حاولي تراضيه قبل ما تكبر المشكلة

الله يصلح الحال ويهدينا ويجمع شملنا

وش فيكم على الحرمه محد فهم المشكله غير ابو فراس وكلامه صح مليون بالمئه

انتم فاهمين انها راحت بيت اهلها زعلانه والسالفه موكذا

السالفه انه حصل مشكله بينها وبين زوجها عشان الدخان وبعد كم يوم راحت لبيت اهلها مثل العاده وهو الي قالها بوديك لبيت اهلك

وهو متعود يخليها تبات عند اهلها يعني مو اهي من نفسها باتت عندهم عشانها زعلانه هي تبات عند اهلها سواء زعلانه او راضيه يعني هو متعود

بس هو الي غلطان لانه تركها عند اهلها اكيد لانها فتحت مهاه موضوع التدخين يعني مايبيها تتدخل فيه وهذا غلط منه

وغلط لما خلها عند اهلها من دون مايسئل عنها ولا عن بنته والسبب مايستاهل لانها ماغلطت ولا راحت لبيت اهلها زعلانه هو الي رماها عند اهلها من دون مايسئل عنها

ولا حتى فكر يراضيها في العيد او على الاقل يعيد عليهم كبر السالفه وحتى اهله اكيد صار عندهم خبر انه زعلان عليها

ليه يكبر السالفه ويخلي الناس يحكون

وحتى لما طلبت اغراض من بيتها ارسل لها المفاتيح مع اخته يعني ماهمه ان زوجته ناقصها اغراض من البيت يعني ما حس ان الي سواه غلط

والله هو الغلطان اما اهي ماغلطت بالعكس هي المفروض تكلم امه وتقولها ان زوجتك عتبانه عليك وشلون راميها عند اهلها كل هالفتره ولا حتى تسئل عليهم

الله يهديه بس اسمعي لا تروحين من نفسك لبيتك لانك انتي ماطلعتي من هواكولا كنتي ناويه تزعلين هو الي رماك عند اهلك ولازم هو الي يراضيك ويجي ياخذك

الحين يا اخوي المتعلم هذا الي استفدته من العلم

يعني اهلي الي ربوني وصرفو دم قلبهم علي اخرتها اصير فدوه لزوجي واهلي لا

والله يا خوي الاب والام اولا وبعدين يجي الزوج

صح زوجي احبه وبحطه في عيوني بس ماراح يكون اغلى من اهلي

طاعة الزوج اعظم من الوالدين ..واسئلي فيها اهل العلم
زوجك جنتك ونارك ...

تسلمين يالعروس تصدقين عجزت وانا اتكلم كلهم فاهمين اني انا رحت اهلي زعلانة
شكرااااااااااااااااااااااااااااااااااااااااااااااا ااااااااااااا

تصدقي أختي مارحمت بالموضوع ألا أبو فراس النمري حرام عليك جاب لك كل الحلول
مافي حل ألا وجابه

ولا قبلتي بحل والحين تناديه وينك أبو فراس وش تبي من حل بعد ماخلصوا جميع الحلول عنده

__________________

ابو فراس ماقصر الله يجزاه خير
بس كان يوقف معي ويهون علي وفجأه مااسمع منه شيء

تدرين ليش ؟؟

لأني بصراحة استنفذت كل ماعندي من حلول وعندي احساس بأن هذا الموضوع به جوانب كثير غير واضحة ..

يعني بصراحة احس انك ماوضحتي الصورة لنا بشكل كبير بحيث نقدر نشير عليكي بالحلول الصحيحة ..

الصورة العامة لمشكلتك (في ذهني) كالتالي :

( متزوجة من سنتين ولديك طفلة عمرها 3 اشهر ..

بعد ولادتك للطفلة وخروجك من النفاس اكتشفت ان زوجك يدخن وكانت هذه صدمة بالنسبة لك ..

تحاورتما بهذه المشكلة فقال لك زوجك بأنه حر وبأنه سيدخن ومالك دخل بالموضوع ..

طلبتي من زوجك انك تروحين لبيت اهلك للاستجمام (يومين) ..

قام زوجك تركك ولا سأل فيكي حتى الآن والفترة شهر ونص ..يعني قبل رمضان الماضي ..

قال زوجك اذا بترجعي ارجعي بكيفك ..ولكن هو مارح يجي ياخذك ..

موقفك انه المفروض يجي ياخذك وماتبين ترجعين لوحدك علشان كرامتك ..

موقف اهلك انه ماكلمهم زوجك ومايبون يتدخلون حتى يبدأ هو بالكلام ..

موقف اهله مثل موقفه وان ابنهم على حق ..)

انـــــــــــتــــــــــهـــــــى

------------------------------------------------------------

هناك عدة نقاط بالمشكلة ماتدخل العقل ...مثلاً

1) متزوجة من رجل مدخن من سنتين ..طيب هو يدخن من سنتين ومافيه ريحة دخان ابداً ولا شميتيها في فمه او اثار التدخين على شفايفه واسنانه ؟؟
ولو افترضنا انه انسان حريص على اخفاء هذا الامر طول سنتين ..ليش الآن بالذات حب يكشف نفسه لك ؟؟

ولو افترضنا انك انتي اللي كشفتيه ..معقول بيدخن طول العمر معاكي وانتي ماتدرين ؟؟

يااختي التدخين شيء واضح جداً ومايقدر احد يخفيه فترة طويلة ..

ولو افترضنا ان هذا كله صحيح فهذا يعطيني انطباع معين عن زوجك انه رجل جبان ويخاف منك ..او انك انتي صاحبة مشاكل وهو يحبك وماوده يثير غضبك ..او انه وده يبطل التدخين في اي وقت لكن ماوده انك تدرين بهذا لذلك يخفي عنك الامر ..وهذا دليل كبير على عدم الصراحة بينكم ...

نقطة ثانية ماتدخل العقل
2) معقول ان زوجك يتركك ببيت اهلك وطناااااااش انتي وبنته اللي عمرها شهر ونصف فقط دون سبب قوي وقوي وقوي جداً ؟؟؟

تقولين انه يحبك وانتي بعد تحبيه ..طيب ليش الحقد هذا كله من طرفه ؟؟

انا اقولك .. وهذا تحليل لااكثر ..

طبعاً انتي وياه تحاورتم بخصوص مشكلة التدخين وظهرت عبارات وكلمات وتصرفات وامور ماذكرتيها بالمشكلة فيها الكثير من التجريح والتلميح والاهانات منك له ومنه لك ..

وكانت المشكلة الاصلية التدخين ابسط بكثير من الكلام الذي قيل وقتها ..وهذا سبب المشكلة الحقيقية بنظري ...طريقة الحوار بينكما ..
وانا حاسس انه مافي تفاهم بينكم ...ولكن فيه حب ..بس عادي ..كثير من البيوت كذا !!!

3) هذي النقطة تحيرني كثير ...وهي شخصية زوجك !!!!

من كلامك عنه اخذت الانطباع التالي :

( انسان مايواجه وجبان بدليل اخفائه التدخين سنتين كاملة ...
وعلى النقيض نجد انه انسان قوي الشخصية ومايبي نقاش بموضوع التدخين !!!! )

(انسان مرن وقد ترك لك مفاتيح البيت لتأخذي اغراضك وقتما تشائين ...

على النقيض هو انسان قاسي ولايوجد بقلبه رحمة بدليل ان لديه زوجة يحبها وقد خرجت من النفاس ولايهمه ابداً شوقه اليها ولا يهمه طفلته (اول طفل له بالحياة) ولم يراها من شهر ونصف ولايهمه موسم مغفرة ورحمة مثل رمضان لتعود المياه لمجاريها ولايهمه عيد ولا فرحة اعياد ولا يهمه ان يرسل لكما كسوتكما او حتى مصروف الطفلة على الاقل !!!!!!!!! )

معقول ؟؟؟؟

4) ايضاً هذه النقطة محتاااار جداً منها ...وهي موقف عائلتكما من الموضوع ...

هل من المعقول ان تمر مواسم خير وفرح بين عائلته وعائلتك ولايكون هناك تواصل بسبب مشكلة التدخين هذه ؟؟؟؟

الا يوجد عقلاء في العائلتين ليمدو جسر الصلح ووضع حد لهذه المشكلة ؟؟؟

اذن المشكلة اكبر من مجرد تدخين ؟؟؟

---------------------------------------------------------------

ولاحظت اثناء ردودك انها مقتضبة ومحدودة وتدل على عدم اكتراث وبها الكثير من الغموض ...

بل انني احسست بأنك مرتاحة لهذا الموقف الذي انتي فيه وتريدين ان تجمعي التأيد بتحويل الموقف لصالحك بإخفاء الحقائق وكأنك بذلك تريدين طمأنة نفسك بأنك على حق ..

وعندما طلبت منك ان تطنشي فرحت لهذا جداً ...وكأني بك تجدين غايتك اخيراً ..!!!

اطالبك يااختي الكريمة بتوضيح مشكلتك وموقفك من الموضوع حتى لاتصبح عدد الصفحات لهذه المشكلة عشرات العشرات على غير فائدة ترتجى ..الا تريدين المساعدة حقاً ام هي مجرد فضفضة؟؟

وشكرا

كلام صحيح 100%: