17-02-2011, 03:23 AM
17-02-2011, 04:20 AM
|
المشاركة الأصلية كتبت بواسطة موهبة الكويت
مع كلام اختي الغربة مرة
عين العقل |
|
المشاركة الأصلية كتبت بواسطة Beta2
مثال ... أعطيني أمثله لأعذاره
يعني ، ما يصير أجي عندكم و فيه أخواتك .. و لا مرة تعبان و أبغى أنام .. و لا ما يصير أجي عندكم و أمك ماهي موجودة في البيت، و يوم أمي ترجع من السفر .. يقول ، ما يصير أجي و أمك تعبانة .. أقول له ، كلهم نايمين و أنا جالسة لوحدي طفشانة و أمي تدري إنك بتجي .. يقول ، خلاص الوقت تأخر ، أجي عندك بعد الفجر .. و بعد الفجر ما يجي و يقول انشغلت .. زي كذا .. ----------------------------------------- حاولي تعرفي سبب التغيير ... ضروري تعرفي السبب سألته ، معليه بأسألك .. أحد كان معبي راسك علي ؟ قال لي ( لأ ) .. بس زوجي من زمان ، أبدا .. لا يجيب سيرة أهله ، و لا أنا أجيب سيرتهم .. بس من خلال الأمور الماضية .. فاستنتاجي ، بإنه أحد كان معبي راسه علي .. أعطيك مثال : تجيني أمه و تقول أنا خاصمت ولدي و قلت له ، هذه يتيمة لا تاخد فلوسها و يا ويلك من الله .. و تروح عند ولدها ، و تقول له .. خذ فلوسها كله ..؟؟؟؟ و ما أبغى أكثّر كلام عنهم ، أكثر من كذا .. بس مثال عن كيفية تعاملهم بوجهين .. فتوقعي ، بإنه هذا سبب تأثره .. و كثرة الدق تفك اللحام .. و كم مرة تسألني زوجة أخوه ( متخاصمين ؟ ما تتخاصموا إنتوا ؟ ... إلخ ) أهله - من غير تحديد مين فيهم بالضبط - كانوا مرات و من غير أي سبب ، يرموني بالكلام ...؟؟؟ فقال لي زوجي مرة ( لإنه ما يجيب سيرتهم و لاأسأله ) تستاهلي .. إنت تحرقي أعصابك و تنقهري ،، و قال لي ، اعملي مثلي.. هم شافوني ما أعطيهم أذني ، فصاروا يشتغلوا عليك .. لكن إلى الان ، ما أبغى أسيئ الظن في أحد .. ----------------------------------------- يا جماعة البنت ساعدته بثمن سيارة ان ما كانت اشترتها بالكامل حتى تشوفه .. سيارة بأربع عجال وتمشي على الأرض وعلى قولتك أخي شاطئ المحبة مو سيارة سابق ولاحق الله يسعدك يا بيتا2 .. إيوة هذا باالضبببببببط اللي كنت بأوصّله .. جبت السيارة عشان كمان ما تكون هناك حجة في تأخره بتأثيث الشقة و إننا نجتمع من جديد كأسرة وحدة .. و مثل ما قالت الغربة مرّة .. أروح أسكن معاه حتى لو عالأرض ننام .. ----------------------------------------- كيف عرفتي أنه يكذب ؟؟؟؟؟ متأكدة انه غضبك ما تدخل بحكمك هذا ؟؟؟ يعني مثلاً .. جالس و ما عنده شئ من الصبح لحد الليل في يوم الخميس .. و أسأله من ضمن الكلام عن الشقة ؟ يتلخبط و يقول هاااه ؟ إيوة جبت الرجال يشوف المطبخ و ياخذ القياسات .. و بكرة راح أمر عليه ، عشان أسأله ، كم يكلف ..؟؟؟؟ و يكون أصلا لا جاب رجال و لاشئ .. و الدليل إنه كلامه هذا من 8 أيام و المطبخ لحد دحين فاضي و ما كلمته .. ----------------------------------------- لا هو زوج ولا هو أب ... ليش الصبر ؟ هذا الإحساس اللي جاني باالضبط وقتها .. بس مثل ما قلت لك ؟ و الله أعلم .. أحد معبي راسه .. لإنه رجع دحين مثل قبل ؟ شوفي .. اللي بيتكلم فراح ياكل في نفسه من القهر .. و أنا ما ألتفت للي يتكلم من وراي .. يكفي إني ما أجيب سيرة أحد ، و لا أحب القيل و القال ،، ليا في زوجي و ولدي و أهلي و إنه ربي شايف كل شئ .. ----------------------------------------- روح ... حبيبتي ... فكري ... واستخيري ... انت الان زعلانه ويمكن غاب عن بالك كثير من الاشياء الطيبة اللي ممكن تتذكريها لزوجك وتكتبيها لنا .. أنا حكمت عليه من خلال اللي ذكرتيه فوق ... أرجوك حبيبتي .. حاولي تهدي .. اقرئي قرءان وكرري استخارتك مرات ومرات ... صدقيني يا بيتا2 .. إنه و الله كان متغيييييييير ..  و الدليل إنه على طول رجع لحالته الطبيعية يوم نزلت الموضوع هذا و بعد ما كلمته عن الإنفصال 3 أشهر صبرت على تغيييييييره و كنت أكذب نفسي ، و أحاول من هنا و من هنا .. بس مافيش فايدة تراكمت علي كل الأمور الباقية و هو مثل ما هو ، قلت يمكن عذره قبل إنه ما معه سيارة ؟ في الأخير كل شئ أحسه تجمع فوق بعضه .. ----------------------------------------- واتركي مشاكل العيله لأحد ثاني يحلها ..انت كافيكي اللي عندك . يا قلبي ، كنت في النص .. و أنا اللي كان ممكن أوقف الموضوع عند حده .. و الحمد لله الموضوع انتهى ،، ----------------------------------------- جاوبي أسئلتي اللي فوق لو سمحتي .. يمكن نقدر نفهم شيء غاب عن بالك . وتحمليني شوي ...أضيف للأسئلة كمان كم سؤال ... كيف تعاملك معاه ؟؟؟ لا تجاوبي على طول ... تذكري يوم اعتيادي وأعطيني صوره عن طريقتكم بالتواصل ...كيف طريقتك بالسؤال ... بطلب الاغراض ؟؟ لاحظي نبرة صوتك . امممم .. ( طيب بشرط .. تعطيني تعليقك هههه .. مو تطنشيني ) خليني أعطيك صورة عن طريقتي في التعامل معه ، مع اخر شئ طلبته منه اليوم .. فيه دواء خلّص ، و أمي محتاجته من االصيدلية و مافي أحد يجيبه لها لإنه أخواني مو هنا .. قلت لأمي ، خليني أسأل زوجي إذا فاضي و يقدر ياخدني أجيبه لك و لا لأ ؟ دقيت على زوجي عالساعة 8 المساء.. قال لي : أهلييين .. قلت له : مرحبتيييين .. كيفك و إيش أخبارك و إيش عامل ... إلخ بعد شوي قلت له : كنت بأسألك ؟ عندك شئ بعد الدوام ؟ قال لي : امري يا عمري ماعندي شئ .. قلت له : بس كنت بأعرف إذا كنت مشغول و عندك مشوار ؟ قال لي : لا .. فاضي لك و ما عندي شئ ، تحتاجي شئ ؟ قلت له : الصراحة ، أمي كانت محتاجة دواء خلص .. و تقول مو مشكلة حتى لو بكرة الصبح يجيها قال لي : لأ ، خلاص .. أنا أخلص شغلي و أجيك بسرعة قلت له : طيب تسلم .. زي كذا .. . . و بعدين قلت لأمي ، خلاص زوجي فاضي و قال بيجيبه لك .. قامت أمي خرجت من شنطتها فلوس و قالت هذا فلوس البنزين ، أعطيه لزوجك .. لإنه المستشفى بعيد مرررة .. قمت رجعت الفلوس لأمي و قلت لها ، لا .. مو لازم إيش هذا ؟ و بعدين يوم خلص زوجي شغله ، دق علي و قال خلي الشغالة تنزل علبة الدواء و الوصفة قلت له ، تبغاني أروح معاك ؟ قال لي ، إذا بتجي .. تعالي .. . . رحت معاه ، و أول ما ركبت السيارة .. قلت له ، شكلك ما شبعت في الظهر .. إيش رايك ناخد سندويتشات على حسابي ؟ لإنه شكلك نعسان و جوعان .. ( طبعا جابه على حسابه ، بس استحي مرات أطلب أكل لنفسي إذا ما سألني ، فهذا أسلوبي ) زوجي وقف السيارة قدام محل ، و اشترى السندويتشات و سألني أخذ لأمك ؟ قلت له طيب بس على حسابها ( طبعا على حسابي ، بس أقول له إنه على حساب أمي وو قدام أمي أقول إنه على حساب زوجي ) أخد لي واحد لأمي .. و ما رضي ياخد مني الفلوس .. و رجعه في شنطتي قلت له ، أغراض أمي إنت مو مسؤول عنه و ما أرضى إنه أي أحد يصرف على أهلي .. و لا ترى مرة ثانية ما راح أطلب منك أي شئ يخص أمي ، و أطلبه من السواق .. ضحك و قال أطلبي من التاكسي .. عشان تشوفي إيش يصير فيك هههه بعدين غصب عنه حطيت الفلوس في جيبه ، و قلت له يشتري لي عصير لأمي .. لو كانت البقالة قدامه و في طريقه ، و إذا ما كانت في طريقه ، فخلاص مو لازم . . رحنا صيدلية المستشفى و ما لقينا الدواء لإنه الوقت تأخر ، و قالولنا بكرة .. لإنه الدواء عبارة عن تركيب رجعنا السيارة ، و حطيت يدي على ذراعه .. و قلت له : معليييييه تعبناك اليوم معانا .. و أخذت علبة الدواء و حطيتها في شنطتي ، فقال لي زوجي ، هاتي العلبة .. بكرة أجيبه لها قلت له ، لا ،، خلاص .. بأخلي أي أحد يجيبه لنا .. زوجي ما رضي .. و في الطريق و نحن راجعين، أخذ لي العصير لأمي .. و فيتامين سي لأمي .. قلت له ، دام إننا قدام الصيدلية .. فاشتري لي مرة وحدة ( جهاز الكشف عن الحمل ههه ) قال لي ، يا شيخة بتتخيلي إنت و تتوهمي .. طلعت 10 ريال ، و قلت له ،، يا الله الله يخلييييك .. لا تخليني في قلق .. ما أخذ مني الفلوس ، و راح الصيدلية و اشتراه لي ،، و قام يمزح و يعني إنه بيعلمني كيف أستخدمه فقال لي ،، هذا تحطيه في فمك ههههه و يبان إذا حامل و لا لأ .. و أنا خبلة صدقت ، و قلت له .. من جددددد ؟؟ ترى أصدق .. . . زي كذا طريقتي دايما .. بالشكل الإعتيادي ؟؟؟؟ ----------------------------------- كيف كلام الغزل والحب منك ... تغيرتي عليه عن أيام الغربة ؟؟؟ لا .. ما تغيرت .. بس إني ما أقدر في بيت أهلي ألبس و أخذ راحتي مثل في بيتي .. --------------------------------------- كيف عتابك له على تقصيره ؟؟؟ أعطيني حوار صار بينكم عن هذا الموضوع بالذات . زمان كنت أسكت و كنت كل ما أسكت ، كل ما يزيد أكثر في الإهمال و التقصير .. بس صرت يوم يقصّر مع ولدي ، مثل حكاية المستشفى .. أو شغلة تخص شغلات ضرورية و خاصة في الخارج ماعندهم يامّا ارحميني لو تأخرتي عن الدفع فأول مرة ، أكلمه بمزحة و تريقة ، ثاني مرة بشويش .. ثالث مرة أجيب و أجهز كل شئ قدامه رابع شئ ، انفجرررررر و ما أعرف إيش اتكلم وقتها ... ووووووو إلخ خلاص ، مافي شئ يسكتني وقتها .. و تلقيه بعد كذا يتحرك و يشتغل و يعمل لك كل شئ تبغيه .. و يبدأ يتغير و يحس باالمسؤولية أفضل من قبل ( يعني هو دحين .. مقارنةً بزمان ) .. فرق كبيــــــــــــــــــــــــــــــــــــــر .. هو يعلق علي دايما ،، إنت مرات مرررررة ترفعيني في السماء و تحسسيني مافي أحد أحسن مني و مراااااااااااااااااات تنزليني تحت الأرض و تحسسيني مافي أحد أسوأ مني ..  كيف كانت ردة فعله على شغلة السيارة ؟ |
17-02-2011, 04:59 AM
17-02-2011, 06:14 AM
17-02-2011, 06:56 AM
17-02-2011, 08:03 AM
17-02-2011, 09:15 AM
خل نطلع كل اللي بقلبنا يا بنت والصراحة أحس انه التفاصيل توضح أحيانا أمور تفوت صاحب المشكلة وما يشرحها . ولما يذكر المواقف يقدروا الناس يساعدوا بشكل أفضل .. 
17-02-2011, 11:59 AM
17-02-2011, 01:14 PM
) .. والأمور كلها بتتعدل بإذن الله.
17-02-2011, 01:29 PM
) ويوفقكم ويسعدكم وينعم عليكم بالذرية الصالحة ويرزقكم برهم ..
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
