الله يصبرنا على السنة هذه

عشان نشوف كيف نتائج قراراتك

__________________

اغبطج على طول بالج..
شلون تقدرين تتعاملين برسمية فترة طويلة جذي ما شاء الله

__________________

حاجة الناس إليكم من نعم الله عليكم ، فـ لا تملوا النِعم ☁✨

سلامة قلبك حبي مهرة عليكي العافية
ربي يسعدك دنيا وآخرة حبيبتي 🌷🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ام سلطان: بس ابغي اروح بروحي
بؤ سلطان: الشور مَش شورج وانتهى
ام سلطان لقته فالبيت ينتظرها ما قدرت ترده .. ركبت السيارة معاه احترام و تقدير و خذا مب لانه يستاهل .. لانها أخلاقها يا مبتعثه 🙅🏿


بوسلطان: و بعدين يا ام سلطان ليش كل هذا ..
ام سلطان: اتمتم شو اللي باقي شو أقول كالعاده بيبرر و بيجلب و بنتنهي رمسته وانا بنغص زياده ... فالافضل اطنش واسكت .. بؤ سلطان الله يخليك تأخرنا ..
بؤ سلطان: ع كيفج


ولو ام سلطان تغير الحوار : اسمعني يا فلان --> بدون بؤ سلطان -
بؤ عيالي و ريلي و سديتني ماديا و معنويا فتره ما .. بس مش عناد فيك او قصدي اغايضك بس فعلا هالعيشه ذبحتني و انته مش مطلوب منك شي .. لانه هذا قدرك اللي ما قدرت استوعبه ولا أقبله ..

تتنازل ام سلطان و تقوله : توقعتك تحبني و محبتك لي ما بتسبب لي هالالم --> مثل ما قلت لي لاخونا فالله .. صافيه بهالعلوم .. بدون دموع .. قوليله انا مابا منك اطلق غيري او تظلم عشاني.. مابا منك تتلصق فينا شراة ما تتحرى .. انا كم طلبه طلبتها منك و ما قدرتها ابسطها مسكتك ل فونك و اقواها الروج ف ملابسك .. انا أطلبك شوق وأنته تتحرطم عليه و تقول بسكم تلصيق... خلاص من قلبي بسنا تلصيق.. انا ما هقيت قدري ك حبيبه و زوجة و ام عيالك انه خاطريه ما يتدارى و لو بأبسط الامووووور ..



مهره شو رايج ف هالمحادثه و كالعاده بتقول مهره لا خلاص كم قلنا .. الهدف مب عشان يعتدل او يعدل .. لا يا مهره تبرين ذمتج لان فيه ناس بؤ فأهمه تستهبل او تكون مش مستوعبه...

__________________

بنشوف لين باجر بإذن الله يا ريم.

__________________


اللهم طِيبَ الأثر .. وحُسْنَ الرحيل.

السيناريو الجديد هو اللي بيحرك الوضع الراكد

اعصابي تلفت من الانتظار مهره شلون متحمله 😭

تسلمين لي يا ميموميا.

__________________


اللهم طِيبَ الأثر .. وحُسْنَ الرحيل.

اذا ودك تختصرين المسافه

روحي لطبيب وعالجي نفسك من البريستيج (كما اسميتيه) ومن الذكاء الزائد (كما اسميته انا)

قبل لايجي اليوم اللي عيالك يضطروا فيه يضعوا لك المهدئات او ( او غيرها) في الطعام من غير ماتدري!!!

__________________

..........
ليش؟ .. وين راح الكلام عن التابع والمتبوع؟!!

وإلا بس الزوجة هي اللي تابعة؟!!
.
.
.

سبحان الله!

كل هذا لأني لا أبكي؟!!

طيب أنا تكلمت وطلعت ما في قلبي .. وبكيت.

بكيت لما ترجيته ما يتزوج.

وبكيت وأنا أقول له أغار.

وبكيت وأنا أقول له بلاش موبايلك اللي طول الوقت في يدك.

وبكيت وأنا أكلمه عن الكلينكس الخايس اللي لقيته في سيارته.

وبكيت وأنا أقول له ما تخيلت إنك ممكن تحب حد غيري.

وبكيت وأنا أقول له إني مب قادرة أتحمل هالحياة.


غصبت نفسي أطلع اللي في قلبي .. واقول كلام عمري ما تخيلت إني أقوله.

ارتحت؟ .. لا.


لكن إنت عاد قاعد تحسبهم لي بالوحدة.

كم مرة تكلمتي؟ .. كم مرة بكيتي؟

خمس مرات؟! .. عشر مرات؟!

ما يكفي .. تكلمي بعد خمس وإلا عشر مرات يمكن تضبط معاج وزوجج يفهم .. ابكي بعد عشرين وإلا خمس وعشرين مرة يمكن الله يفتحها على زوجج ويحس.


طيب يا أخي .. وإذا ما فهم؟ .. وإذا ما حس؟!

عادي يا أم سلطان .. انتي امرأة .. أنثى .. ضعيفة .. ابكي عنده وقولي يا رب!


طيب يا أخي .. وإحساسي تجاه نفسي؟! .. نظرتي لنفسي؟!

أي إحساس وأي بطيخ الله يهديج .. قلنا لج انتي امرأة .. ابكي عنده لين تقولين بس!



يعني أتم طول العمر أتكلم وأبكي وأكب دموعي بين يدي زوجي .... وفي النهاية إما يفهم ويحس وإلا ؟! .... عادي أستمر في البكاء أمامه إلى الأبد .. تراني امرأة!


ولأنج يا أم سلطان تحترمين نفسج ومب حابة تهدرين دموعج أكثر من جذي .. فروحي عالجي نفسج عند طبيب نفسي عشان يرجّعج لوضعج الطبيعي .... امرأة مستعدة تبكي أمام زوجها طول العمر!

__________________


اللهم طِيبَ الأثر .. وحُسْنَ الرحيل.

مهرة .. بتدوري وظائف؟

فيه شعور أتمنى تجربيه !