حبيبتي: لاتستعجلين، وبتشوفين وش رح يقول المحامي
لا تبادرين ولا تردين بسرعة بالموافقة
وارجع واقول لك هو مو مستوعب تخبطاته، البنات ماحد رح يتحملهن لا اهله ولا زوجته

هو ما قدم شي يرضيني عشان اوافق عليه .. اناني بمعنى الكلمه يبغى يتونس ويبسط نفسه وانا ابقى معلقه ابكي ع الاطلال .. انا مازلت حاظرته بجوالي ..

__________________
Hug

فرح: زوجك يحتاج امراة قوية، والعظيم العظيم من كيد النساء
نصيحتي لك استشيري اي مستشارة أسرية من اللي تثقلين فيهم ومعروفات
ودي أساعدك، متعاطفة مع موضوعك كثير ، هذا غير انه من كلامك واضح انك انسانة مو قوية، ولا تعرفين حقوقك زين
شدي عودك، واطلقي الوحش اللي بداخلك عشان تاخذين حقوقك
أتابع موضوعك، لاني متعاطفة جداً معك.

الله يسعدك بس ترى انا قويه .. لو كنت ضعيفه كان قبلت بعرضه اني ابقى بدون طلاق في بيت اهلي .. طالما هو رافض يعطيني حقوقي اذن يخرج من حياتي والقلب داعي له .. اختي ما يحتاج استشير احد صدقيني اذا هو بنفسه ما اصلح الموضوع بيننا اقلها عشان البنات .. ما ينفع احد يتكلم معه .. لأن المحامي تكلم معه ويقول مررره عنيد ..
هو السبب في كل اللي حصل بيننا .. استغفلني وتعرف على هذه ...... وتزوجها وحطها في بيتي وعند بناتي .. والله اعلم في اي بيئه تربت .. !! فوق كل هذا ظلمني وقال لأهله اشياء والله العظيم ولا شي منها صحيح .. قبل فتره ارسلت له يرسل بقيه اغراضي اللي في البيت وكتبت انك ظلمتني عند اهلك ولا راح اسامحك امام الله .. وكان رده ارسلي احد يأخذ الاغراض .. بسسس .. بقيه الكلام ما علق عليه لأنه عارف نفسه ..

__________________
Hug

الله يختارلك الافضل والاحسن امين
وان يتفرقا يغن الله كلا من سعته

__________________
انا لله وانا اليه راجعون

آميييين .. والله موضوع الطلاق ما صار يهمني كثير .. لأنه بايع بقووووة وقلبي صار بارد من ناحيته ..
كذب وظلم واستغفال ولف ودوران ومزواج ونسيان الجميل وشششش بقي .. خليه يروح الله معه ..

__________________
Hug

أختي فرح واضح جداً من عرضه العجيب انه يدفعك انت لطلب الطلاق و بذلك تسقط حقوقك و يملي عليك شروطه حتى يطلق
هذا هو هدفه من هذا العرض لأنه متأكد أنك سترفضين العرض
لهذا أردتك أن تقلبي الوضع و تترك المطالبة بالطلاق و ركزي على حقوقك كزوجة و أم
أعرف مشوار المحاكم طويل و لكن هو السبيل الوحيد للمطالبة بالحقوق المهدرة لانه في نوعية من البشر تجادل في بديهيات
نحن عندنا تغير الوضع و صارت أي قضية لا تتجاوز الشهرين لتحسم بحكم القاضي

__________________
[img]http://im33.***********/edShu.gif[/img]

هلا أختي ربي يسعد قلبك .. صح أنا طالبه الطلاق .. اما حياة أكون فيها سعيده ومرتاحه او كل واحد يروح في طريق ..
ما أحب اجبر احد علي شي .. اما يعطيني حقوقي وهو راضي ومقتنع أني زوجته وأم أطفاله او مع السلامه .. اعتقد والله اعلم ان اجبره القاضي على شي .. راح يطلق .. فالأفضل انسحب بكرامتي .. ( وعسى ان تحبوا شيئا وهو شر لكم )

أختي أنا فكرت كثير واستخرت الله كثير في موضوع الطلاق .. والحمد لله اشعر براحه وان حصل الطلاق .. استرجعت حياتي معه .. كنت محرومة من كل شي .. لا سوق ولا سفر ولا تمشيه .. طول وقته مشغول بكتبه ومذاكرته .. باقي 6 سنوات على تخرجه لأنه راح يكمل دراسته بعد الماجستير .. طول الوقت ينتقدني .. يحكي لي عن حياته الخاصه مع طليقته .. ينتقد الناس ويغتاب ومشاكله كثير معهم .. احيانا اطلب منه شي يوافق .. وبعدها يزعل .. ويتغير .. أعطيك مثال قبل 5 أشهر هو بنفسه قالي حاجزي على تركيا فرحت طبعا .. حجزت .. ثاني يوم قال لي عندي مشاكل في العمل الغي الحجز .. لغيبته .. كان صدمه بالنسبة لي .. كنت أتخيل نفسي ونحن مسافرين .. حتى الشنط جهزتها .. بعدها بيومين .. قلت له ايش رأيك لو أسافر مع احد من أهلي .. وافق .. وفرح .. لأنه وقتها الله اعلم كانت بداية زواجه او تعرفه وخطبته لهذه المرأه .. طبعا رفض أخذ البنات معي .. والسبب ان أهله كانوا عايشين خارج البلد .. وفي نفس الشهر رجعوا واستقروا في مدينة اخرى ..وقال يبغوا يشوفوا البنات .. المهم بعدها قلب الطاولة علي عند أهله اللي زعلوا مني .. وحصلت مشاكل بين أمه وأبوه بسبب سفري .. وللعلم الله يشهد تكلمت معه اذا كان مقتنع بموضوع سفري او لا ..وكان رده عادي روحي وانبسطي .. منافق يظهر شي غير اللي يبطله .. أنا بالعكس أحب اخرج اعششششششق السفر .. والخروج للسوق وقت الحاجة واحب اطلع مع أخواتي لمطاعم ومناسبات .. هو يكره خروجي من البيت ..

__________________
Hug

اختي فرح الله يفرج همك ويبدل ضيقك سعاده عليك بالدعااااااء

حل زوجك اكبر دليل انه خايف من تبعات الطلاق وانك تطالبي بأموالك وبنفس الوقت باين انه يبغاك تشيلي عنه مسؤلية البنات الله يهديه ويصلحه
لو انه طلب انك ترجعي ويفتح لك بيت كان هان الموضوع ولااعتراض على شرع الله بس يطلب منك تعيشي زوجة بالأسم او بخانت الاحتياط متى مامل من زوجته الثانيه فكر يرجعك هذا شي مايرضي رب العالمين
فرج الله همك

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

آمين .. شكرًا يا قلبي على كلامك ..

__________________
Hug