و انا بعد فكرت في هاي النقطة.... طيب تقدر تساعدني بطريقة حلوة اتناقش معاه؟؟

ممكن اطلب من الادارة غلق الموضوع

اشوفه اكتفى بالردود....ولان الموضوع اتغيير شوي .... بفتح موضوع جديد ان شاء الله ...

ممكن ترسلي له رسالة تذكره بوقت الصلاة..ممكن تفاجئيه الا وانتي امام بيته

وتقولي له ودي اصلي معاك جماعة..

ممكن في ليلة تجهزي عشا ورومانسية وسجادتين عندما ينتصف الليل وتدعيه

لان تناجو الحبيب..

عزيزتي لاتتخوفي والحمدلله عدلتي عن فكرتك واقدر غيرتك لكن غيرة النساء

احيانا تكون قاتلة لذا انتبهي لنفسك وخففي من غيرتك حتى لايحس

زوجك انه محاصر

ربي يسعدكم وييسر اموركم

أختك

حائزة

__________________

لا تعب لا شي الله يسلمج ..
يعني لا تحاتين اذا كانت هذي مطالبج .. لا سجن ولا شي ..السجن يكون لما تحنين عليه او تقعدين على راسه وما اظنج بتسوين جي . نفس ما امي كانت تسوي( طفشت اخواني )
بقولج اشياء يمكن جربتيها وتعرفيها ويمكن ما طبقتيها كلها
اول شي ، العمل ما يجي الا بعد ايمان في مبادئ لو ثبتت في راسه اتوقع من نفسه بيتصرف . مثل مبدأ انه الحياه فانيه وانه الواحد ممكن يموت في اي لحظه ، هالشي توصلينه له اذا بينتي له سوء الخاتمه وحسن لخاتمه ..في مواضيع وايد بالنت وفلاشات مؤثرة
تخلينه يقرى او يسمع عن المواضيع الدينيه الشيقه اما قصص المسلمين او الانبياء او عن علامات الساعه اللي ظهرت واللي قاعده تظهر ..( يعني ما يحس انه درس ديني بس في نفس الوقت تتاثر نفسه )
تخلينه يقرى او يسمع عن فضل كل صلاه من الصلوات ..ولما تحين الصلاه اتذكرينه في فضل الصلاه اللي بيصليها ..نفس الشي ترهبينه من تركها وتذكرينها بعقوبتها سواء عقوبه تاخيرها او ترك ..
اما عن الكذب بصراحه هاي صدق يبيله طوله بال لانه شائع بين الناس ومتعودين عليه ، بيني له فضل الصدق ، وانه طريق احسن من الكذب
خل تكون عنده ثقه في انها هالشي خير حتى لو حس انه بينضر
بس دايما قولي لي اذا مايبي يفشي عن شي خل يمتنع عن الاجابه او يغير الموضوع او يجاوب عن شي ثاني (بعض الناس يحرجون بالاسئله وسعات ما نبي نعطيهم المعلومه لكن ننضطر )
شي حلو لو قدرتوا تروحون العمره (ما اقصد شهر العسل ) بس بعد الزواج بفتره ، وممكن تستغلين الطريق في تشغيل الأشرطه الشيقه .. كثير من الناس تلتزم بعد ما تعتمر او تحج ويمكن من بعدها يحافظ على الصلاه اول باول ومن نفسه ..
والله ييسر لكم انشالله ..

تم إغلاق الموضوع بناءً على طلب الأخت الكريمة صاحبة الموضوع ...

شكراً ؛؛؛

__________________
... ( بالحب نعيش أجمل حياة ) ...