المشاركة الأصلية كتبت بواسطة تحملتك كفاية

والله عالم الحريم انا ماعرفه ولاادري ان كله تخبيب بتخبيب

زوجتي بتتأدب ان شاء الله خصوصاً انها فقدت أشياء كثيره كانت موفره لها اول

وصديقتها عاد الله يتولاها والله حسيبها عندي شغل وماني فاضي لمرمطة المحاكم والشرطة

توها تكلمني واتس اب

وطلبت زود مصروف للعيال رفضت وقلت هذا يكفي واكثر من كافي

قالت بشتري لهم ملابس قلت انا اخذهم واشتري لهم اذا انتي بتشترين شئ عاجبك اشتريه انتي من جيبك

قالت اذا وصلت الخدامه عساها بتقعد معاك الحالها بالبيت قلت ابشرك بتنازل عنها وبيعطوني فوق الاستقدام 4 آلاف ريال وبحطها عند اهلي الى ما اخلص التنازل

قالت ابوي مايقدر يودي العيال كل يوم هذي مسؤوليتك ارسل السواق قلت ابشرك كلمت المدرسه ووافقوا يدخلونهم بحركة نقل الباصات لان فيه ولدين بنفس حي اهلك اصلا ما بقى الا شهر تقريباً ويعطلون تبين الباص يجي ياخذهم او تتكفلون فيهم تودونهم ؟؟؟ قالت لا خل الباص ياخذهم قلت اوكي

قالت واخرتها معك ؟ قلت ما ادري اسألي فلانه وش نسوي وننتظر تعليماتها الكريمه بهالخصوص

قالت الحمدلله والشكر مريض انت قلت الحمدلله مافيني الا العافيه اذا تبين شئ للعيال كلميني غير كذا لاتفتحين معي اي موضوع انتهى خلاص .

وخلي فلانه تنفعك ماردت بس قرأت الرساله

المشاركة الأصلية كتبت بواسطة متفائله200

انا معاك انك ترفع القضيه وتشرشح صديقتها وفجأه كذا بعد كم جلسه قول تنازلت عشان ماتنتهي القضيه في صالحها وتكون أخذت درس ...

السبب اني معاك ترفع القضيه...
1- عشان زوجتك ماتحس انه ماعندك سالفه بس تجعجع ع الفاضي خاصه بعد رسالتها( الحمدلله والشكر)

2- عشان صحبتها تنفضح عند زوجها المسكين الي شهرت فيه وخربت بيوت الناس ع حساب تشويه سمعته ....

المشاركة الأصلية كتبت بواسطة تحملتك كفاية

يا اخوان ويا اخوات هم مايدافعون عنها

هم بس خايفين ان هالفضيحه تكون سبب بطلاقها فانا ممكن احل المشكله مع زوجتي وبالمقابل اسبب انفصال اسره

بسبب المحاكم والفضايح انا فاهم على الاخوان والاخوات

عموماً انا غضيت طرف عن الموضوع الى ما اشوف وش بيصير

والله يا البيت كئيييييييييييييييييييييييييييييييييييييييييييييب بدون عيالي ما اسمع ركضهم ولا سوالفهم ونكتهم ماعاد فيه استقبال حار لارجعت للبيت يتطامرون عند الباب ويتهاوشون من يتكلم اول دايم يتكلمون سوا ويتهاوشون اسكت انت اسكت ههههههههههههههه احس بكتمه من البيت اغلب وقتي عند اهلي وارجع البيت انام وبس

الله يسهل الامور احس اني لو استمريت بهالشكل شهر بستسلم

المشاركة الأصلية كتبت بواسطة رجل طيب جدا

اذا استسلمت ما بتقوم لك قومـة وفزعـة ثانية ..

اصبر .. واعتبر نفسك مسافر في دورة ووو

فكرة ! ليش ما تسافر فعلا لوحدك او مع اصدقائك .. خذ اجازه واعملها وخلها تحس انك عايش حياتك بدونها .. يمكن تفيق من عنادها وتحس بقيمتك

المشاركة الأصلية كتبت بواسطة تحملتك كفاية

هههههههههههههههههه والله انهم كلموني البارحه يبون طلعه شبابيه للامارات

رحلات بر - وعالم فراري ووناسه الظاهر اني بسافر معاهم

رجل طيب جداً انت فعلا طيب جداً

اشكركم جميعاً على ردودكم اسأل الله لي ولكم التوفيق وأن يلم شملنا مع من نحب على ما نحب