شكرا للجميع ...

مستجداتى :
طبعا انشغلت جدا بعملي و ماعندى وقت حتى للتفكير
الوقت يمضى سريع و اليوم مزحوم << اعبر
و هذى الايام صغط زياده ... المهم مافكرت كثير بالموضوع او مانى قادره اركز
وصارت لى عدة مواقف بالشغل اثرت فينى .. ومنها موقف صراحه احس بيكون له
اثر في تغير رايي ..!

نرجع لموضوعى وهو هذا الاصغر منى ^_^
دق امس ومارديت و ارسل وقال حابك اعرف رايك مبدئيا و تاخرتى و كلام
مارديت و قال كلمه مدرى صادق او لا يقول الوالد جدا معجب باختيارى لك
ويقول ماتلقى افضل منها قلت يعنى مو انت اللى مقتنع ابوك ؟!
قال لا والله و انا احبك !! عاد انا هنا ؟!!! قلت كيف و من متى عرفتنى
قال من زمان اعرفك و اتابع كل حساباتك و شفتك .. قلت طيب انا عندى شغل
و ماكملت معه ... بس ارسل بعدها بساعه تقريبا قال ياليت تفكرى بشكل جدى بموضوع
النقاب ... لانه قال اول مره قابلته اشرط تتنقبين .. انا اتنقب بالاساس بس مو بكل مكان

اللى صار بشغلى اكتبه وقت ثانى ان شاء الله
وان كان مهم و ممكن يغير مسار تفكيري ..

أحسن لك تنتقبين

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

الجميل في الشاب في هذه السن انه يحب من كل قلبه
ويكون مندفع كثير وعاطفي
فهنيئا لك أن كان يعجبك ذلك
عكس الاكبر في السن تكون عاطفته موزونة ويحكمه العقل اكثر

أتمنى لكِ كل الخير ....

موفقة ....

معناته يا فليكا انه معجب بتفكيرك وعقليتك وهذا اهم شي ،،طالما هو عنده معرفه مسبقا بكتاباتك وحساباتك وكتاباتك بتويتر فهذا شي ايجابي ، ما جاء اختياره شختك او بختك او جاء اختياره بناء على تنقي اهله ،، جاء الاختيار من نفسه وبرايي الاختيار ان جاء من الرجل نفسه وفق قناعته يكون الزواج اكثر نجاح وتوافق وانسجام

يبقى عاد انت وقناعتك فيه وبتفكيره ،،

محب السنه ،، جورى ،،، وفاء ،، و ريماس ..
شكرا لكم و ممتنه لارائكم ..

اخر المستحدات :
مثل ماقلت سابقا الوقت يمضى و اشعر انى مشغوله جدا عن اتخاذ اى قرار
المهم انى التقيته عدة مرات اسمع منه و يسمع منى ..
اخر مره اليوم بعد الغدا شفته بكوفي ^_^ طالعه انا من مشوار و مريت على الكوفي
و شفته < مدرى صدفة او عمد منه . الله العالم
دقيت عليه فلان تعال انا شايفتك و جاء تكلمنا و يبدو انه غير مناسب لي
صحيح عقله اكبر من عمره و عنده اهداف و طموح و خطه لحياته ..
لكن ماعجبنى فيه شي يمكن مايتناسب مع شخصيتى او طموحى للحياه ..
يتمسك برايه و لكن بسرعه يتنازل < مو عيب و شي جميل
لكن ابغى شخص يبرر و مستقل بذاته و عنده فطنه ..
صحيح ايجابياته اكثر لكن فيه امر يهمنى جدا ماهو موجود فيه ..
امر اخر ، نسبه من جهة والدته وجده لامه مايناسبنى ..

بلغته برائي لكنه عارض و تكلم كثير حتى قال < اجيبهم لك كلهم
ثم قال او عشان فلان ؟ فلان هذا ابن خال و هو بعد اصغر ^_^ لكن باربع سنوات
وله رتبه و لكن مابينا اى شي ..
قلت له عشان فلان او علان او خاطب جديد عندى
هذى كلها امور ترجع لي انا وحدي و انا اللى اقرر
قال فيه يعنى واحد قلت ايه فيه قال مين قلت ماعرفه ^_^ عن طريق مين
عن طريق شغلي ، تعرفيه قلت عفوا .. قال وانا
قلت انت ماترد و مايعيبك شي بكل صدق لكن ما نناسب بعض ..
قال انتى تناسبينى جدا و مالقى مثلك وووو ..
وقام قال فكرى لا تستعجلين انا مستعد لكل اللى تطلبين ... و راح ..

مدرى هل ابلغ الوالد برايي او والده هو او امه
مابغى صراحه احرجه معهم لكن هو بلغته و غير مقتنع ..

على اي أساس يافيلكا تبلغين أمك ولا أبوك وانت مخلصة أمورك بنفسك !! ماتحسين مساحة الحرية اللي أنت آخذتها زايدة عن الحد يعني مو مرة وحدة قابلتيه مرات عديدة انت تتصلين عليه وتقابلينه هل تشوفين هذا الشي شرعا صحيح ؟؟ احس مالك مرجعية لا من أم ولا من أب صعب مرة وضعك يافيلكا .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

^
نفس رأي بنت طيبة

جميل البنت تكون واثقه من نفسها ومسؤولة وتعرف تتخذ قراراتها وتدافع عن مصلحتها
لكن معليش اللي تسوينه أوفر جداً !
كيف تقابلينه في كوفيهات وتتناقشون واتصالات وسوالف وانتوا بدون ملكة وعقد شرعي !؟
راجعي بعض تصرفاتك يافليكا وخليكِ أغلى من أن أي واحد يسوى أو مايسوى يجلس معك ويسمع صوتك ويستمتع بالكلام والكافيهات ولسوالف معك ! يابلفيت اني بدرسه وأتعرف عليه
لا مو كذا التعرف ولا كذا دراسة الشخصية
...

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال