الله يعينك هذا إبتلاء عليك بالصبر .
ماسألتها عن رغبتها وش تبي تسليه وإلا زواج ؟!! هل هي من النوع الي له علاقات وكل يوم مع واحد أو تقصد جريئه طبيعتها وتربيتها ؟

__________________
الحمدلله حمدا جزيلا ...

وضعك خطير لازم تحسم الموضوع..

يا اما تتزوج او تقطع كل شي باي طريقة. لا يغرك انك صالح وطاهر ولا تفكر انه مايغلط الا الي ماعنده دين..

واحد من معارفنا هو وزوجته، عمره 48 انسان معروف بالصلاح واعرف زوجته جدا انسان محترم يشتغل مهندس وايام فراغه متطوع في المساجد (نحن بأوروبا) الي عنده مشاكل يستشيره ماشاء الله على علم كلير بالامور الدينية ومن حفاظ الحديث.. حتى صلاة الفجر بالمسجد بالويكند..

عمره مايعرف الا زوجته واولاده، كانت معاه وحدة بالشغل أجنبية كل مرة تعزمه عندها على مدار سنوات ومو بس هي الوحيدة.. بس هاي بالذات مرة خلاص ماصبر وفعلا راح لها وصار الي صار..

صحيح هو متزوج بس زوجته هاملته كان يشكي لزوجي انها دائما تتحجج بالتعب وهو مخليها على راحتها ماياخذ حقه..

الي صار انه بعد ما غلط مع هذيك زاد الطين بله فصار راغب عن زوجته لانه أعجب بالثانية.. وصارت لما زوجته تطلبه يجامعها يلبي رغبتها بس هو مايستمتع.... الموضوع صار مرة وحدة وهو كان يشكي لزوجي انه غلط لكن مو قادر يوقف وتجيه وساوس يروح لها وهذيك البنت ماهمها زواج او مصاري هي كمان بدها علاقة وبس وكل في حال سبيله..

هذا الشخص مباشرة بعد الي صار اعتزل المساجد حتى الجمعة ماعاد يصلي بالمسجد حسب قوله يحس حاله نجس ومنافق وصار اذا احد يطلب مشورته يتهرب عايش عذاب نفسي بس مو قادر يوقف وفعلا رجع راح لها مرة ثانية والله اعلم بحاله اليوم..

المغزى انه مو شرط الحرام مو حلو وبمجرد ما تنام مع البنت تكرهها لا اخي الواحد اذا تخطى الخط الاحمر وكانت البنت على مزاجه وانبسط معاها خلاص مايقدر يوقف وحتى زوجته اذا ماكانت تملي عينه بينفرها..

انتبه أخي تزوجها بالحلال انت رجل زي ما تفضلت الاخت صاحبة السعادة مهو شرط تكون ملتزمة حتى يصح الزواج اهم شي حاليا انك ماتغلط وتصير مثل هداك الله يستر طول عمره على الطريق المستقيم وبآخر ايامه وقع في الذنب الله يعفو عنه

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

هذا اللي مانعني من الزواج وهي انها خانت اهلها وتجراءة وكلمت رجال غريب ولبسها ملفت
ولو ماهذا كله كان الوضع تغير
اختي بخصوص اللي شفته منها لا ماشفت شي ماشافوه الناس
يعني عبايه ضيقه راسمه الجسم رسم
ومتحجبه وكاشفه وجهها ومافيه مكياج
اما ليش ضعفت قدامها مدري يااختي والله

[QUOTE=-مسك الليل-;3473281]اشوفها في المطار
تقريبا كل يومين اما اكون بالكافتيريا اللي في المطار وتجي وتجلس وسبب لي احراج هالشي وصرت مااجي الكافتيريا وتروح لعند مكتبي وعلى هالحال
واما الكلام اللي انوي اقوله اكون انا مجهز انه اذا جت او شفتها راح اقوله لها ولكن مايصير هالشي

الله يهديك بس
وش اللي اواعد واقابل
لا اواعد ولا اقابل
اما عن الجمال اختي انا رحت دول واماكن يمكن قليل اللي راح لهم لفيت اروبا ودول كثيره
بصراحه ماشفت مثل هالادميه
ومن قال ان الرجال مايبونها
والله المطار ينقلب فوق تحت لما تجي والف واحد يتمنى كلمه او نظره منها
انا اسوي نفسي مالي علاقه في الموضوع واسمع كلام الموظفين والمسافرين

تقول تبي زواج
اقصد بالجراءه وهي اللي خلتها تكلم وتلاحق رجال لاتعرفه ولايعرفها
وهذا بحد ذاته يخوف

أخي أنت في سكرة العشق ويقول الحكماء العشق هو إستحسان يضاف إليه طمع ، و 99% من العشق يذهب عند أول لقاء .
الحل خذ إجازه أو غير مواعيد دوامك إقطع أي سبيل للتواصل واللقاء لمده طويله وبتتغير مشاعرك بإذن الله وتفوق من السكره.

__________________
الحمدلله حمدا جزيلا ...

السلام عليكم ورحمة الله وبركاته
أ.وحيد أعتذر عن صراحتي مقدماً حقيقة أنت شخص متردد وقليل الحزم استشفيت رأيي من خلال تسجيلك بالمنتدى سنتين وأتساءل ماذا سيكون نهاية هذا الموضوع هل ستقدم أما سينتهي كما سابقيه من المواضيع دون جدوى ..مازلت تدور في حلقة مفرغة لم يكن لك رد صارم مع طليقتك عندما كانت تضايقك..والآن هذه التي تلاحقك لما لا يكون لديك القوة في ردعها فهناك مؤشر مخيف أنها بدأت تُضعفك بمحاولاتها ولاتنسى إن الشيطان يجري من ابن آدم مجرى الدم لاتغرك نفسك ومبادئك بأنها لن تستطيع أن تجرك فتقع في المحظور إلا أن يعصمك الله فإذا لم تكن راغب بها أسمعها كلام شديد اللهجة وأمام الناس إن تجرأت واذكر دوماً أن من السبعة الذين يظلهم الله في ظله يوم لا ظل إلا ظله رجل دعته امرأة ذات منصب وجمال فقال إني أخاف الله فأنت في بلاء عظيم أعانك الله وحفظك ..وإن استطعت غير مكان عملك واستخرج رقما آخر باسم ابنك أو أختك حتى لا تصل إليك...وعليك بالزواج ممن تتخيرها وكن شديد التحري والتنقيب في البحث عن زوجة تحمل الصفات التي تحب وترغب وأسأل الله العون في ذلك..
أعتذر مجدداً عن صراحتي وشدة كلامي لكن الحق أحق أن يقال ولو كان موجعاً.

__________________
سبحان الله وبحمده..سبحان الله العظيم

الله يحمينا ويبعدنا عن اللي يغضبه
كلامك صحيح اختي مافيه احد معصوم عن الخطأ
ولكن اختي لو تزوجتها راح يكون العذاب اشنع لاني ماراح اثق فيها ابدا
وصعب الواحد يغير طبع انسان بفتره بسيطه حتى لو عدلت من شكلها ولبسها بس طريقتها اوبن بزياده
ومتعوده على سفرات وزوحات وجيات لحالها ومدري كيف وضعهم داخل البيت بعد
يعني احسها بعيده كل البعد عن عاداتي واللي تربيت عليه

ابي احاول ان شاءالله اغير القسم اللي انا فيه واروح لمكان ماتقدر توصله