المشاركة الأصلية كتبت بواسطة انفاس العطور

المشاركة الأصلية كتبت بواسطة انفاس العطور

المشاركة الأصلية كتبت بواسطة منوووووور

المشاركة الأصلية كتبت بواسطة ولهااان

ايام المتوسط كان جنبي واحد دافووووووور ... كل سؤال يسأله المدرس يرفع يده عشان يجاوب ويقومه الاستاذ ويعطي الجواب المهم اول مره ثاني مره كثرها هو وانا ضاقت فيني الوسيعه اخاف يقومني وانا موفاهم شي وانفضح المهم هذا صار علي عقوبه كل سؤال رافع يده ومجاوب وقلت له خلاص يا بن الحلال يكفي درينا انك ماشاء الله عليك الا اذا ودك تنكبني هذا شي ثاني وبعدين يا خي عط غيرك فرصه يجاوبون قال يا خي محد يرفع يده قلت الله يعدي اليوم هذا على خير فضحتني وحرجت علي :14:
المهم انا كل مارفع يده اضغط نفسي على تحت وامد رجولي قدام لحد مايصير راسي على رقبة الكرسي عشان ماابين وينتبه لي
مل الاستاذ من وضع الفصل المزري اللي مايجاوب فيه الا واحد وبدا المدرس يهزأ بالفصل ... انتوا بقم ما بتفهموش انتم مش وش مدارس بصوا مفيش الا واحد هوا اللي يقاوب ويتكلم ويناظر لي شوفوا مافيش الا محمد هوا اللي يقاوب وياريت العلم يتنئل بالعدوى كان أعدا (( بغيت اكتب اسمي )) ... كان انتئلت العدوى لولهااان .... وشوي ويسأل سؤال ويقول بسرعه أوم أوئف وقاوب يا ولهااان ... رديت لا شعورياً على طول ماذاكرت يا استاذ قال اللي بسأل عنه هو درس اليوم المهم حقدت على اللي جنبي وأنا واقف شفت دبوس جنب كرسي اللي قدامي المهم سحبته وقلت دواك عندي ... وقام كالعادة وعلى طول احط الدبوس على الكرسي وراسه لفوق
وجلس وانتظره يصير فيه شي ماصار المهم قام وجاوب اطل والا الدبوس يلمع لازق فيه ... ويجلس ولا صار شي بديت ادفه يمين يسار قرب ناظر ... والا اللي ورانا يقولون لك تقدم شوي مو شايفين السبوره شوي والا كأن بجنبي زلزال هههههههه قربعة كرسي على طواله وكل شي صار بسرعه وأطل فيه الا هو مزحلق وداخل تحت كرسي اللي قدامه ويصارخ وصار الوضع حوسه انا هنا انفجرت ضحك ماقدرت اسكت ووقفني بالفصل وانا بس اضحك ويسأل المدرس ولا عاد يرفع يده صاحبنا بلش بعمره ...
المهم من بكره بالطابور اكلت جلد سنه بيوم .

المشاركة الأصلية كتبت بواسطة ولهااان

تذكرت موقف اول واجب اخذته بأولى ابتدائي وبحكم اني اكبر اخواني يعني على قولتهم اعتماد ذاتي المهم مستانس بأول واجب ابغى أحله كأني محضر دكتوراه على غفلة وأطلع الكتاب واحطه على الأرض وأطلع الكتاب اللي بننقل من الجمله ونكتبها 5 مرات المهم وأنام على بطني وارفع رجولي واشبكهم ببعضهم وقمت أكتب ( طبعاً الحركة هذي كنت اتوقع ان اللي يبي يحل الواجب لازم يسويها لأني كنت اشوف بنت جيراننا كانت تحل واجبتها كذا وبحكم انها بثاني وانا لسا بأولى قلت اكيد هي اعرف وصرت احل الواجب كذا ) المهم انا فتحت الكتاب بالمقلوب وقعدت اكتب الزبده خلصت الواجب بكره جانا الاستاذ ومر على اللي قبلي وقاعد يمدح فيهم ويعطي كل واحد مصاصه وأنا اقول ياربي متى يوصلني عشان يمدحني مثلهم يوم وصلني مسك الدفتر وبدا يفرفره يمين يسار ويقلب الا يوم صار كنه خط من خطوط الفراعنه وانا اطل في وجهه ياربي طول مامدح ويوم طليت والا اثاريه واضح كاتم ضحكه قلت له ببراءه ليه ماقلت لي مثلهم عاد هنا وهو ينفجر ضحك والفصل يضحكو وقال يا ..... انت ناقل من الكتاب بالمقلوب وهم مايعرفوا شي انا قمت وجري للباب قلت والله لا اعلم ابوي عليك مسكني قبل اطلع ويضمني ويعطيني المصاصات اللي معه كلهم انا نثرتهم بالفصل قلت ما ابي لك شي وابوي غير اعلمه انك تضحك العيال علي قال لا خلاص قلت تبيني ما اعلمه قال ايه قلت يله حل لي الواجب
كنت شايل هم يتراكم واجب امس وواجب اليوم ... وبعدها رجعت للتبطح بس ما أحل أي واجب الا انا متأكد ان الكتاب مش مقلوب وكنت ما اعرف الا عن طريق الصور
الله يرحمك يا استاذ احمد جلس يذكرني فيها لين الثانوي

المشاركة الأصلية كتبت بواسطة (أم جمانة)

المشاركة الأصلية كتبت بواسطة متفائلهـ

ذكرياتكم ممتعه جداً

من يذكر اخبار اول ،،



وفلم كرتون نسيت اسمه ،،



ههههههههه ولهاان اجراام بحق هاذا وانت متوسط ،،

اطياف الحشره اللي حطيتيها اللي اسمها حلبوب هاذي العام كنا متأذين منه في ابها والجبل الاخضر بالتحديد شغالة اختي كانت تقولنا ان هالحشره لامسكت رقبة الانسان تلتف حولها لحد ماتنشر السم في جسمه وعقبه يموت سوتلنا فلم رعب ذاك اليوم وقمنا من محلنا وطلع ماعندها سالفه بحثت عنها بالمعلومات اللي اعرف بس ماحصلت ولقيتها هسه سلمت يمنااك خيتنا الغاليه ،،

دانتيل مبروووك والله يتمم عليك يارب بكرا دوري ربي ييسر