صباح الخير كنافه اشوفش موب نايمه ماعاش من يطير النوم من عيونش قريت موضوع وحبيت اشاركش في بعض النقاط وهي المششششششششششاركه بين الزوجين يعني الاخذ براي الطرف الاخر لانكم مشتركين مع بعضكم في الحياه من مسكن وماكل والخ الخ والحياه بينكم ان شاء الله مديده فاول شي لازم تسالين نفسش وتسالين شريكش ركزي على كلمة شريكش بعض الاساله وتجاوبون عليها حتى تتضح الرؤيه وان شاء الله تكون رؤيه مشتركه لامختلفه اول سؤال ماكميه القرب والود الي يبغيها الثاني هل هو راضي عن معظم اوجه زواجه ما الشئ الذي يسبب المشاكل في علاقته الزوجيه هل يحب عادات وصفات شريك حياته هل مازال شريك حياته يثير اهتمامه عند الاجابه على هاذي الاسئله يجب تحري الدقه والشفافيه في الاجوبه من كلا الطرفين حتى تتقارب وجهات النظر وتعم الموده والالفه باذن الله وتتوحد الرؤيه انا اشوف عندش اصرار عجيب وملفت للنجاح الله يثبتش ويعمر بيتش للصلاح والنجاح حبيبتي انا اظن زوجش وجهه نظره فيش والله اعلم انش عنيده وراسش يابس وها الشي متعبنه وانش معتده بنفسش ولاتقبل النقاش والحوار وانتي تشوفينه عصبي وزعول وبرضو ها الشي متعبش تعرفين شو اقققققققققققوى اسلوب للحفاظ على بيتش عن الصغائر والامور التافهه التي تحدث يوميا عند غضب الزوج على الزوجه الالتزام بالهدوووووووء وبعد ما يهدى عاتبيه بود وصارحيه على فكره كل هاذا ما بيستوي بيوم وليله لازم الصبر والمثابره ولاتياسين وتستسلمين وممكن تعطين نفسش هدنه وراحه اذا تعبتي في شي اخير وهو الشورى بين الزوجين وعلى الزوج الايهمل حق زوجته في المشاوره والتفاعل وشكرا عسى كلامي ما يكون ملخبط وداخل ويا بعض

حبيبتي انتي احب ردودك.. وكلامك على راسي..
لكن ارجعي اقرأي اخر ردين ارجوك..
زوج يزعل ليه زوجته عملت دونات لبيت اخوه
يزعل ليه قالت واحشني السهر معك
يزعل ليه تقول ايه درب السلامه.. لانه بيسافر مع اصحابه
شغلات كثيره والله تقهر تقهر تقهر
انا عارفه زوجات مايسوون مثلي.. وهو مايبين بعينه
يدور اي شي يقلب الطاوله علي.. كأنه عدو مو زوج..

موضوع النقاش مستبعد تماما معه..
حتى لما اتكلم بهدوء ودلع وحبيبي وحياتي
اذا صار كلامي منطقي يعصب فجأة ويصرخ
يحس مجرد اني قلت شي منطقي فهذي اهانه له..
وبكل نقاش يرجع يفتح ملفات قفلناها..
يقول انتي قلتي قبل سنتين كذا ومن سنه عملتي كذا..
يشتت النقاش تماما ويعيد اشياء سبق ناقشناها..
ويرجع لموال احمدي ربك انا احسن من غيري!
يعني يستخدم الهجوم كوسيله للدفاع..
النقاش معه جدل يزيد حجم المشكله ويخلق صراع
ياما حاولت اناقشه بهدف تقريب وجهات النظر
ولا فاد
ياما قلت له عطني حل مناسب وانا راضيه
يشوفها فرصه ويقول انك تحترمين زوجك وتسكتين!
النقاش عنده يعني اهانه لرجولته
هو يقول الانثى ماتناقش
الجدل والنقاش للرجال بس.. حسب كلامه..

انا لو لاقيه شخص اناقشه كان انحلت نص مشاكلي
لكن انا تعبانه وكاتمه بصدري
واجي افضفض عندكم هنا من الهم اللي فيني..

اما اصراري لتحسين حياتي..
فلاني تعبت ولازم ارتاح يكفي خلاص
لمتى نعيش بمركب يمشي فينا ومثل ماتجي تجي..
لازم يستقيم المركب ونعرف ايش احنا عليه

اسمحوا لي اكمل لاني تعبانه جدا..
انت تتخيلون زوجي بكل خلاف ايش يقول؟
دايم يكرر: احمدي ربك اني مو من الرجال اللي يرفسون زوجاتهم وهي نايمه حتى تقوم تعمل له الفطور.. او يقول احمدي ربك فيه رجال يرفس زوجته اذا شاف شعره بالارض..
رفس!!! هذا معياره!!!
اقول له احنا بشر.. الحيوانات اللي ترفس!!
ويرجع بالمشكله اللي بعدها ويعيد نفس الكلام!!
موال له فتره طايح فيه.. ويقوله وقت مايراضيني..
يحسبني راح انبسط بهالكلام المنحط..

والمصيبه.. ويمكن انتو لاحظتوا..
صاير كل يومه يكون بالمجلس لحاله..
يشوف التلفزيون ويستخدم حمام المجلس
واذا كان زعلان نام فيه.. وطبعا المكان قمه الفوضى..
كا مارتبته يقوم هو يرجع للفوضى.. لانه مسنتر فيه.،
انا ماهمني يجلس بالمجلس والا يعيش فيه..
اساسا هو مره قال: الرجال يصير له مكان بالبيت محد يشاركه!
هذا فهمه للرجوله.. وهذا طبع طايح فيه له كم شهر..
اوكي امنا بالله..
المصيبه الان انه يدق علي وهو برا..
يقول فلان بيجيني بعد نص ساعه اعملي قهوه!
انا هنا يحيني انهيار عصبي من الضغط..
اركض زي المجنونه انظف الحمام واكنس المجلس..
وابخر واعطر وامسح وارتب..
متخيلين حجم المعاناه؟؟
بينما الناس بالعاده مجالسهم مستعده لاستقبال الناس..
لكن بسبته هو يوميا ينحاس المجلس
واعذروني.. لكن حتى ريحه الحمام تصير سيئة..

سابقا كان يقول ليه حبيبتي تعبتي نفسك..
وانا اقول له لازم ابيض وجهك..
وانتم عارفين الانتقاد حيكون لراعيه البيت للاسف..
الان هو تعود واستمر وزادت السالفه..
صارت حتى ملابسه بالمجلس..
وانا مو ناقص علي الغرفه والصاله والمطبخ
صرت اضطر يوميا انظف المجلس بسبته..
وهو صار بدل مايشكرني ينتقدني..
صار يعصب ويقول ليه ماغيرتي كيس الزباله
ليه مالمعتي مرايه الحمام.. ليه وليه..
وانا الغبيه اعتذر.. وكأني عامله جريمه..
والله لو خدامه ما عمل فيها كذا

الله يكون بعونكً حبيبتي والله حاسه بكل كلمة تقوليها..
انتي انفجرتي يبغالك فترةً نقاهه تغيري نفسيتك فيها
سافري اتمشي او روحي كم من يوم عند اهلك انا جاتني فتره انفجرت
قلتله ماقدرت اتحمل بروح اشوف اهلي وكنت ليه 8شهور ماشفتهم
ورحت جلست شهر كامل ..
تصدقي كل ماصارت مشكله يقول احمدي ربك مااضربك غيرك يمد يده ع حرمته
والله انه حاط له فغرفة الجلوس مرتبه و على طول جالس فيها وادا اتخاصمنا ينام فيها
وادا حطيت له اكل يقول شيلي اكلك ماابغى منك شي
اسفه ع دخول مشكلتي هنا

__________________

انا اعرف زوجي يضغطني يبيني اقصر..
عشان بكرا يقول انتي قصرتي ومشيتها لك..
والا انا ماهمني لو يعيش عمره كله بالمجلس..
بسلامته.. خليه يمارس رجولته المزعومه.،
لكن اللي هاد حيلي الفوضى اللي يعملها بالمكان
وفجأه يستقبل ضيوفه!!!!

انا افكر ما انظف المجلس الا مره كل يومين..
ولو بيجيه احد ويدخل على فوضى هو يتحمل..
حتى لو بينتقدوني.. طز
كافي علي شغلي وبنتي والطبخ والغسيل والكوي

والله العظيم تحت عيني سواد من الهم والتعب
وشعري صار يتساقط ووجهي شاحب
عشان ايش كل هذا !!
بالنهاية هو ماراح ينفعني اذا مرضت والا انفصلت

ماعرف بس زوجش يمكن يقلد قدوته الي هو ابوه

ما ادري عن ابوه..
اساسا عيلته كلها ماعرفتها الا بعد الزواج
لانه مو من اهلي..

ليتني ماخذه واحد من ثوبي احسن لي

هونيها وتهون والله ماشي شي يستاهل كل هاذا التعب انا اقولش استريحي وريحي وروحي قعدي عند اهلش كم يوم حتى يراجع نفسه ويشوف كيف البيت ماشي بدونش ويحس بمكانش بس ها كم يوم وتردين فريش انتي حملتي نفسش فوق طاقتش خففي على نفسش وعلى قولتش طزززززز بس طز مؤقته

اشوفك قاعدة تستحضري كل سيئاته وتجمعي فيها حتى الكلمة اللي انتي اصريتي عليه يقولها حسبتيها وكانه قالها لك بكيفه

واضح ان نفسيتك الان جدا تعبانة وما تتحمل كلام
روحي زوري اهلك كم يوم ريحي فيهم حبيبتي

سؤال يطرح نفسه وبقوة ..... ليش ما تجيبي خادمة تريحك
احس شغل البيت ماخذ كثير من وقتك ومن نفسيتك وانتي ربنا منعم عليك وتقدري تريحي نفسك شوي
لو على الاقل تجيبي واحدة مرتين بالاسبوع او 3 مرات 4 ساعات باليوم تريحك من الكوي والتنظيف الثقيل وحتى الخفيف بيوم تواجدها

__________________

انا رايحه لاهلي كم يوم.. لاني كل ماشفته انقهر..
هو كان نايم جنبي وانا مقهوره واكتب لكم..
بالنسبه للشغاله فبعد نقاشات اقتنع هو ووافق
لكن عندنا مشاكل في الاستقدام بالبلد الان
هو طلع فيزا لكن لسى ماقدمنا وتحتاج شهووور
ويمكن تستغربي لو اقول لك حاجه
زوجه اخو زوجي.. صاحبه الصحن
ام زوجي للاسف ماتخبي عنها شي وزوجي مايخبي عن امه
المهم.. هي عرفت ان زوجي طلع تأشيره خدامه..
وتضايقت وانتقدت وقالت لام زوجي ليه كذا..
تقول انا ماجبت شغاله الا بعد بنتي الثالثه
بعدين ناظرتني وقالت يافلانه توك صغيره ولسى ببدايتكم
قلت لها لاتشغلي بالك يمكن مانجيب.. وسكت..
وهي استمرت تتكلم وام زوجي طبعا ساكته ومأيده..
لانها تعتبرها رمز مستحيل يغلط ابدا ابدا..

ارجو محد يجيني الان ويقول تكرهيها..
والله ما اكره زوجه اخوه ولا عمري تطفلت بحياتها..
لكن هي وضعها معي انا بالذات يفرس..
حتى بالخدامه دخلت خشمها.. وهذانا لنا سنه على حالنا..

يوه يا خاله بيتا ماتتخيلي من كل شي انا موجوعه..
اساسا انا ألوم نفسي الان كيف سمحت لهم..
المفروض هذي الملقوفه لما تكلمت انا اقول لها مالك علاقه
عشان تتأدب وتعرف قدرها.. حتى لو زعلت ام زوجي بكيفها


صرت شايله على زوجي واهله اللي ياما زعلني لخاطرهم