لجين شخصيتها اتشكلت كدا من الصغر .. لجين عايشة في عالم ثاني .. عالمها هي وبس .. وشايفة العالم بمنظور جداً
مثالي والدليل أنها عازلة عن الناس والعالم تجنباً للظلم الي ممكن يجي من أي واحد فيهم .. وما عندها
احد مقرب من عائلتها واقاربها غير أبووها وبس ..

موضوع انك تطلب منها تتغير في شهر ولا شهرين شئ مستحيل .. كأنك تطلب من شخص عصبي جداً انه يصير في شهر واحد بس أنسان هادئ ومتفاهم
!! بالعقل ما تجي !! ولا شهرين ولا ثلاثة الموضوع مطول واحتمال ينتكس الشخص مررررررات كثيرة ..

أبو خليفة أعتقد عمرك في بداية الثلاثينات اذا ما كنت غلطانة ،، احسبها معايا لنفترض انك اصبرت عليها كمان نقول سنة وكل اموركم صارت تمام واعطتك
حقك الشرعي وغيره (وما تزوجت عليها) .. طيب بعد كدا راح نجي لمشكلة جديدة وهي مشكلة الاولاد .. ولجين رافضة الفكرة تماماً .. وراح تنجبر انك تجلس كمان
كم سنة تقنع في لجين ألين ما توافق انها تخلف .. هذا لو اقتنعت في النهاية .. !! .. وما اعتقد أنك راح تعيش طول عمرك إلين ما تموت بدون اولاد ..
وامك وابوك أكيد نفسهم يفرحوا بأحفاد منك ..
وانت عمرك مو صغير والعمر بيمشي .. بكرا لو كبر بك السن وصرت عجوز مين راح يونسك غير اولادك .. مين راح يوقفك معاك في ضعفك غيرهم ..
(إذا حق شرعي وفيه لعن وطرد من رحمة الله وهي لها سنتين ونص لا حياة لمن تنادي .. كيف بكرا موضوع البزوة والعيال)


** النقطة إلي ابغى اوصلها أنو إذا اليوم ما تزوجت بسبب حق شرعي .. بكرا راح تجبرك الظروف (الله لا يقدر) انك تتزوج عليها بسبب خلفة العيال ..


وحاجة ثانية ...
أخي أبو خليفة إذا الرسول اتزوج على عائشة رضي الله عنها .. على الرغم من إنه عائشة ام المؤمنين كانت مثال رائع للزوجة
الصالحة المطيعة لزوجها .. و زواجه عليها مو معناته انو فيها مشكلة او قصرت معاه .. طبعاً لا .. ولا ظلم لها ..
الرسول جاء يحذر من الظلم !! كيف هو يظلمها ..
الفائدة : مو معناته انك اتزوجت على لجين بسبب تقصير منها معناها انت ظلمتها .. !! ..



وفي الأخير .. علشان لا تحسبني نيتي تكسير في لجين وبس ،، والله حرام احسها البنت طيبة وعلى نياتها وقلبها ابيض ،،
وفيها صفات كثير حلوة ،، بس عتبي عليها انو هي ما هي حاسة بالنعمة إلي هي فيها ..


والله يفرجها عليكم انت ولجين ..

والله ولي التوفيق ..

المشاركة الأصلية كتبت بواسطة لكل شي حد اخي الفاضل خالد.... اظن من الافضل ان خطوات حياتك تكون مخفيه عن الجميع في الوقت الحالي.... تقدر تتابع مع البليغ لانه ما شا الله ذو نظره مستقبليه و حكيم.... اغلق هالموضوع يا خوي و قود حياتك بنفسك بدون لوم او عتاب من احد.... اتحذ قراراتك و تحمل نتيجتها... و لا تخلي حياتك الحين كتاب مفتوح كل شخص يجي و يكتب فيه شوي... لي تعليق على موضوع الفرص و لكن افضل اني ما اقوله... الله يحفظك و الله يحفظ لجين و يكتب لكم الخير وين ما كنتوا... احيانا اقول يمكن لجين تحتاج شي يهزها علشان تصحى من اللي هي فيه و توعى لحياتها شوي و تبدا تفكر في مستقبلها و كيف بتعيشه... لجين اختي متأكده انج راح تقرين الموضوع هذا... سواء تميتي مع خالد او تطلقتي منه.... خذي نظره عدل على حياتج... شايفه انج محتاجه تتواصلين مع استشاري نفسي و اجتماعي... تواصلي يا اختي.... علشان تطلعين من تجربة الزواج هذي بفايده.... باجر لا اخو و لا اخت و لا حد بيفيدج.... ابوج الله يحفظه مب دايم لج... و انتي بس تخيلي المشاكل اللي ممكن تصير بسبب الورث... ما ابيج تضيعين في القصه كلها... امسكي زمام حياتج.. و ابدئي عيشيها صح.... الجئي للناس المختصه اللي بتساعدج بهالخصوص... اتمنى لج كل التوفيق...