لمسة حبيبتي لاااااازم تستفتون شيخ ثقة من دار الافتاء مثل الشيخ المطلق او آل الشيخ وضروري تقولون له كم مرة طلق.. الله يحفظك ويقدرك الخيرة الطيبة وين ماكنتِ

ياجماعه رحموها من اسالتكم الطفل شي حلو وبعدين ليش مستغربين امنيه البنت للضنا البنت ابوها تحت رحمه الله واخوانها مانفعوها الحين بينفعونها باجر وماتضمن تتزوج مره ثانيه او لا والله يالمسه نسيت همي بهمج وادعيلج الله يحقق امنيتج ويرزق بالضنا وتقر عينج ولايروح تعبج بعد هالسنين وعقبها شوتيه ولايشم ريحه ضناه وانا متاكده انج بتكونين له الام والاب وكل شي .. الله لايضيع صبرج يالمسه الطفل حتى لو كان ها ابوه اهم شي تتحقق امنيتج

قمم وهم عساك ماتشوفي الجزن قط بحياتك

لولو انا بخير ياروحي تطمني فديتك

قطرة سعيدة جدا اني كنت سبب بتخلصك من شى تعاني منه شى اسعدني مرة
وياليت اقدر اعطيك اكثر وعيوني لك ربي يسعدك يارب

ام يوسف الله يجزاك الجنة وربي يكتب لي مافيه الخير

سمو حبيبتي انا بكرة بروح معه عند الشيخ تاكدي اني ماراح اخطو خطوة الا لمن اتاكد من صحة الطلاق
لا تخافي ياقلبي ترى بهالامور انا مرة حريصة


انا الان رجعت من المستشفى ودخلت اطمنكم حتى ماودي اكتب قدامه عشان لا يدخل المنتدى
من يوم جا اخذني ماتكلمت معه بكلمة وهو بعد ماتكلم
رحنا المستشفى وسويت الاشعة والبويضات تمام الحمدلله
الدكتورة عطتني موعد اخر للاشعة يوم الاثنين عشان تحدد وقت التلقيح وبعد الابر حق هاليومين اتوقع تفجير
الان افهموني حبايبي ترى ماهي انابيب هذه تلقيح صناعي عادي
خلوني اجرب وترى اقسم بالله لا تتوقعون ان كلامك ما اثر فيني ورب الكعبة الان لو قال خلاص مافي عملية لا اقوله مع السلامة والقلب داعي عليك
طابت نفسي صدقوني ماراح اعطي اكثر من الي عطيت صار شرخ بيني وبينه ولا توقعته يبرى
اذا تاكدت من مسالة الطلاق راح اعلمكم واذا صرت حرام عليه تاكدوا اني برحل بسلام ماراح اعترض على قدر الله وبقول للشيخ كم طلقة واحيانا يقول انتي علي حرام
ردودكم اعطتني جرعة خلتني اصحصح بعز غيبوبتي ردودكم رفعت راسي بعد ماكان منحني
انتم قطعة مني انتم اهلي الثانين ماراح اسوي شى بدونكم
هو الان معي في البيت وكلن منا ماسك ركن هو ماسك جواله وانا على جهازي اكتب لكم

قطرة ندى ملحوظة’’ انتي فهمتي جدا وش ابغى

متفهمة حاجتك للطفل حتى لو طلقك بعدين ماقدر ألومك بشتياقك لطفل تحضنيه وتنسي همك يوم تشوفيه

فعلا هذا الي افكر فيه
وخاصا انه بيكون اخر تجربة بحياتي

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اختي الكريمة لمسة

اقدر تعبك وصبرك وآلامك الجسدية والنفسية والشعور بالندم على تلك التضحيات التي ذهبت ادارج الرياح على رجل لا يستحق والاهانات والاهات وقهركِ حاليا على خروجك من المولد بلا حمص كما يقولون فلا امومة ولا زوج .

لكن اختي الكريمة لماذا لا نتخذ موقفا صارما منذ البداية ؟ لماذا نسمح بالاهانات والذل ؟ لماذا نتنازل عن حقوقنا رغبة في استمرار المركب والخوف من المجتمع وكلام الناس بحمل لقب مطلقة .

انا لا اؤيدكِ اختي الكريمة في انجاب طفل ..انتي من ستتحملين تربيته وتعليمه والصرف عليه وهل انتي موظفة؟

لماذا لم تفكري ان زوجك مستقبلا قد يقهرك للمرة المليون ويأخذه منك أو يبتزك به باسم الحضانة ..اي مدعاة للفخر أن تنجبي طفلا من هذا الرجل؟ بل في أسو الاحوال سيعلق هذا الرجل في ذاكراتك كلما رأيتي طفلك هذا .

اختي انتي الان تحت الصدمة واي قرار في هذه الظروف فهو خاطىء ،فقط حاولي أن تلملي شتاتك وان تنسي الماضي وتبدأي حياة جديدة وادعي الله سبحانه ان يعوضك خيراً وأن ينتقم ممن ظلمك .

الله يحفظكِ الله من كل سوء ويجبر خاطرك ويعوضك خيراً .

قلتُ إنه سيفهم الأمر بهذا الشكل: تريدني فقط لأجل الإنجاب...
إصرارك على الحمل وتمسكك بذلك رغم كل شئ يجعله يفهم هذا الفهم...
اخي انا ترى لي عدة مواضيع بالمنتدى اتوقع اول مرة تشوف موضوعي
انا لو ابيه تيس مستعار كان اول ماتزوجته اسرعت بالحمل
قبل فترة كنت بسوي الانابيب وفضلت اسافر سياحة وطنشت العملية
لكن الامور بدت تشين وبكل مشكلة تهديد بالطلاق وهذا ماخلاني احسم الامر
-هل تحبينه؟
كنت احبه قبل هالحادث ولولا حبي له ماصبرت كل هالسنين-هل تمسكك بفكرة الحمل لأجل فرض وجودك في حياته كزوجة لها حقوق أم لرغبتك في أن يكون لك طفل؟
الاثنين ليش الاولى يقدر يطلقها الحين وهي معها درزن عيال
-في حال حدث الحمل واستمر تعامله معك بهذا الشكل هل ستطلبين الطلاق؟-إ
لا ماراح اطلق بس بيكون عندي البديل قطعة مني اعطيه كل حبي واهتمامي ان تعدل عدلت بينه وبين طفلي ان استمر طفلي بيكون كل حياتيذا لم يحدث حمل فهل الطلاق وارد؟
لاشك اذا صار يعاملني بهالاسلوب وكل شوي تهديد وعلى فكرة هو الي يطلق عمرك شفت وحدة تقول لزوجها انت طالق والله لو طيب معي وشاريني حتى لو ماصار حمل بحمد الله على المقسوم
وكثير زوجات ازواجهم عندهم عقم وتقول ماببيع التراب الي يمشي عليه
-هل هناك فرص في تغيره..؟ هل هو متعلق بك؟

معرف متعلق فيني ولا لا لو متعلق مافكر يطلق كل مرة
اطرحي هذه الأسئلة على نفسك، وفي وضعك أنتِ ما تزالين على ذمته فكري فقط في حياتك معه وليس في هل ستتزوجين في المستقبل إن حدث طلاق لا قدر الله...
فلتكن قراراتك في حدود حياتك الحاضرة... واتركي المستقبل لله سبحانه...

سبحانه

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

شاي اسود
كنت اتنازل عن اشياء كثيرة باسم الحب
وكذالك مابي كلمة مطلقة
الان ماصبح يهمني شى
تنازلاتي كانت من طيبة قلبي وليست ضعف مني
بالنسبة للاهانات عمره ماتلفظ علي بكلمة تسيئ لي هو اكبر اهانة يقدمها لي الطلاق
الاهانة الاعظم الي ماقدرت اعديها معاشرته لي بدون مقدمات وبمجرد مايخلص يقوم من مكانه لا احس بالامان واقدر اختلق مشكلة عشان هالسالفة لانها بالنسبة لي لا تعني لي الجنس بحد ذاته العلاقة تعني لي الامان واستقرار نفسي وتهدئة روعي
سكوته المطبق تجاهله لمشاعري كل هذه بالنسبة لي اهانة اقوى من السب
عندما نطلع برى واشوفه يطالع بالاخريات اتذكر على طول علاقته بي الخاص واكاد اصاب بالجنون والاحباط
وانشحن وافرغ فيه كل صبري
ممكن بعد مانفجر ينطق الطلاق هذا الحل الاول والاخير عنده
حبني واعطاني اهتمامه في البداية بس سحب مني كل شىء
تمنيت بيوم يقولي احبك وترى مافرط فيك مهما صار بينا
عيشتي معه كلها خوف وترقب متى يحين الطلاق
اطضراب في ااضطراب لا ينتهي وينعكس هذا على شخصيتي وحتى ملامحي
لم اتشبع معه عاطفيا ولا جنسيا وهذا شي افقتد له كثيرا معه
تحاورت معه ناقشته نقاش راقي كنت اختار الزمان والمكان ولكن يسمعني ولا يجاوب معي وان تجاوب يكون ليوم او يومين فقط

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

بنت ابوظبي احب تلقائيتك بالكلام ومرونتك
يارب يخليكم لي يارب
اشغلتكم
اسال الله لا يريكم هم ابدا ويفرج همي وهمكم
احبكم وسعيدة جدا فيكم سعيدة ان هالمنتدى السامي جمعني بناس جدا راقية تفكيرا ومسوى
جبمعني بناس احبهم ويحبوني وبدون مصالح
يالله ماجمل الحب في الله

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

فرج الله همك يالغاليه والله لايوريك مكروه في صحتك

حبيبتي قلبك ومشاعرك وعواطفك تبغى هالطفل وبقوة لكن العقل والمنطق يقول الافضل بحالتك ترك هذه المحاولة

بس صراحه مالومك ولو كنت مكانك رح اعمل نفس الشي عاطفة الأمومة صععععععب مقاومتها

الله يعوضك خير ويكتب لك مافيه الخير يارب

ايش رايك تستخيري بموضوع إكمال موضوع العلاج

اللهم بهذا الشهر الفضيل ندعوك لأختنا لمسة غروب التوفيق والسداد والسعادة بالدنيا والآخرة
اللهم امييييين

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

الله يجزاك الجنة ياندى
انا استخرت اليوم
واذا فيه خير لي راح يتم الموضوع على خير
واذا فيه شر راح الله يصرفه عني
التلقيح الصناعي مو زي الانابيب وارد جدا انه ماينجح الا اذا اراد الله
اليوم ندى في المستشفى كانت وحدة معها طفلة جميلة وهي تبكي وتبي ترضع
تمنيت اني اشيلها واستحيت اقول لامها اعطيني اياه ولو ثواني
سبحان الله الام ارادت تصلي دوني دون الناس اختارتني امسك بنتها عشان تصلي
والله ياندى جالسة اقاوم الدمعة خنقتني العبرة تحت نقابي
مسكتها وهي مو بنتي ضميتها لصدري شوي شعرت بهدووء وسكينة قمت بامساك الرضاعة وارضعتها البنت ترضع وغمضت عيونها ومسكت صبعي بقوة كنت اتمنى ان امها تطول بالصلاة وتطول وتطول لين اعيش هاللحظة العجيبة والفريدة من نوعها
خلصت الام جافت اللمعة بعيني رغم اني اقاوم مابي دمعي ينزل بس حست فيني قالت الله يرزقك وقتها طاحت بدون لا احس
وتركتها عندي لين زهموني باسمي وقمت وانا ماكان ودي اقوم
اعشق الاطفال ودي بقطة صغيرة كتلة لحم احضنها تالي الليل تعوضني سنين الحرمان اعيش له وعشانه
اعطيه كل لي انحرمت انا منه واعوضه ولا اخليه يذوق طعم الحرمان ابدا
هذه امنيتي لكن اذا الله ماراد لن اعترض على قدر الله فانا راضية باي شى يقسمه لي رب العباد

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

يا الله قد ايش كلامك مؤثر .. مايحس به الا المحروم ..
يارب ان لي اخت احبيتها فيك فارحم ضعفها وفرج همها ويسر امرها وعوضها خير وارزقها وارزقنيوارزق كل محروم كلمة ماما .. ولاتحرمنا عطائك فأنت اجود من سئل واكرم من اعطى .. والله اني احبك في الله يا لمسة .. وقلبي يتقطع من اجلك .. وادعي لك .. لاني حاسة فيك .. واصعب شي لما يجتمع الحرمان مع الظلم ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..