احنا نقول تعسعس ..
بس غالبا هالكلمة حق فترة اخر الليل ..

أنا جذي أتوقع.

__________________


اللهم طِيبَ الأثر .. وحُسْنَ الرحيل.

مساء الخير يا حلواات

مهرة اتضايق لم اسمع طاري سفر شغالة هذا وشغالتي باقي لها سنة

وفا سلامة ولدك معافى يارب طمنينا

شو بنسوي يا نرجسية .. لكل شي نهاية ولا مفر .. آخرتها بنت الناس لازم بترجع بلادها.


وسبحان الله لي حوالي أربع شهور أًدور على وحدة يديدة .. لكن ربج ما كتب.

بعض المكاتب على بالهم الأمور على كيفهم وغصب عنا نوافق ..... لكن هيهات يلوون ذراعي.

__________________


اللهم طِيبَ الأثر .. وحُسْنَ الرحيل.

توني باكتب لكم وأرد
إلا بنتي جايه تقول لي
عادي لما نروح السوق نشتري للبسه بطانية أو شي تلبسه يدفيها لأنها بردانه😩
أشق هدومي
لا أشق هدومي أحسن
أبحط 100 ريال في بطانية للقطوة

يارب بارك لي فيما رزقتني ولا تسخط علي 😞

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

والله بناتج قاصين عليج.

نسرين خانوم شعرها شطوله وأونها بردانة؟!!!!!



عموما إذا تبين بطانية كيوت مستعدة أدور لج وأنا أسعسع الحين.




قال بليا حاجة قال.

ما ادري اغراض المدارس والعيد منو بييبهم!!

__________________


اللهم طِيبَ الأثر .. وحُسْنَ الرحيل.

خخخخ
كانوا مروشينها يا مهرة
وتدرين تغدي كن أحد مصغرها بعصا سحرية، تكش.

مدارسكم بكرة وما بعد تقضيتي؟!
وش هالعبو؟!

لا تدورين لها بطانية
أبفتح لها باب الشارع في ليلة ما
بس عسى ما تصير مثل أفلام كرتون وأقوم الصبح ألقاها رجعت 😫

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

أخاف أقول لج شو كنا نسوي للقطاوة الشيرازيات تنقهرين زيادة.

الله يسلمج عقب ما نسبحها ننشف شعرها بالسشوار.
.
.
.
مخلصة أغراض المدارس الحمدلله .. بس كان باقي الجواتي الله يعزكم.

خذتهم من شوي وافتكيت.

__________________


اللهم طِيبَ الأثر .. وحُسْنَ الرحيل.

نرد على ميره ومريم نظراً لأننا دائماً نتصادم على اختلاف اللهجات
زي ما كتبتها نقولها في نجد
تسعسع يعني تلف وتدور وتدوج بليا حاجه

أما ما ذكرتن يا أخواتي الفاضلات ، جزاكن الله خيراً فهي وحتى في اللغة العربية يعني تفقد الأحوال والأوضاع للرعية في الليل عندما يسكن كل شيء
وكان مادة المطالعة " عندكم زي اللي كانت عندنا فعمر بن الخطاب اكتشف المرأة وبنتها يوم تبيها تغش اللبن وهو يعس الناس ليلاً
والأجمل أن العسة تعتبر مهنة في بعض المدن الصغيرة النجدية وما زالت موجودة
بحيث لما ينامون الناس يظل رجل الله يذكره بالخير كان تحت شباك المجلس من أفتح أشوفه
كل ليلة يجلس بصحن الوانيت ويتكي ويشغل الراديو وأطن إذا ماني غلطانه كان معاه سلاح!!
وكان منظره جميل وإذا شفته أرتاح كذا وأحس شغلته جميل
وإذا طلع الصبح توكل على الله
العسه غير الشرطة عندنا
العسه شي لحالهم
ودمتم سالمين 🌹

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

فانتي موجودة
هاه يا فانتي
مع إني ما أظنك لحقتي على زمن العسس

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.