كوكار حبيبتي بس أوضح لك قصدي بالتفصيل ...........ياستي أنا أقصد إن تحديد وقت للحمل في الدعاء كقول هذا الشهر ممكن يسبب توتر أيضا لما كل شويه نجلس ونقول هذا الشهر ماهو يوم التبويض وبكره التبويض كده يصير في توتر إنت نصدقوا إن إلي عندها هرمون الحليب مرتفع تتأخر في الحمل مع إنو إلي ترضع والهرمون في أعلى درجاته وما تجيها الدوره بسبب الرضاعه ممكن تحمل وكتيييييييييييييييير صار لهم كده يعني المسأله حساسه وفي ناس حملوا وهما عاملين جدول عزل يعتمد على تجنب أيام التبويض وحملو !!!!!!!! يعني المسأله حسااسه
لكن الجميل في الصفحه السؤال عن التحاليل والمؤازره الفوق رائعه وقت النتائج وقبلها والتشاور في طريقة وتوقيت اللأشعات والعمليات والتحاليل والمخاوف وكيف الوحده تعبر بحريه وأيضا لما الوحده تتعرض لموقف محرج ونفسها تقولو لأحد وتجي في الصفحه هنا تقولو وايضا لما تحس بخنفه تجي تتكلم هنا وتلاقي إلي ينفس عنها وهذي مهمه لأني لما كنت زيكو كده بالضبط مكنتش بلاقي حد يطبطب علي أو حتى يقولي انا كنت زيك وانا أعدت 3 سنين ولا حتى 4 ولا حتى يقولي انا بحس زيك.......أنا مره رحت للدكتوره وانا مخنوقه وكنت مكمله 3سنين وكأن الدنيا مطربقه فوق راسي من الهم والزن ودكتورتي كانت رائعه فحست فيني من نظرتي وسكوتي طبعا انا البكا كان بس تكه وانفجر فجلست تهدي علي بطريقه ذكيه وتقولي كيف إن ربنا يختبرني وليس يبتليني وإن عندها مريضات قصت علي كيف حملو وبعد 16 سنه ووحده بعد5 سنين وقتها حسيت بتنفيس وحمدت الله وجددت العزيمه على الصبر ونصيحه جديده لكل وحده في حالتنا وتقرأ كلامي إختاري الدكتوره الشاطره ولا تضيعي الوقت بين الدكاتره لو إضطريتي تغيري الطبيب صوري ملفك عند طبيبك القديم كامل لأن لما تروحي لطبيب جديد أوطبيبه يكون عارف فين وصلتو بالتحديد والتفصيل مو بالشرح مهم جدا يكون الطبيب نفسه يمشي معكي البروسيجر كامل وهو إلي يتابع الحاله والإستجابه لحد ما يصير عنده تصور كامل للحاله.........
(أستغفرالله العظيم واتوب إليه ...هذا قولي إن أصبت فمن الله وإن أخطأت فمن نفسي والشيطان)
الله مع الجميع
__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان
التعديل الأخير تم بواسطة زهور الدعاء ; 22-08-2007 الساعة 08:31 PM