|
|
25-01-2017, 10:10 PM
26-01-2017, 09:34 AM
|
المشاركة الأصلية كتبت بواسطة فليكا
اخر دوام ^_^ واجازه سعيده الجميع ..
اقول لكم عن يوم الشوفه .<< عشان لا احد يقول انى وعدت و اخلفت .. طبعا يوم كلمت المشرفة اختى انها تبغى شوفة ماطلبت شوفه على طول لا اول قالت لها هاه ايش رايكم وراى فليكا ؟ ان كنتم موافقين نبغى نجي الخميس نملك ..<< بهالسرعه !!! اختى قالت لا مايمدي و للحين فليكا ماقالت رايها و الوالد لازم يعرف و كدا قالت المشرفه : ماهى مشكله نجى انا و اخوي الكبير و اختى لابوك و نخطب رسمى اكيد ماراح نسوي شي بدون رضى ابوها .. قالت اختى : الله يحييكم لكن عطونا وقت شوي .. المشرفه : من حقكم ، و خذوا وقتكم بس ياليت ماطولون لان اخوي تعبنا واحنا مدور له " وتضحك " .. قالت اختى : ابشري .. "على فكره اختى هذى تكلم من راسها ، مع انى اعلمها واقولها ايش تقول و تخالف كل كلامى .." و قفلت المشرفه ، بعد نص ساعة تقريبا رجعت ودقت على اختي .. قالت : ماعليش و اعذرونا لكن بسالكم انتم عندكم شوفة عادى .. قالت اختى : طبعا اكيد بس لازم الوالد يعرف .. << من راسها والله هى يوم شوفتها مادرى الوالد ولا عمره اهتم بالشوفات عاادى عنده .. قالت : يعنى نطلب الشوفه منه ، قالت اختى لا انا اكلمه .. قالت : خير ان شاء الله و خذى لنا موعد منه يوم "والله مدرى متى كان يوم الشوفه ^_^ " المهم ،، جاء الموعد المحدد .. "صح قبل اختى كلمت الوالد و قال دى فليكا بتفضحنا كم واحد شافته و بعدين تطلع عيوب فيه ماعندى شوفه خلاص قالت اختى لا اخر مره << ايش يدريها انه اخر مره المهم قال طيب .." يوم جاء الموعد ، ماجانى نوم من الصباح بددرى قلق مدرى خوف مدرى تفكير مدرى صدمة مانى مستوعبتها .. قلت فليكا هالمره غييير كل مره ولا م تكونى غير بكل شي .. بالعاده شوفات عاديه لبس ميك اب و شعر و مباالغات .. هالمره من التوتر ما بالغت مدرى يمكن عشان قالت شافك قبل ...! ذبحنى الفضول بعرف وين شافنى ومتى و كيف كنت وقتها ^_^ .. رحت افكر ايش البس ؟! وخواتى يساعدونى ^_^ و الا وحده جايبه فستان بمبلغ قلت معقول يافلانه قالت تردين لى المبلغ بزياده خلاص بيصير معك فلوس .. ما تفاعلت والله كنت امر بحالة غريبة .. جاء العصر و المغرب و حسيت بمغص ^_^ دعيت مايجون بس جو .. رحت لبست فستان عندى مدرى ليش ماهان علي البس المفتوح .. انا لسى ماوفقت ومو اى احد هذولا فالافضل اتستري يافليكا .." كلامى لنفسي لبست محتشم وطويل و جزمه معتدله مو عاليه و روج خفييف و رسمت عينى خفيف و مسكرا بس و شعرى ماسويت فيه و لا شي الا انى خليته على طبيعته مسدل .. و تجى اختى فليكا جت المشرفه و معها اخوانها اثنين و معها بنتها صغيره .. يجى اخوى اكبر منى قال فليكا والله ان تندمى لو ترفضين والله < كل مره يقول كذا ويقول الولد صغير و شاب وواضح انه عاقل و سيارتهم لو تشوفينها ... بعدين قال صح نسيت يالله بتشوفينه .. ؟ قلت ايوا بس اسمع لا تدخل معى ولا اشوفك قال طيب .. قال اجل نجيبه هو ندخله هنا عند احته قلت ايه .. جت اختى قالت يالله بسرعه احرجتينا .. قمت بدخل < اعتذر هنا عن الكتابه لان الحاله لا توصف ^_^ اخوى قال خذى معه عصبر قلت مابغى قال مو لك !! دخليه معك قلت مو شايله شي والله ان يطيح لو اشيله .. دخلت قامت اختى ترخب تقول يا هلا فيك و هذى فليكا يا ابراهيم < اسمه ابراهيم وهو وقف مدرى ليش .. لما جلست جلس .. ما راح اكذب واقول ما طالعت فيه ^_^ الا والله طالعت فيه و تاملته بعد .. وهو نفس الشي بس احسه مايتكلم كثير يمكن مستحى .. شكله عادى مو وسيم مره و لا شين مره وسط يعنى .. فاتح لونه شوى ونحيف يبدو عليه الهدوء .. بس كاشخ بقوه ^_^ قال هلا فيك قلت هلا مدرى كيف تكلمت .. قال ماشاء الله وسكت انا ، قال انا ابراهيم اخو فلانه وهى تضحك اخته قلت يحييكم ، وسكتنا شوى واخته تقوم تتكلم بتلطف الجو يمكن .. قالت شفت فليكا يا ابراهيم متميزه بالشغل و لها شخصيتها و ماشاء الله عليها متخرجه بدرى و توظفت وهى صغيره واعجبتنى وسط الموظفات ! قلت شكرا ههه و قالت هذا اخوى ابراهيم الاوسط ومثل ابنى وعمره32 والله انى ادور له عروس هو يختارها و يرتاح لها و تسعده و يسعدها .. والله يوفق بينكم .. قال اخوها ان شاء الله عاد طلعت انا .. اليوم الثانى دقت المشرفه على اختى ، قالت هاه ايش راي فليكا .. قالت للان والله قالت يعنى تتغلى علينا .. قالت اختى لا ابد بس تعرفين الموضوع مو بسيط وحياه قالت صح وخذوا راحتكم و بتسالون عنه اسالوا ... وبس .. |
26-01-2017, 11:30 AM
26-01-2017, 12:07 PM
|
المشاركة الأصلية كتبت بواسطة مهره
فليكا.. بصراحة مب عاجبني كل هالتوتر اللي إنتي فيه .. ولا هقيت الهامور يسوي فيج جذي. قوّي قلبج واسترجلي يا بنت. وضروري تكلمينه باسنفاضة قبل أي خطوة. |
شفتى كيف يامهره ؟! ..
26-01-2017, 01:30 PM
|
المشاركة الأصلية كتبت بواسطة فليكا
شفتى كيف يامهره ؟! اول مره احس انى مو رجاله ... بصراحه يامهره امور كثيره شاغلتنى مو انه خجل او كدا لا بس اول شي صدمة الهامور ^_^ ثانيا هذى حياه مو يوم ولا اثنين طول الوقت افكر ومو هاين علي ارفضه مو شخص عادى وفرصه وحسيت انى عاجبته بقووه .. و بنفس الوقت احتاج اعرفه اكثر و اكثر .. "مع انى لو عرفت عنه مصايب الدنيا برضو ابغاه ^_* " |
.. ما اوصيج على الاستخارة.
26-01-2017, 11:55 AM
|
المشاركة الأصلية كتبت بواسطة Lofty
ما شاء الله تبارك الله
اسأل الله لك حياة سعيدة جميلة تستاهلين اختي فلكيا بس لفت نظري شي اتمنى توضيحه ، بخصوص الفستان المفتوح اللي كان من احتمالات ملابس الشوفة ، و ايضا الشعر المسدول و الميك اب الصارخ سابقا و الخفيف الان ، هل هو امر عادي يحصل في الشوفة الشرعية اختي الكريمة ؟ |
25-01-2017, 10:12 PM
25-01-2017, 10:57 PM
|
المشاركة الأصلية كتبت بواسطة wa1121
فليكا كيف يبدو عريسك
ماهو اول انطباع؟ |
25-01-2017, 10:18 PM
26-01-2017, 12:29 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور