زعل أهلك لأنهم لا يعرفون طباع زوجك

5- أعطيه وعد بأنك سوف تلتزمين بشرع الله وأنك تقدرين له غيرته عليك وأنك سوف تطيعين أمره في مسألة الكلام مع الأنساب


بالتوفيق إن شاء الله