من وصفك لطريقة خروجه من عندها يتضح انك موجوده حينها عند العماره
معناها انك تخرجين ورى زوجك كل ما خرج من البيت على مدى ثلاث سنوات!
كيف..؟
ومن يسوق السياره اللي انتي فيها..؟
يمكن عندكم سواق
طيب وزوجك ما يعرف سيارتكم..؟

وكيف تقولين عطيتيه فرصه شهر وما تعدل
فرصه شهر تبينه يترك علاقه لمدة 3 سنوات!
وحتى لو وصلتي للمراه << لوكانت علاقه محرمه
ما عالجتي المشكله من جذورها..فقط اخرجتي هذه المراه من حياته
ما بيلاقي غيرها..؟ ما بيلف ويلف ويرجعلها..؟

وانا اعتقد انه متزوجها مسيار .. معقوله رجل يحافظ على الصلاة وفي المسجد ويزني لمدة 3 سنوات
واي رفقاء سوء لرجل بلغ الخمسين !!!!

مدري احس انك منتي فاهمه الموضوع وبالتالي احنا معك ما فهمنا شي..
الله يعينك ويفرج همك..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

اختي
كان الله في عونك..
وقبل ان اشرع في الرد اريد ان انوه لنقطة مهمة ..
عندما حرم الله التجسس وسوء الطن حرمهما لحكمه ، وهي قطع دابر الشر..

انتي الان بسوء ظنك ، وتجسسك على زوجك اوقعتي نفسك في مشكلة انتي في غنى عنها ، انتي تكتوين من الداخل وهو عايش حياته..

اما بالنسبة لظنونك فاعلمي انها لا تزال مجرد ظنون لا دليل عليها ، كل المؤشرات تفيد بأن هناك علاقة جنسية يقيمها زوجك في ذلك المنزل ولكنه لا يرغب في ان يعلم احد بها ..

طيب خلينا نتكلم بحسن الظن حتى نقابل به سوء الظن

بدايةً زواج المسيار هدفه الأول والأخير هو العلاقة الجنسية ..
ثاياً اخفاء زواج المسيار يكون لأسباب تتعلق بالرجل والمرأة
فلنتفترض انه زواج مسيار وبناء على ما ذكرتيه ان زوجك يصلي ومو مقصر في حقك وشايلك فوق راسه كلها مؤشرات بأنه زواج مسيار ، اما انكساره فهو احساسه بالذنب تجاهك ، واحساسه بالذل كون انه يتزوج بالسر على زوجته التي وقفت معه ، ولا يريد ان يواجهك بالأمر ، وكلنا نعلم ان النساء لا يفرقن بين الزواج والزنا لأنه في نظرنهن خيانه بل وللأسف بعض النساء تفضل الزنا و الخيانة على ان يتزوج زوجها عليها ..
ضعي هذه في الاعتبار

ثالثاً احياناً يتعلق اخفاء زواج المسيار بظروف المرأة حيث انها قد تكون ام لأبناء ولا ترغب في تواجد زوجها في بيت ابنائها خصوصا اذا كان البيت موروثاً من والدهم ، واحيانا ترغب في اخفاء زواج المسيار حتى لا تحرم من اولادها سواء من ابوهم اذا كان حياً او اهل ابوهم اذا كان ميتاً، واحيانا لا ترغب في توثيق زواج المسيار حتى لا تحرم من معاش زوجها المتوفي او تحرم من الضمان الاجتماعي
وفي نفس الوقت تكون بحاجة لزوج تمارس معه حياتها الجنسية حتى تمنع نفسها من الحرام ..
ولتكن اجابة على سؤال لماذا لا يطيل المكوث عندها (لأنهما لا يرغبان في معرفة احد بهذا الزواج ، حتى عندما تكونين مشغولة عند اهلك ، ربما ظروفها لا تسمح له بالجلوس عندها)..
اذا جمعنا كل هذه الإحتمالات واضفنا إليها حسن الظن ، نجد أن الأمر مقبول ، ومريح نفسياً

اما بالنسبة لزوجك ، اعتقد انه انسان جيد حتى لو كان يخونك ، فخيانته عقوبتها عند الله لو كانت صحيحة ، ولكنه لم يطلقك ويرميكي خارجاً برغم زهده فيك جنسياً كما ذكرتي وبرغم انه سيستفيد مادياً من العمارة وهذا مؤشر على انه غير نذل ..

اختي هوني على نفسك ، والقي الأمر وراء ظهرك ، واستمتعي بحياتك ، وبيتك وأولادك ..

ولا تدعي الغيرة تهدم سعادتك ..
وكوني على يقين ان مثل هذه الامور لا تسير إلى الأمام أبداً ..
ولن تشفي غليلك ابداً اذا انتقمتي منه ، لأنه واضح من كلامك انك امرأة نبيلة ولن يريحك ضميرك لو انتقمتي..

إن الله يعلم كل ساكنة وشاردة وواردة ، ومع ذلك يسترنا ويأمرنا بالستر ، ولكننا نشقي انفسنا ونفضحها ونعصي الله ، لا لشي .. أنما فقط نتبع هوى النفس

اصلح الله احوالك انتي وزوجك

بالنسبة لموضوع العمارة
توجد فكرة لتأخذي نصيبك منه , وهي
أن تتفقي مع اخوك بأن اخوك بيشتري نصيبك وفكري في اي عذر لتبرير البيع
مثلا ممكن تقولين بأنك ستستثمرين المبلغ في فرصة مع احد صديقاتك ستعمل توسعة لمشروعها الناجح
وان الاستثمار مقنع لك ومردوده افضل وان اخوك اتفقتي معه بإيجار مخفض لخمس سنوات سيكون وقتها استرددتي راس مالك وزيادة وتسترجعي العمارة مرة ثانية واخوك فائدته الايجار
فإما هذه الفكرة او ان وجدتي فكرة افضل تبرر انتقال ملكية مالك من اسمه
,,,
لازلت ارجح بأنه زواج مسيار , اذا استطعتي أن تعرفي تفاصيل الحركة المالية عنده كم يدخل جيبه وكم يخرج واين , مؤكد ستعرفين بأن هناك لا يقل عن الفين ريال في الشهر تختفي .
...
يصعب جدا اخفاء جوال اخر , الا اذا له مكتب يذهب اليه ف ممكن يتركه هناك
...
لا تدخلي أبنائك في المشكلة نهااااائيا , لأن اللوم سيقع عليكما الاثنين , لأن معالجتك للمشكلة مهما كانت نتائجها سيرونها غير صحيحة وأنك لو فعلتي كذا لكان كذا ولو لم تفعلي كذا لكان كذا .
,,,
رددي حسبي الله لا إله الا هو عليه توكلت وهو رب العرش العظيم سبع مرات صباحا مساءا
,,,
لابد لكِ من سند قد يكون اخ أو قد يكون ابن اخ أو ابن اخت
,,,
أعانك الله وسدد خطاك والهمك الصبر والرشاد

ممكن هي ما تريد يطول وجوده ببيتها ... ممكن ام مطلقه ولا تريد احد يعرف

زواجها حتى ما ياخذوا عيالها الله سامحش قلبنا محقق كونان

الله يريح بالش

__________________
وهل من مصير اخر ؟

الله يهدي بالك اختي
ما عندي شي اضيفه زيادة على اللي قالوه الاعضاء غير الدعاء لك بظهر الغيب
بس نصيحة ما تتسرعي باي تصرف من دون دليل واضح واكيد
الله يفرج همك ويسعدك دنيا وآخرة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

طيب عندي لك فكره
غيري عبايتك
وروحي لهذي العماره انتي تقولين انها دور واحد وهذا الشي بيريحك
يعني ما فيها الا شقتين غالبا

طقي على كل شقه واساليهم عن صاحب العمارة<<بعذر الشراء او الايجار
وانك حرمه مضطره تستاجري اذا لهم نيه يطلعون من الشقق قريب ولا لا

وعند كل شقه فتحي عينك واذنك بتشوفين اطفال بتسمعين صوت منا ولا منا يدلك على شي
وفي كل شقه اسالي عن سكان الشقه الثانيه
يعني مثلا قولي طيب الشقه الي جنبكم تعرفونهم فيها عايله ولا شخص واحد
انا مضطره استاجر باقرب وقت <<واحبكي الدور
يمكن شقه تعطيك اي معلومه مهمه عن الشقه الاخرى

الفكره من تغيير العبايه حتى لو قالت لزوجك يقول لا مهي ام فلان
وحتى لو لمحك زوجك "فرضا" ما يعرف هيءتك بالعبايه المعتاده..


اتوقع فكره سهله..بس يبغالها جرءة ومغامره..
غيرت شوي في الفكره😊

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

خخخخخخ غيري السيناريو مش مضبوطه

انا عندي فكره خبيثه بس ما راح اقولها .. ما اظمن تهور قلبي سر معاناتي

__________________
وهل من مصير اخر ؟

سوي نفسك جارة ومسيرة عليهم (:
او
حطي ع باب كل شقة مادة ملونة كل شقة لون في نفس اليوم اللي تكون شاكة فيه انه بيروح اطلعي قبله وحطيها بعدين لما يرجع شيكي ع نعوله (:

لايكون قصدك توقف ع شباك كل شقة وتتبع صوته 😂 هذي صعبة شوية 😅

مشكلتك انك مخليه الخطأمن النساء وهو بريء منزهه
مشكلتك انك اعطيتيه فلوسك وخلاص سار ملك لك
ترى الي تعطي فلوسها يكرهه الرجال لانك اخذتي دوره بالحياه
ويبي يكسر خشمك لان كل شي لك
والله لو يحمل ذرة حب لك من اول وتالي ماقال لك حبي واحد ثاني وتزوجيه
حتى المطلقة يغار عليها طليقها وانتي يقول لك حبي وتزوجي
ودك تفضحين الحرمة لحالها بس مانتي عارفة كيف
وتبين تعرفين نوع العلاقةروتقولين لو كانت غير شرعيه بتسوين وتفعلين وانتي قبل ماسكته بعلاقات غير شرعية
لكن شكلك خايفة ان متزوج
الله يفرج همك