ياقلوب لمتى الجفا حبيبتي
هو غلط بالنظرة و انتي غلطتي بردة الفعل
انتي براسك تادبيه عشان ما يرجع يشوف و يناظر
وهو براسه يأدبك عشان ماترجعي ترفعي صوتك عليه
وبتجلسو تدورو بحلقة مفرغة ..
وبصراحة انتي غلطك اكبر مهما كان العصبية و الصوت العالي على الزوج
تنزل من قدر الزوجة عنده
لانها تبان انها جلفة و ماتحترم زوجها (بشكل عام و مو قصدي عليك)
شفتيه نظر لوحدة ثانية .. اعطيه تلميح قوي . كلمة بالعظم
اية قرانية او حديت عن غض البصر
كنتي بتخليه يستحي على دمه و مابيقلب الطاولة عليك ...
وبعدين بيني و بينك يا قلوب انا زيك بدولة اوروبية مغتربة
بالله قولي لي بهالصيف و هالشخلعة الي حولينا
مستحيل تلاقي حد يمشي و عيونه بالارض .. اذا كنت انا البنت احيانا ماقدر اقاوم الشيطان
وتطالعي بلوزة فلانة و لبس علانة و رجلين هديك و ركب هذه
فاكيف بالرجل الي اصلا فطر على حب روية الجمال و المراة ؟؟
ومش كل الاحيان تكون نظرات غريزية
احيانا بتلاقيهم نظروا عشان لفتهم شي ما
مثلا جت عينه بالحرمة و تذكر انه شافها مكان ََ وتلاقي يفحص فيها وهو يحاول يتذكر وين شافها
مو انه يدقق بمفاتنها
او شاف حرمة و فيها شي غريب ملفت من لبس او تسريحة شعر غريبة او او او
يعني تعددت الاسباب و الموضوع مو محتاج كل هالهوجة و الزعل و الخصام ايام
يكفي تبيني له شعورك بعدها و خلصنا ..
المهم الحين حاولي تنهي الخصام .. بعد المخدة يبعد المودة
و كل مازاد الجفا كل ما اتعود على زعلك و بعدك .. وانتو لسه عرسان
المفروض تعلقيه فيك مو العكس ..
لو حابة تصالحية بدون ما تعتذري
قولي لي و بعطيك طرق
لو حابة تكملي بالخصام و مستنياه يعتذر ..
خلااص براحتك يا عسل ..
على فكرة كم لك بالغربة ؟؟