أختي نصيحة لا تعاندين والله ماورا العناد غير خراب البيوت،..

احسني الظن يا كنافة وتعوذي من الشيطان

انتي وهو فيكم طبع المعاند وكل واحد رافع راية حقي كرامتي

الحياة تحتاج مرونة وتسليك .. مو كل كلمة نوقف عليها ولا كل نقاش لازم يكتمل

وزي ما تشوفين .. كل مشاكلك بالمنتدى تبدا وتكبر بسبب المجادل

اذا ما تعلمتي اسلوب الحوار المناسب لزوجك ما راح تنتهي مشاكلكم

الكائن اللي محسوب علي زوج ماعنده استعداد يناقش
يغلط ويطنش ويجهز لسفرته ماكأن عنده زوجه
وانا واصله حدي من كل تصرفاته معي
خصوصا وانا حاسه نفسي مو متزوجه
يطري علي احيانا اعوض الجفاف اللي بحياتي
لو عن طريق مكالمات مع واحد يحتويني ويتغزل فيني
بدون زنا ولا لمس.. خصوصا اني مرزوعه بالبيت طول الوقت
بعدين استغفر واتعوذ من ابليس وافكر ببنتي
وارجع لدوامه القهر والحرماااااااااااان
الله يلطف بحالي

الله اكبر يا كنافة

متعاطفة معك لسبب واحد انك مو قادرة تفهمين
اما مشكلتك فلها الف طريقة والف حل
وحياتك ممكن تكون من اروع ما يكون

الله يهون عليك حملك .. ويقومك بالسلامة ويصلح حالك

انا اعترف اني انفعاليه ودقيقه ببعض الامور
ودايما احط كرامتي وكبريائي قبل كل شي
حتى لو على حساب نفسي وبنتي وبيتي
لكن تعز علي نفسي جدا اذا انهت او تبهذلت
ما اقبلها ابدا من زوج او غيره
ومستعده ابيع العشره بلحظه اذا حسيت باهانه

اللي حصل الان
زوجي لبس وتعطر عشان يطلع
ناديته وقلت له ممكن تجلس
جلس
قلت له: انا ممكن اتحمل اي شي منك الا الغلط على اخواني!!
قال: بهذي انا غلطان واسف
قلت: اتمنى اهلي خارج اي نقاش بينا لانهم خط احمر
قال: للمره الثانيه اسف.. والاعتذار رجوله مني
قلت له: الرجوله الحقيقيه انك ماتهين نسايبك تحت اي ظرف
قال بعصبيه وصوت عالي: للمره المليون اسف!! خلصتي!!
وجلس يبرر باني ياما قارنته باخواني وكلام اهبل
قلت له: يعني لازم اناديك حتى تعتذر عن اهانه اهلي؟
قال: لو ماجرحتيني كان جيت لحد عندك
قلت: جرحتك بايش؟
قال: بردك هديتي (يقصد الفلوس) ومقارنتك لي بصاحبي!!

طبعا كلامه بالنسبه لي جدا تافه
علقت عليه بكلمتين وانه اساء الظن
وسألته اذا بيسافر؟
قال: اكيد انا حاجز ورحلتي بكرا
قلت له: توقعت تلغي السفره اللي ماوراها خير بدليل اللي صار
وقلت له اني ما ابغاه يسافر خصوصا بعد الجفاء اللي بينا
قال: بالعكس فرصه نبعد عن بعض ونشتاق لبعض!!
قلت له عن شكوكي ومخاوفي وغيرتي
عصب واتهمني انو تفكيري وسخ
وقال: واحد غيري بيكذب على زوجته ويقول رايح عمره.. بس انا صريح معك


خلاصه الموضوع
هو جلس يبربر ويتهمني اني مستكثره عليه الوناسه
وان انا تعمدت انكد عليه قبل السفر
وكان صوته جدا عالي ومعصب وهو يتكلم
ويقول مو معقوله بكل سفره مع اصحابي تنكدي علي
ويقول لو انتي مو حامل كان اخذتك باريس او لندن زي العام الماضي
واتهمني اني اتأثر بكلام صديقاتي (غير صحيح ابدا)
واتهمني اني اقارن نفسي فيه (غير صحيح ابدا)
واتهمني اني ما افكر الا بنفسي (غير صحيح ابدا)
مارديت عليه
بعدين هو سكت وهدى فجأه
وقال: انا رايح مشوار قصير وراجع.. اذا رجعت ابغى اشوف مزاجك غير
وسأل اذا ابغى شي من برا.. قلت: لا
وطلع

كنافة اعتبريه اسبوع نقاهة.. لا تفكرين

انتي حاليا مرهقة

احجزي لك جلسة مساج

حمام مغربي

غيري لون شعرك.. سوي ميك اب

اطلعي مع صديقاتك

وسعي صدرك مع اهلك

اعزميهم عندك بالبيت يسهرون

هددددي عشان تعرفين تتعاملين مع كل القصة.. سفرته رحمة من ربي ترتاحين

وكلي امرك لله وافرشي سجادتك بالليل يكتب لك الخير

ويكفيك شره ويصرفه عن الحرام ويحنن قلبه

ويكشفه لك اذا وراه منكر 💜

اللهم امين
جزاك الله خير

سبحان الله الحلول عندك وجالسه تلفي حولينها؟؟
هو أمس جاك على أساس تجي تقربي منه..تركتيه مع بنته وطنششك..ونام في الصاله لحاله..
لأن في نظره غلطه على أخوانك إنت إستفزيتيه ومو شايف حاله غلطان..مثال..
إنت تسستفزني وتخرجني عن طوري وتحاسبني..فهمتي...
مناقششته معاك في السيارة كان بيحكي لك فقط وحيسافر بدونك... فقط حاب يحكي لك..
وإنت بردك له....ليش ماتأخذني معاك..بحد ذاتها عنده إستفزاز..كيف؟؟
لأن متفق معاك إنكم تسسافرو في العيد والمفروض ماتطلبي سفره الآن إيش ماصار..
وهو غلط على أخوانك لأن في نظره إنك لمحتي لهم ومدحتيهم.... وكيف هم يسافرو مع زوجاتهم..
وهو سفرك وحيسفرك في العييد..وغلط عليهم أمامك..
واليوم لما أرسل لك حيتغدى برا...لأن أمس ما احتويتي الموقف ولميتي الموضوع..
أقلها كان جيتي عنده ولعبتي معاهم أقصد مع البنت...
عارف حملك مأثر عليك..بس لازم تكوني قوية...
خلاص لازم تعرفي إنه هذا زوجك يبغى له وقت بعد غضبه حتى يرجع كوويس ونفسيته تتحسن..
والله ياعندنا ضغط وهم العمل لحاله يهدنا..ونبغى مين تفهم وتحتوي وتصبرررررررررر...
والعوض موجود بسفره أو تمشيه..أو مساعده لك في البيت أو تلبية طلبات..
لايخليك الشيطان تطالعي في عيوبه وتركزي عليها..هو لو بيركز على عيوبك..
والله ماتكملو مع بعض المده هذه..لكن إنتو مكملين لبعض..إنت بعيوبك وهو نفس الشي..

هذا الكلام مو تصنع أو رد مثالي والله إني بقوله لزوجتي في البيت..
الله يصلحكم ويسعدكم وينزل السكينه على مسكنكم..

الرجال تاخر اليوم بالرجعه للبيت لانه كان عند الحلاق
يضبط نيو لوك السفر
يعني مو داري عني
ولا فكر فيني
اظن هذا يكفي

كنافه بالجبن...قرات ماكتبتي بجميع الردود تحديدا ظهر لي كثير من الاشياء ولكن اقدر اقول ان اللي بينكم حسد وعين قويه وانتي قلتي ان صورته العامه قدام اهلي حلوه فأكيد قدام غير اهلك كذلك ومع حبك للزينه والتجدد والتصوير وارسال هذه الصور سواء واتس او سناب اتوقع سببت بهذا الشي ..ارقو انفسكم جميعا وبترتاحون وبتشعرين ان حدة الغضب او الجفا وحبه لهلث المشامل يختفي تدريجيا لان اللي فيه واضح لي وضوح الشمس اعراض عين ومحسود فيك....

وغير هذا الشي حاولي تهدين الامور من طرفك اذا شفتي انه شخص غير قابل للمرونه في الحوار والنقاش انسحبي بهدوء وانتظريه يهدأ واختاري الوقت المناسب وهو رايق ووقتها صارحيه ابعثليه مابقلبك وكوني له انثي رقيقه تختاج لحنان زوجها ومشاعره وقربه العاطفي والجسدي ...لا تدققي في عيوبه حاولي احتوائه ..هو اللحين يحتاج لانسانه تفهمه وتكسبه وباين اصلا عليه انه يحب يفرض سيطرته ويشوف نفسه قوي ويزيد بكذا لانه شايف ردة فعلك تبين له انه ضعيف وخصوصا في مسالة الجنس...الحل يحتاج لذكاءك وتعاملك ويحتاااااج كثيرا الي الصبر والهدووووووووووء ومسك الاعصاب لانك بصراحه سريعة الاستفزاز وهذا ماتعبره ردودك له ....

وفقك الله وجمع مابينكم بكل خير وحب وموده...