يعطيكم العافيه جمعيا الحمدلله جاء عندنا وقعد معها سويت كل الي قلتو عليه وخذا بنتي وامي واخوي الصغير للمستشفى خرم لها آذانها وشرا لها حلق وألعاب وامي تقولي انه كان خايفه عليها حتى من الهواء وقعد معها بروحهم اكثر من نص ساعه وهو يلعب معها بعدين امي سألته عن الطلاق وكذا قالها انا ماطلقت الا من شيء زاد علي ولو برجعها لازم عقد جديد عمتي أمه تكلمني كل يومين وحواته ومتواصلة معهم بس على خفيف ومادري استمر بالرسائل واكلمه ولا خلاص محتاجته بس احس اني مجروحه منه بس يكفي انه يموت بالبنت حيل افكر أكلمه قريب عطوني رأيكم . جزيتم خير

حبيبتي ام الين ، انتي ليش متوقعه الاسلوب المباشر بينفع معه ؟
بتقولي له مثلآ بالاتصال ولا الرساله انا ابي ارجع لك ياابو الين ؟
طيب تخيلي رفض لاقدر الله !!
هنا انتي قطعتي عنفسك الطريق ، وحرقتي اخر ورقه بيدك

ممكن تصرفات منك تغنيكِ عن الف رساله له !
رجعي رصيدك اول من الحب والشوق وبعدين طلباتك بتصير اوامر

حبيبتي والله الرجال يجي بالاسلوب والكلمه الطيبه ،

حركي عواطفه ببنته ، وريه اهتمامك فيها وهو بيتمني يكون بينكم
ارسلي صور وبعدين وقفي بمعني ، شدي وارخي ، اعطي وامنعي وهكذا

ارسليله بيوم بعد صلاة العشا ابو الين تعال شوف الين لو تحب
واذا قال طيب ،
جهزي البنت زي ماقلت لك قبل ،
وجهزي كوب نسكافيه مع قطعة حلي صغيره وارسليه له
وارسلي له رساله : تعشيت يآبو الين ، تري العشاء جاهز
ولو قال تعشيت قولي بالعافيه
ولو قال مالي نفس : قولي عيب بحقنا تجي بيتنا وقت العشاء وماتتعشي
انت بس تذوق العشاء بتنفتح نفسك ،،،،،،الخ ، وهكذا
خلك ذكيه حبيبتي

خليه يروح البيت يحس بالفراغ
خليه يشتاق لااجواء الين ودلعك له
اسحبيه حبه حبه لعندك

يابنتي اتركي المكابره او الخوف والتردد
وخذي الي تبيه بآسلوب حلو

رحمة ربي فيكِ ان ابو الين متشقق ع بنته
يعني سهل بإذن الله يرجعك

اصبري عضروفك وخليها تكون دافع لك تواصلي محاولاتك مع طليقك
مين ترتاح ببيت اهلها
حتي احنا المتزوجات والله مانرتاح ببيوت اهلينا وقت الزياره ؟
وحاشرين عيالنا جنبا لايخربو ولا يزعجو الخلق

حبيبتي اهلينا تعبو خلص ، ربونا وكبرونا وزوجونا
يبو يرتاحو خلص مالهم خلق الاطفال ولا ازعاجهم
الوضع هذا مو بس عندك عند كثير غيرك ، فلاتحسسي حبيبتي

ام الين خلك حبيبتي فرفوشه وروحك خفيفه ،
ان اتصل رحبي وهلي ، ياهلا بآبو الين ، امر ، سم ، لبيه من هالكلام
تري هالامور تلين الرجال يابنت

زوجك مجروح ، وطول مايحس بآنك كاشه وتبي الرجعه وبس راح يقول ماندمت
بس لما يحس بتغيرك ، وفقدك له ، وغلاه عندك بيعيد حساباته

تجرئي يابنت وخشي بعينه

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

اتبعي نصائح أختنا رائحة البخور ما شاء الله عليها
والحمدلله هو رده على امك ما كان فيه شي يدل على انه متخذ قرار نهائي بعدم ارجاعك
الله يسخر لك زوجك ومثل ما قالت الاخت رائحة البخور اخذيه باللين يا أم ألين
انا رجال واقدر اقولك انه فعلا هالاسلوب يأثر و بقوة
الله يوفقك ويجمع شملكم

لا تكلمينه خليه يشعر بالفقد ما دام تتواصلين معاه للحين ما راح يفكر ويستوعب

حتى صور البنت لا ترسلين خليه يشتاق لها ويخاف من خسارتها طولي بالش

لا تكونين مشحوفه

__________________
وهل من مصير اخر ؟

أرجوكم انا مو راميه نفسي عليه من قليل انا صح اني احبه بس لو ألقى حياة افضل من الي عايشتها او تعامل من اهلي كويس بس والله اني حتى النوم متحاسبين انا وبنتي عليه والله حتى صوتها لما تبكي ماحد يبي يسمعه ابوي هو اكثر شيء مع امي ضدي يارب يسخره لي عشان بنتي تعيش حياه كريمه .

دام امك حاكته بنظري من غير المناسب تكلميه بالموضرع حاليا
كم باقي وتخلصين الاربعين
اذا ماخلصتيها اصبري لين تخلصينها
ولاترسلين له صور البنت كثير
جربي مره توقفي ارسلها حتى يطلبها او يجي يشوفها مشتاق

اصلح الله ذات بينك
كما اتمنى ان لا تفسري اي تصرف من اهلك كره لك
هذي والدتك ماشاء الله اخذتها مع طليقك للمستشفى
جزاها الله خير وطول الله عمرها

الله يفرج همك ويفرح قلبك

أختي أم ألين

أنا حاسه فيك وحاسه في أبو بنتك ووالله أن عيني دمعت حين قرأت موضوعك

لكن أختي الجرح الذي نكأ في زوجك يحتاج وقت ليبرأ

زوجك طلقك ليؤدبك و يُشعرك بحجم الذنب اللي ارتكبتيه

هو سيعود بإذن الله وأشعر بذلك كثيرا فاصبري

دعيه ينسى و أشغلي نفسك بطاعة الله والإستغفار

والصدقه تطفئ غضب الرب فالتزمي بها فأمرها عظيم

اصبري فما الصبر إلا بالله و الله مع الصابرين

ثقي تماما بالله وأحسنِ الظن به

كرري قول ( لا إله إلا أنت سبحانك إني كنت من الظالمين ) في اليوم ألف مره

ستنفرج أختي ستنفرج بإذن عينه التي لاتنام

__________________
حسبي الله ونعم الوكيل

الله يجززاكم خير جمعيا انا اتبع نصائحها والحمدلله احس اني برجع قريب حتى لو بكلمه ماراح أقوله على طول رجعني بس انا ماشيه معه حاليا بهالاسلوب باقي أسبوعين واطلع من الأربعين وأسبوعين بعد ونكمل سنه كامله من تاريخ زواجنا كان ودي نكون مع بعض من اول سنه.بزواجنا انا متفائلة خير يارب يتحقق الي ببالي والله محتاجته وهو عارف اني ماعاد عندي شيء ولا عاد سويت شيء يضايقه كان يقولي انا ابيك انتي حتى لو مافي بطنك ولدي هذا قبل مايطلقني وبعدها بكم يوم تركني . ماحد يدري عن موضوع طلاقنا غير بيتنا وبيتهم ودي الأمور تنحل قبل ماحد يعرف الله كريم والحمدلله على كل حال . بكره صديقاتي من الجامعه مسوين لبنتي حفله بكشخها وأرسله صورها

الله يفرجها عليك أختي أم أليــن وأنا كذلك مستبشره خير بإذن الله
واصلي على نصائح رائحة البخور << طلعت داهيه أفكارها عجبتني شلون هو ههههههه
أهم شي لا تكوني معه بالصورة الواضحة المباشرة

__________________