يارب تعبت معها ساعدوني - الصفحة 12 - منتدى عالم الأسرة والمجتمع

19-02-2008, 08:17 AM

mona777

VIP

تاريخ التسجيل: Feb 2004

المشاركات: 4,123

اقتباس:

المشاركة الأصلية كتبت بواسطة حنون. بس متعذب

جزاكم الله الف خير يااخواني الغالين ماقصرتو والله.. بس صار تطور معي اليوم.. دقيت عليها ابشوف وش وضعها حاليا لاني

ماابي اظلمها وبعد السلام بدت تسال عن اخباري وانا اقولها بخير قالت انا ودي ارجع لك.. بس انت جرحتني بالطلاق..

ولازم ترضيني قلت لها فوق انك غلطانه تبيني ارضيك بعد؟؟ الواجب انتي اللي ترضيني؟؟ مو انا يازوجتي العزيزه قالت انا

ماابي شيء كبير ارضني لو عن عيون الناس بس... قلت وش المطلوب قالت امي شرهانه عليك.. لانك طلقتني بتسرع

ولسبب تافهه وعرفو الناس.. وطبعا هالشيء اثر علينا كعائله وانا عندي اقرباء ومعارف وهالشيء اثر عليهم وطول هالثلاث الشهور حالتي النفسيه تعبانه .. ودقيت عليك ومارديت علي عشان كذا لازم ترضيني بشيء يستاهل ويملى عيني وهالشيء ماحد يعرفه الا انا وانت.

ويخلي امي مطمأنه علي لانها انصدمت يوم طلقتتني وماتوقعتك كذا... قلت ابي الزبده الله يخليك قالت انا مستعده ارجعلك واسوي اللي تبي بس تكتب باسمي شيء.. لاني خفت يوم طلقتني؟؟ انك تكررها معي اذا رجعنا لبعض..

لاتسالوني عن حالتي يوم قالت لي هالكلام.. قلت وش اكتب لك؟؟؟ قالت اكتب العماره اللي عندك بالشرقيه باسمي.. وهالشيء ماراح يأثر على علاقتنا لانا نبقى زوجين وحبايب واللي لك لي وفلوسك هي فلوسي.. بس انا اخاف من

المستقبل وانصدمت يوم طلقتني انك تكررها وبعدها اضيع... انا قلتها يصير خير انشالله ... ومع السلامه... وسكرت

السماعه... هاذا اللي دار بيني وبينها يااخواني ومازدت عليكم بحرف والله عندي احساس ان امها هي اللي قايله لها

هالكلام.. امها هي اللي مغيره تفكيرها هاذا مو اسلوبها.. ... بصراحه ابي ردكم باقرب وقت لاني ابحسم امري قريبا باذن الله

بما انه هذا اخر كلامها هذا ولا تفكر تردها لعصمتك وحتى لو تتصل لا ترد عليها
خلاص انساها واحمد الخالق انه لا رابط بينكما ومثلها لا يؤسف عليها

19-02-2008, 02:33 PM

نجاح..

عضو نشيط

تاريخ التسجيل: Jun 2007

المشاركات: 144

بصراحة من أبشع المشاكل اللي شفتها !
الله يصبرك على هالأشكال ويعينك و يبدلك خيرا منها .
الغريب لها سنتين وما تطبخ على سنع وتبغى شغالة وهي ما عندها أطفال ايش هذي؟!
احنا والله جينا من بيت أهلنا ما نطبخ ولا بيضة، والحمدلله من بعد شهر العسل طبخنا وكل شي مشى
إذا ما تبغى تسوي هالأشياء ولا تعطيك حقك في الفراش على أتم وجه ايش وظيفتها أجل؟ بس تاخذ منك فلوس !

أما عن هذا الكلام:

اقتباس:

المشاركة الأصلية كتبت بواسطة حنون. بس متعذب

جزاكم الله الف خير يااخواني الغالين ماقصرتو والله.. بس صار تطور معي اليوم.. دقيت عليها ابشوف وش وضعها حاليا لاني
ماابي اظلمها وبعد السلام بدت تسال عن اخباري وانا اقولها بخير قالت انا ودي ارجع لك.. بس انت جرحتني بالطلاق..
ولازم ترضيني قلت لها فوق انك غلطانه تبيني ارضيك بعد؟؟ الواجب انتي اللي ترضيني؟؟ مو انا يازوجتي العزيزه قالت انا
ماابي شيء كبير ارضني لو عن عيون الناس بس... قلت وش المطلوب قالت امي شرهانه عليك.. لانك طلقتني بتسرع
ولسبب تافهه وعرفو الناس.. وطبعا هالشيء اثر علينا كعائله وانا عندي اقرباء ومعارف وهالشيء اثر عليهم وطول هالثلاث الشهور حالتي النفسيه تعبانه .. ودقيت عليك ومارديت علي عشان كذا لازم ترضيني بشيء يستاهل ويملى عيني وهالشيء ماحد يعرفه الا انا وانت.
ويخلي امي مطمأنه علي لانها انصدمت يوم طلقتتني وماتوقعتك كذا... قلت ابي الزبده الله يخليك قالت انا مستعده ارجعلك واسوي اللي تبي بس تكتب باسمي شيء.. لاني خفت يوم طلقتني؟؟ انك تكررها معي اذا رجعنا لبعض..
لاتسالوني عن حالتي يوم قالت لي هالكلام.. قلت وش اكتب لك؟؟؟ قالت اكتب العماره اللي عندك بالشرقيه باسمي.. وهالشيء ماراح يأثر على علاقتنا لانا نبقى زوجين وحبايب واللي لك لي وفلوسك هي فلوسي.. بس انا اخاف من
المستقبل وانصدمت يوم طلقتني انك تكررها وبعدها اضيع... انا قلتها يصير خير إن شاء الله ... ومع السلامه... وسكرت
السماعه... هاذا اللي دار بيني وبينها يااخواني ومازدت عليكم بحرف والله عندي احساس ان امها هي اللي قايله لها
هالكلام.. امها هي اللي مغيره تفكيرها هاذا مو اسلوبها.. ... بصراحه ابي ردكم باقرب وقت لاني ابحسم امري قريبا باذن الله

ماشاء الله عليك ما سكرت في وجهها وصرفت النظر عن إرجاعها! شكل الطلب عادي عندك :/
والله ما ودي تطلّق البنية بس بعد اللي قالته! شي مو معقوووووووول وقلة حياء وتفكير سطحييييي إلى أبعد حد ! يوم قرأت ردك الأخير ما قدرت أسكت والله! معقولة في أحد في هالوقت يسوي كذا، أحس الناس اللي تفكيرهم كذا نادرين ولله الحمد وإلا كان خربت البيوت.
هو صحيح على قولتك مية بالمية أمها مأثرة عليها وهذا مو كلامها بس حتى ولو والله بتتعب معها دام هذي أمها وهذا تفكيرها الله يخلف، المفروض الأم يكون تفكيرها أكبر من كذا ولو كان تفكير البنت معوج تعدله بس هذي العكس، هذي كيف ربّت بنتها؟! أكيد على الماديات والفشخرة والمظاهر ونست تربيها على الأهم على الجوهر وعلى الأخلاق الحلوة وحسن التبعل والحب الصادق وإرضاء الزوج، انت ماشاء الله عليك مو ناقصك شي أبدا لا ماديا ولا معنويا بس هي ما قدّرت النعمة، متأكدة لو ربي كاتب لك وحدة ثانية عاقلة وعاملتها بطريقتك والله راح تشيلك فوق راسها وتخدمك بعيونها بس نصيبك طيحك في ناس أنانيين.
اللي أقصده انك مهما حاولت تعدلها خلاص البنت واثقة في أمها وعلى هالأساس متربية ولو تغيرت بيكون تغير بسيط لأن جذورها قائمة على كذا.
ولا تتوقع انكم لو تفاهمتوا و رجّعتها بتضمن ما تطلع لك طلعات أشنع، بعد ولادتها تبغالها هدية طقم ألماس وإلا ما راح ترجع من بيت أهلها هههههه و قس على ذلك.

المشكلة اللي تربت على هالأشياء كيف بتربي عيالها؟ صعب جدا تعيد تربيتها وتعلمها الصح من الغلط لأنها أبدا مو صغيرة، أنا أصغر منها والحمدلله متزوجة من حول السنة ولا شفت من زوجي ولا هدية ولا حتى وردة ولااااا أفكر أطلب منه عيييب والله! والسفر يكفيني أي شي وقنوعة مع اني متعودة على أشياء غير، بس لأنه مكفيني ومو مقصر معي ومرضيني بأخلاقه ولطفه فأحاول أرضيه بكل شي وأبعد عن الأمور اللي تزعله وأكيد الحياة لابد فيها من منغصات ومشاكل صغيرة بس أحاول قد ما أقدر أداريه وأحتوي المشكلة وما أكبرها.
المهم انك لو فكرت تتزوج مرة ثانية اسأل عن البنت وأخلاقها وشكلها وأهلها، لا تهمل شي على حساب الآخر، لا تاخذ وحدة حلوة وأخلاقها شينة، وبرضو لا تاخذ وحدة أخلاقها حلوة بس شكلها عادي، البنات كثير وطلبك مو صعب وانت تستاهل، وغالبا اللي من مجتمع محافظ تكون ماتهمها الماديات.

بصراحة كنا نراقب وساكتين على أمل تنفرج لك وتلقى حل بس بعد سالفة العمارة ياإلهي! صار لازم نقول رأينا و الله يوفقك .

التعديل الأخير تم بواسطة نجاح.. ; 19-02-2008 الساعة 02:49 PM

19-02-2008, 05:40 AM

تالينااا

عضو مميز

تاريخ التسجيل: Jul 2007

المشاركات: 681

يالله شكلها المسلسلات مأثرة عليها بزود

أنا أشوف والله أعلم إنك تمرها بيت أهلها وتاخذها وتطلع معاها مكان هادي جداً وشاعري .. وتبدأ تتكلم معاها بكل هدوء و ( صرااااااااااحة) قولها كل اللي في خاطرك منها .. لاتلومها او تعاتبها او تطلب منها تنظيف وووو .. قولها ببساطة واختصار انا طول عمري اتمنى زوجتي تكون ........... و .......... و ......... عاد انت املا الفراغات .. وبعد ما تنتهي من كلامك انتظر ردها .. وعلى اساسه احسم الموضوع
وقتها بتكون لوحدها يعني امها ماراح تسلطها ولا تأثر عليها وعلى تفكيرها .. ذكرها بأهمية الحياة الزوجية ومكانة الرجل في حياة المرأة ومكانة المرأة في حياة الرجل .. وفهمها انه الرجل باستطاعته الجمع بين اربع زوجات .. بينما المرأة لو لا قدر الله تطلقت محد بيضيع غيرها

الله ييسر امرك ويسعدك

19-02-2008, 06:17 AM

sad 4 ever

عضو مميز و مثالي

تاريخ التسجيل: Jan 2006

المشاركات: 292

اخي العزيز لا تكتب العمارة باسمها لو مهما يصير....

__________________

19-02-2008, 07:53 AM

حائر ومتفائل

عضو نشيط

تاريخ التسجيل: Oct 2006

المشاركات: 149

لاتكتب العماره باسمها مهما يكون

زوجتك على عيني وراسي لكن ليش تكتب العماره يخي مو لعبه واخذ وعطا وشيكات الزواج

لا الزواج تفاهم وحب بين الاثنين

مو حاله هاي قولها ماارضى وانا اسف برضيك بهديه بسفره لكن عماره لا

انا هاي رايي ورأيي يحتمل الصواب او الخطا

19-02-2008, 09:52 AM

مشكلتي اصدق

قلب المنتدى النابض

تاريخ التسجيل: Jan 2006

المشاركات: 3,893

هذا شي يتوقف عليك....

تبي البنيه؟ اجل ردها وبدون ما تكتب العماره شي اكيد يعني...

ما تبيها ...اجل تسريح بإحسان...

ما بقول لك خلها وتزوج عليها...لا هذي ما تنفع...هذي ماخذه الزواج تجاره...والله قويه تكتب لها عماره ( عشان تروح تقول للناس شرى رضاي بعماره) وتزعل منك مره ثانيه ويا عالم وش تطلب منك...

مثل نوعيتها ماتشرفك كأم للعيال ابدا ولا تعرف تربي ابدا...فكر واقدم لكن عماره لا لو ان شاء الله صندقه ..لا ولا تشم حتى ريحتها ولا حتى تشوفها من بعيد...

__________________
[/IMG]

19-02-2008, 10:25 AM

حائر ومتفائل

عضو نشيط

تاريخ التسجيل: Oct 2006

المشاركات: 149

حاول معاها بالاحسان

بس عماره لا

اليوم عماره بكره برج يخي

والحياه والزواج مهب تجاره

19-02-2008, 11:11 AM

غدير الابرار

عضو مميز و مثالي

تاريخ التسجيل: Feb 2007

المشاركات: 810

لا تكتب لها اي شي والله الحين ترفقنا لحالها وقلنا رجعها ..............بس الان اذا بترجعها اخوي رجعها بس بدون اي شي الحين هي غلطانة وتروح تجيبها وبعمارة (( يا كبرها عند الله )) ........

خلاص الحين الاوراق كلها مكشوفة هي تبي تضمن انها تصير غنية حتى لو تطلقت منك اهم شي المال ؟؟؟؟؟؟؟؟

الحين تقول اكتب لي شي لان الكل من عايلتها درى عن طلاقها ولازم تكتب لها شي وما بتقول لاحد هذا الكذب بعينه .الحين لو تسجل شي بأسمها ((راح تنشره في رويترز العايلة طبعا )) وبتقول شوف شلون ما يستغنى عني ...

يعني هي داخلة على طمع مثل ما كنت انت تقول ............واستخير الله ........ وبالتوفيق

التعديل الأخير تم بواسطة غدير الابرار ; 19-02-2008 الساعة 11:20 AM

19-02-2008, 12:04 PM

القناصـ

قلب المنتدى النابض

تاريخ التسجيل: Jan 2008

المشاركات: 2,528

هلا اخوي انا مع الاخوان الله يجزاهم خير وما قصر بدودهم

لا تكتب العماره باسمها والله انها مخططه لشئ هي وامها يبون فلوس فقط لاغير

ومادرت عن الحياة الزوجية ادقم خشمها قلها تبين ترجيعن حياك لا في عماره ولا غيرها

ما تبين يكون افضل__ الحريم يا كثرهم بنات القبايل الى تحطهم على الجرح يبرى

تحيتي لك

__________________

نبذة عن اطفال ذوي صعوبات التعلم

19-02-2008, 12:18 PM

#10

عشق عبادي

كبار شخصيات المنتدى

تاريخ التسجيل: Oct 2003

المشاركات: 5,194

اقتباس:

المشاركة الأصلية كتبت بواسطة algna9

صح لساتك أخوي

كلمة و رد غطاها

__________________
اللهم ارحم أخي رحمة واسعة و أجعل قبره روضة من رياض الجنة

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه