لالالا ما أقدر أسوي جذي صعب

أنا يوم كنت مع بابا المستشار كنت أسمع كلامه حتى خالد لاحظ هالشيء بس بعدين منعني أكلم بابا المستشار عل الخاص

لا تزعلين مني

بس انتي ما كنتي تسمعين كلام بابا المستشار كله

تاخذيني اللي تبين وتتركين الباقي

صح ولا لا

__________________
اللهم أسالك رضاك والجنة لي ولوالدي ياااااااااااب
http://www.66n.com/forums/showthread.php?t=235869

لجين انتي تحبين خالد؟

هيه أحب خالد

بابا المستشار يالجونه..عطاك قواعد واساسيات تمشين عليها في حياتك..
تدرين ..كانت معانا عضوه اسمها فجر الهوى ..سمعت كلام المستشار ونفذته والآن هي مبسوطه في حياتها
وانتهى التواصل بينها وبين بابا المستشار..لانها حفظت كلامه وتمشي عليه في امور حياتها..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

ليش يا لجين ما تقدرين... طيب يا حبيبتي.. كل هالناس اللي حولج كيف عايشه.. انتي كيف ييتي لهالدنيا؟ كلنا يينا بنفس الطريقه... الزواج الشرعي و العلاقه الزوجيه الصحيحه تنتج ابناء... أعرف بتقولين مابي اكون ام... و احنا نقول طيب لا تكونين ام... كوني الزوجه... كوني الأنثى اللي تحرك خالد... هو بدون ما تكونين الأنثى متحرك الأخ فتخيلي شو بيصير فيه لو صرتي الأنثى...

انزين لا تحضنينه... في البدايه... مب مشكله.... بس يوم هو يبادر بأي شي لا تقاومين... لازم تتعودين... هو ما راح ينط للنهايه على طول... خليه في المقدمات شوي... خليه يعودج عليه... صدقيني لو استسلمتي له بيخليج في عالم ثاني... شو أحلى من حضن زوج يحبج... ما في أحلى من هالشي... حب و بالحلال...

انزين حبيبتي... انتي يوم وافقتي تتزوجين شو كنتي تتوقعين الزواج؟ ما كنتي تعرفين ان في رومانسيات و اشياء أخرى؟

لا أبوي كان ما يحب يسولف الا وياي وكان يرد من سفر ويرقد عندي بالحجره وكان ما يحب أحد يوكله غيري حتى خالتي لا كان يسافر وياي بس لاني حبيبته , بعدين خالد هو يعرف شو سوا فيني

لجون انا مسافره لمكان قريب من عندكم ومع ذلك تركت احسن مكان وجالسه اتناقش معاك..
تجاوبي معانا عشان نوصل لحل..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

انتي تحبين خالد... انزين هو كيف بيعرف انج تحبينه و انتي تتهربين منه و ما تبين اي رومانسيه منها... الزوج يوم ترفضه زوجته يعتبر انها ما تحبه و تكره...

تعرفين ان الطلاق يبدأ بالطلاق العاطفي و الطلاق من غرفة النوم؟ يعني لو الزوج و الزوجه ما مارسوا حياتهم الزوجيه الحميميه هني نقول ان في مشكله كبيره و الأغلب تنتهي المشكله بالطلاق.... لأن اللقاء بين الزوجين هو اللي يعزز الحب بينهم... هو اللي يخليهم يتواصلون مع بعض... الرجل يكون في أضعف حالاته أثناء العلاقه الزوجيه الحميميه تدرين ليش؟ لأنه في هذه اللحظه هو قاعد يعبر عن حبه لزوجته... الزوج اللي ما يحب زوجته ما يقرب منها... واحد من الأهل قال "انا مب حيوان اشبع رغباتي معاها... ما أحبها ما اقدر اكون معاها زوج" و انتهت حياتهم بالطلاق لأنها كانت في وضع مشابه لوضعج... انتي تبين تتطلقين يا لجين؟