اللهم امين
لو ماهي راضيه ماسكتت تتصل علي وتقول ضغوط علي
وانا ابي بيتي ولكن امعه وعقليه صغيره

طبعاً هو خير لك
وننتظر بشارتك وافراحك اتيه في الطريق .
اكثر من الصدقات بنية التوفيق مع خطوبتك وبنية نسيان الاولى
وادعو في كل وقت يحببك لخطيبتك ويكفيك شر الاولى واهلها

استغرب في امهات كدا
الله يهديها

سبحان الله
مافيها شي لو تأكدنا فعلا او هو يخبر من يستمع لهم من النصح هنا
عن تلك المشاكل و بذرتها.لا عن توقعاته
و نهدي الامر بينهما . يشيل الحظر عن الوتس اب و يحاول و يحاول
اليس ..مافي كرامة بين الزوجين

__________________

اخوي عفناك ممكن الي المشكله الي قبل 3 سنوات

سببت له ازمه وكل يوم تتفاقم معاها

انا في مشكله مع زوجي صارت لنا من سنه صح انه اعتذر

بس مازالت المشكله ابكي منها الى اليوم واوقات اكره زوجي واروح اهلي ارتاح

عرفت الي بعض المشاكل تترك اثر اثر ويصعب مسحه

لذلك اخي انت قلتها بنفسك كنت اكدر عليها يعني يمكن انك زودتها وهم خايفين ترجع تعذب بنتهم

اخوي بعض التعليقات لاتسمع منهم

متاكده هم خايفين على بنتهم انا ماالومهم صراحه الي سمعته منك اتضح لي صفه فيك

المثاليه

اخوي اكيد فييك مساوئ وانا مستغربه حكاية انه خطبت بهالسرعه

لما بكره تنتهي القضيه سواء بقاء او انفصال وقتها اخطب الي تبي

بس لاتصعد المشكله

نصيحة من اختك والله انه اكلمك كانه اخوي لاتخطب وتستعجل وروح المحكمه معاهم وماانت مجبور توقع ع شي

اخذ واعطي معاهم ومع المصلح وان اعجبك شي وقع عليه وايضا خلها هي كمان توقع على حقوقك

وعللى فكرة المؤخر ماتاخذه الا في حال انت الي طلقت من راسك

يعني لو طلبت هي الطلاق يصبح المؤخر هي تدفعه لك
ولعل الله يكتب في كل امر خير

اشكر كل من تفاعل مع مشكلتي
مسز داني نيتك بيضاء وتسعين للصلح ولكن اغلب الناس ليسوا كما تعتقدين
نواياهم صلح وسلام ويعيدون المياه الى مجاريها انا اعترفت انه بدر مني سلبيات
اول المشاكل كرده فعل على تصرفاتها وكبرت المشاكل واعلم انها وقتها هم من يحرضونها
ووديتها اهلها زياره وكان مابيننا شي وجيت بعد اسبوع اخذها فقالت خلني اسبوع ثاني
قلت انا واقف عند الباب خلاص قضي الامر ضربت مشوار وانتهيت فسمعت شخص بجانبها
يلقنها الكلام فتنرفزت وقلت يصير خير ورحت وجيت بعد اسبوع قالوا اهلها ماراح تروح زعلانه
قلت اللي يزعل انا مو هي لان هذا اللي صار وقلت لهم صاروا يختلقون الكذب قلت اهم شي
زوجتي انا اعتذر منها واعتذرت منها وهي الغلطانه لاني ادري عقلياتهم محدوده ولاينطقون بالحق
فبعد ماراحت معي البيت غيرت معاملتي للاحسن وكل ماتكون معاملتي زينه كل ماتشوف نفسها
هي تريد بيتها ولكن فيه احد يلعب بعقلها وبعد رجوعها ب 5 شهور وديتها اهلها زياره وقالت مانيب راجعه
وش السبب رجعونا للمشاكل اللي قبل زعلها الاول قلت انا فتحت صفحه جديده من 5 شهور معها وش اللي خلاها تجلس الان ماقالوا سبب بدوا يخلقون الاكاذيب
فامها واختها هم المسيطرين عليها ويعلمون كل شي عن حياتنا حتى علاقتنا الخاصه
اختها حصلت لها مشكله مع زوجها ولحد الان مجننته يوم في شقتها وشهرين عند اهلها
فانا اعلم بهالاشخاص الفلوس اهم شي عندهم
وبالنسبه لكلام كناري البحرين فهو واقعي جدا واغلب اللي عطوني الراي نفس كلامها
اذا اريد ابنائي اوافق ع شروطهم وراح اعيش في جحيم ومصيري راح اطلق بموخر
ليش اضيع عمري معها ممكن اذا شافتني خطبت ونويت اتزوج تحن لبيتها ويروح هبالها اللي براسها

اختي ملكه الاحساس
انا ماادعي المثاليه غلطاتي بينتها وصادقه ان المشاكل اذا كانت قديمه تتفاقم
وتترك ترسبات كذبها علي بحد ذاته جرح مفتوح حتى مع الايام ماتوقع يبرى
ماعدت اثق باحد صحيح قاسي لكن مو مقصر عليها بشي وقساوتي معها بسبب افشاءها للاسرار
ولو وعدتني انها تحفظ اسراري تعرف بتغير امها كل صبح تتصل تاخذ الاخبار
خطبت بالسرعه هذي وش انتظر امس يقولون هذي شروطنا غيره ماعندنا
الان الكره بملعبهم بعدين راح ينقلب كل شي ضدهم ويبلون شروطهم ويشربون مويتها
خلقنا احرار وبنموت احرار
الله كاتب لي هالشي وهذا نصيبي الحمدالله على كل حال
اللهم لااعتراض قدر الله وماشاء فعل

لا حول ولا قوة الا بالله

اخوي ترى الزوجه تكره وتبغض الزوج الي يجلس يفتح لها مواضيع سابقه

تدري افضل مافي الرجل ان تمنعه رجولته ان تعتذر له زوجته حتى لا يكسر انوثتها هنا الرجل التي تريد المراءه

انا مااقول تنازل بس احسك ماعندك تغاضي ولا صبر ولاتنازل

اخي فيه استشاريين موجودين بالرياض اذا انت من الرياض

وعندك مشروع ابن باز للاصلاح رااااائع يتدخلون بالاصلاح واذا شروطهم ليست واقعيه بيقولون لهم

وبعدين ليش ماتكلم زوجتك بنفسها

ادخل لها مع قلبها ذكرها بالايام الجميله واوعدها خيير

الزوجه تكره الزوج الي يهملها عاطفيا وجاف معاها وقاسي
والله احاول اساعدك

انتبه تعطيها حظر واتس ترى هالشي يكسر مايتبقى بقلبها لك

اختي ملكه الاحساس
والله لو عندي ثقه فيها ماتخلي اهلها يطلعون على المحادثه
لااتوسل لها واترجاها ترجع بيتها ولكن مع اول حرف راح يكون عند اهلها خبر
يكفي اهلها يقولون يتصل عليها وماترد عليه وانا ماتصلت
الواتس اب معطيها حظر من اول المشكله كلمتها وجيتها باسلوب تودد وماردت
خليت معها مهله اسبوع رد وبعدها حذفتها
هي مافي يدها قرار اي شي راح اقوله عند اهلها
مشروع ابن بن باز كلمتهم حلولهم بدائيه
وكلمت مستشار اسري غيرهم ماقصر معي في النهايه استسلم
ودي اعتذر منها بالواتس وارجع المياه لمجاريها لكن ماتوقع تجيب نتيجه معها
لان بيننا حواجز من كانت في بيتها
مايعرف للحريم الى الحريم وشكلك تمرين بموقف زوجتي قولي لي وراح اسويه
كفرصه لها وحوار معها بعيد عن الاهل

والله حظرك لها بالواتس قسى قلبها

فعلا انا تقريبا حسيت بزوجتك
لذلك نصيحه ارفع الحظر عنها واكتب حتى التوبيك كلام مو واضح انه لها بس هي راح تفهمه

وارسل لها كلام الحيين اكييد الكل نايم وهي صاحيه

يالله الحيين شوف هي صاحيه ولا لا

وقول لها ان كانت صاحيه

سلم عليها واسال عنهم وقول لها انتي تبيني ؟؟ ماعلينا من الكلام كله انتي تبيني ؟؟
وان كان انتي تبيني انا بعد شاريك واوعدك خير في الايام الجايه

وانا وانتي نتفق بينا لان ماراح احد يخسر الا انتي والبنات وانا

واذا ردت معاك كمل الكلام

الله يسهل لك ويكتب لك مافيه خير