وبعدين الأخ مشكلتي أصدق (الله يسامحك على تهجمك علي بهالطريقة)، بس ما قصدي إني أمن عليها، قصدي إني أذكرها من حين لآخر إني ما قصرت معاها وإن كل هذا سويته لأني كنت أحبها ، وهي ضيعت هالحب من قلبي. تقوم ترد زوجتي علي بكلام غرييييييييييب تقولي: اللي يحب ما يكره، وأسمى ما في الحب إنه يعلمنا نسامح، واللي يحب ما يفرط بحبيبته مهما صار ويحرك جبال عشانها .. (إذا صج كلامها جان يتني المسكن الجديد) بس على قولتها تبي تحل المشاكل من الجذور ومسكنا الجديد راح يخلينا نتزاعل وقربنا من بيت أهلي وبياتهم عندي راح يخلينا نتزاعل. ((مو إذا تحبني على قولتها جان تنازلت شوي وسمعت كلامي وين ما أروح وتحملت عشاني) .. ترد هي تقولي إذا تبي حياتنا تستمر وخرنا عن المشاكل من الحين.

عشان جذي ما ظنتي تحبني .. إذا تحبني تجي معاي وين ما أروح .. هي كل اللي هامها المؤخر وبسس .. فهمتوا شنو أقصد !!

الكلام تغير

سبحان الله وبس

__________________
[/IMG]

على قولت اخوانا المصريين

بوريه منك بوررررررررررررررررررررررررررررررررررررررريه يا صبرنا عليك بس

__________________

لا حول ولا قوة إلا بالله .. وش هالمعتقدات الغريبة منكم !!!

وعلى فكرة أنا أصلا ما عرضت موضوعي إلا لأني مشوش وماني قادر أفكر وكل المواضيع دشت مع بعض ومشكلة القضايا هذي مجننتني ... أقولكم أنا شنو أبي باختصااااااااااااااااار

1. أنا زوجتي ما أقدر أنكر أنه ليومي هذا أحبها وأشتاقلها
2. أنا وااااايد تغاضيت عن أشياء عشانها (كتبتلها مؤخر زين، كنت أمنع أهلي من المبيت عندي عشانها، تحملت إيجار شقة غالي عشانها، تحملت عصبيتها، تحملت صوتها العالي لما تعصب وتجريحها وسرعة غضبها، تحملت إني أرجع من دوامي ما ألقاها طابخة بعض الأيام، تحملت عندها ودلعها وحنتها) كل هذا لأني أحبها. بس مع مرور الأيام ما قدرت أتحمل أكثر.
3. جه الوقت إللي هي تثبتلي فيه حبها. وأول شي إنها ترضى تسكن معاي بالمسكن الجديد وتسمح لأهلي ينامون عندي بس مو كل يوم ترى يعني ممكن يوم بالشهر مثلا أو يومين. يعني أحس إني ببيتي بعد (يعني أي أحد بيجيني من أهلي حياه الله) ما أحس إني مقيد.
4. بالنسبة حق العصبية والصوت العالي هي اعترفت بخطأها من هالناحية وعدتني ما تكررها وتحاول تكظم غضبها وتسيطر على عمرها لأنها تعلمت من فرقتنا درس كبير، وعلى قولتها الواحد ما يتعلم بالساهل.

يعني بالنسبة لها الحين، تنازلها عن تجريح كرامتها ومسامحتها لي عن الطريقة اللي صار فيها انفصالنا ونسيانها لكل الأحداث المؤلمة اللي صارت ورغبتها الحقيقية بالتغيير هي أكبر دليل على حبها لي.

بس أنا اللي أشوفه، إنها ترضى تسكن بالمسكن الجديد وتسمح لأهلي بالبيات هو الدليل على حبها لي.

أعتقد أنا جذي وضحت .. ممكن الحين تقولونلي رايكم !!

معليش

اعتبر عقولنا سميكه

انت الحين وش تبي منها؟
بس تنتقل للبيت الجديد؟ وسكنكم القديم كم بينه وبين الجديد بالسياره؟

وكم بين المسكنين وشغلها؟

__________________
[/IMG]

ياليت تفهمنا من وجهة نظرك الكريمه ماهي الحدود المطلوبه بين اهل الزوجه مع الزوج واهل الزوج مع الزوجه !!!!

__________________
[/IMG]

وعشان أثبتكلم إن كلامكم ومشاركتكم لا راحت هباء ولا إني ما استفدت منها، بالعكس، كافي إنكم تحملتوا موضوعي الطويل وأخذت من وقتكم الثمين وانتوا أصلا مو ملزمين تحلون مشاكلي، بس كافي المبادرات الطيبة، ولاحظت شي عجيب والله بارك الله فيكم، لاحظت إنكم مدققين على تفاصيل موضوعي بشكل غريب ... يعطيكم ألف عافية سواء اللي غلط أو ما غلط علي ..

* موضوع النفقة فهمت .. بس بما إن إحنا عايلة صغيرة للحين بس أنا وهي، نعيش بشقة صغيرة مبدئيا إلى أن أنتهي من ديوني والله يوسعها علينا، وما راح أجبرها تدفع شي.

* أكون صبور علها وأتفهم عقيلة المرأة العنيدة وأوخر عنها عند العصبية. ماشي فهمنا.

* لا أهلي ولا أهلها يدخلون بحياتها، وكل ما بينها وبين أهلي كل احترام ورسمية وما أجبرها على الاختلاط بهم رغما عنها. طيب أحسن

أنا معاكم بالنقاط اللي فوق ،،،

ياخي مو ملزومه تدفع عنك ديونك والله

ولا تساعدك فيها


انت لو ذكي كان بتعاملك معها استملت قلبها ناحيتك وهي تساعدك من نفسها .. واكثر شي تموت فيه الحرمه ان يكون زوجها مايطالع في اللي عندها .. بالعكس يقول لها خلي فلوسك لك وانا اعطيك .. حتى لو ماتعطيها الا ميتين ريال شريا بإبتسامه بسيطه تقول هذا اللي قدرت عليه يا حياتي ... هي من نفسها بتعفيك من الفلوس وبتساعدك .. اما انك تحسب عليها وتقول ليه هي ماتحط زي ما احط وهي تحوش وانا ما احوش !!!!!!! شغل بزران

باقي النقاط تمام عليك

__________________
[/IMG]

وعلى فكرة .. مهما كنت أحاول أنكر جدام زوجتي .. هي بالفعل رغم كل الصفات اللي تنرفزني منها، بالفعل عندها صفات صراحة ما شفتها بغيرها من البنات .. كافي ضحكتها اللي ترج القلب، وبشاشة ويها، وأتذكر اشلون لما أرد من الدوام (طبعا في عدم وجود الزعل) ألقاها متزينة ومتعطرة وكانت تركض علي تحضني وتبوسني وترحب فيني، وما أنسى لما نلعب مع بعض، وما أنسى أوقاتنا الحميمة وابتكاراتها وحركاتها المجنونة وتخليني أفر وراها بالفراش ماني عارف راسي من ريلي، ودمها خفيف، ومتحدثة لبقة (بس أعوووووووووووووووذ بالله لما تعصب جنها تربية شوارع هي ولسانها الطويل) ... وطيوبة وبسرعة تتنرفز وبسرعة تهدي ...

يعني أنا موبشين مثل ما انتوا مفكريني ،، بس المشكلة اللي صارت هذي مؤخرا جننتنيييييي بمعنى الكلمة

جم عمرك اذا ممكن

__________________
لا اله الا انت سبحانك اني كنت من الظالمين