البيت اللي ذكرته في ردي السابق ينطبق تمام التطبيق على زوجتك
انت احسنت اليها واكرمتها ماديا ومعنويا وماذا جنيت؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟انت اجب بينك وبين نفسك
وانظر هل اكثر ماقدمت لك هي السعاده ام البؤس والحزن
واوزن بينها
واسال نفسك هل هذه المره ان عادت الي سيعود كل شئ
مثل زمان يعني حب ووفاق وسلام
ولا المشاكل راح تلاحقك على طول الدرب
اخي الفاضل
البنات الصالحات كثر
وارى فكرة الانفصال افضل لك بكثييييييرمن ان ترجعها
هناك
كتاب الفه ابو موسى اللديني اسمه ((تضييع العمر في اصطناع المعروف الى اللئام))
اقرا هالكتاب
وصدقني صفات زوجتك راح تلقاها فيه بالتاكيد
وكلمة الوالد حطها فوق راسك
نصيحه ياخي الفاضل
ان اراد الله ورجعتم لبعض
غير سياسة اللين والمراضاه
(لاتكن لينا فتعصر ولاقاسيا فتكسر)
موفق ان شاء الله

__________________
اللهم صلي على نبينا محمد وعلى اله وصحبه اجمعين

دمت بود

يقلك شافها الفجر في المجلس تكلم جوال بصوت منخفض....ومع ذلك تركها وراح تام...
وغير كذا يلقاها ماسحه السجل والرسايل...ولقي شريحه مطلعتها من وراه....قام سالها ومن حقه يسال
تقوم تقله عين وحسد الله يهديك بس...الحين وش دخل العين في حركاتها حقت المراهقين

ولاتستغرب من ردة فعلها ترى كثير زيها واسؤا...لي قريبه راحت بيت اهلها زعلانه وطلبت الطلاق وراكبه راسها يطلق غصب عنه عارف ليش؟؟؟

لان زوجها رجع من العمل قبل موعده لانه كان تعبان شوي دخل البيت مالقا زوجته..اتصل على جوالها وينك يافلانه؟؟؟فالت نايمه قال وين نايمه قالت في غرفة النوم(على بالها زوجها في العمل)قالها انا الحين في غرفة النوم وانتي مو موجوده في البيت...قامت الزوجه قفلت فيه وجهه وراحت بيت اهلها زعلانه...ليش زعلانه الله اعلم..بس على قولت المثل(ضربني وبكى وسبقني واشتكى)
هي تقول انها طلعت مع صديقاتها(الله اعلم)هي صادقه ولا لا..وهو والله انه مسامحها ومايبي يطلق خصوصا انه بينهم بنت والمشكله اهلها قالوا مالنا دخل ..بس هي راكبه راسها..والان تطلقوا..لهم سنه
يعني بعض الحريم عليهم عقول استغفر الله العظيم..تتصرف.وكأن العريس الثاني واقف على الباب يستناها تطلق عشان يتزوجها...
وانا افسر تصرفات الزوجات هذي بان احتمال كبير تكون لها علاقه مع واحد والعياذ بلله ومعشمها ان يتزوجها بعد طلاقها..طبعا بعد ماسحبها وخلاها تحبه اكيد راح يعميها عن الطريق الصح..ولا مو معقول وحده زوجها مرفهها اذا غلطت وجا يحاسبها تزعل وتروح بيت اهلها..

والسبب الاول والاخير..من الاهل المفروض مايستقبلوا البنت زعلانه من زوجهاالا اذا كان زوجها مجرم او مدمن مخدرات وممكن يضرها في اي شي

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

شوفي اختي الكريمة الاهل شكوا ان الموضوع كذا بس انا اعرف زوجتي مو صاحبة لف ودوران ولو كان هذا الشئ لا سمح الله كان ما تمسكت بشدة في الأطفال يعني لو تزوجت على طول الاولاد عندي انا لما كلمتها سألتها بصراحة قلت ترا لو بتتزوجين انا بآخذ الاولاد قالت انا ما راح اتزوج انا ابغى اعيش مرتاحة مع اولادي في بيت الوالد من غير مشاكل معاك ومع أهلك هل هذا تفكير وهل هذي طريقة لحل المشاكل الله أعلم

طبعا واضح ان موقفها موقف انسانة بايعة على قولتك لكن ما كان كذا لما طلعت من البيت عموما من باعنا بعناه كل حرصي على الاطفال بالنسبة للنقاط اللي ذكرتها :
1- ما حصل اي خيانة ولله الحمد0
2- هي تطلب مني ان اتغير وتتغير طباعي أسالها وين الغلط في طبيعتي فتذكر اسباب ضعيفة : انت غير اجتماعي انت مالك اصدقاء وما تحتك بأقاربك انا انسان مشغول ووقتي محدود واحاول اكون اجتماعي على حسب الوقت المتاح عندي والله يا اخي الكريم بأكون صريح معاك يمكن تلمح للنواحي الخاصة بين الزوجين حسستني برضاها عن الموضوع اكثر من مرة وما سبق اشتكت ويمكن انا المظلوم في هذي النقطة مع اني ما احب اتكلم عنها يعني تخيل تسهر مع اطفالها الى الفجر ما تراعي ان عندها زوج نايم لوحده بالغرفة بس خليها على ربك0
3- بالنسبة للعين والحسد هي واهلها يدعون ان عندها نظرة واحضروا شيخ ليقرأ عليها وكلمت الشيخ شخصيا وذكر لي ان عندها نظرة قديمة واستمرت تتعالج لمدة شهر وبعد خروجها لأهلها بعد المشكلة جاءتني فاتورة جوالها ووجدت في الفاتورة اتصالات من جوالها على رقم الشيخ ورسائل نصية ورسائل وسائط واتصلت على الشيخ استفسر منه عن هذه الرسائل فأنكر معرفته وقال لم يصلني اي رسالة والله شي يجنن سألته عن حالتها قال تحسنت المهم تواصلها مع الشيخ اقلقني مع اني حسيت انه شخص محترم لكن توصل لهذا الحد والله المفروض انا اللي ازعل مو هي0

في الفترة الأخيرة وقبل المشكلة بأسبوع طلبت ان تذهب للسوق لشراء ملابس للأطفال مع دخول الشتاء فأعطيتها 1500 ريال قالت ما تكفي قلت والله هذا اللي عندي قالت لي وش يعني ابيع من ذهبي قلت لها بكيفك قامت واخذت من ذهبها وطول الطريق وهي تبكي قلت وش فيك تبكين قالت طفشانة قلت لها اذا كان علشان الذهب خلاص لا تبعينه وراح ازودك 1000 ريال زيادة قالت ما ينفع هذا الكلام انت بينت نيتك وانت عينك على ذهبي وووو000) وبسبب الكلام هذا صارت المشكلة الأخيرة

يا أخي
لقد صدق الأعضاء والعضوات في نصحهم.
كلما كتبت لنا موقفاً جديداً فإنه يؤكد على أقوالنا السابقة.
:::
أنت تحتاج للحزم في حياتك الزوجية سواءً معها أو مع غيرها.
:::
في الواقع أنا أميل لآراء والدك منذ البداية.

عذرا اخي الكريم انا الان اجاهد اكي لا اخسر زوجتي وأولادي وفي وضع نفسي سئ للغاية لا اعرف طعم النوم والراحة اصبحت لا انام الا 3 ساعات في اليوم من التفكير والقلق عملي تأثر ودراستي تأثرت ومعنوياتي في الحضيض لا يسليني الا وجود الاطفال فما بالك اذا وديتهم لامهم ادري بتقول لازم تكون صلب وقوي لكن فى الاخير انا بشر بالأمس فكرت اتصل عليها واحاول اتفاهم معاها لكن الوالد حذرني قال مو من صالحك لكن انا اعرف هذي الانسانة ما تجي بالشدة يمكن تجي بالكلمة الحلوة ارجو اخي البليغ الا تعتب علي تخيل تكون زوجتك واولادك هم محور حياتك وفي لحظة يضيع منك كل شئ لا حول ولا قوة الا بالله0

موقفك بالفعل صعب وهو نتيجة لعدم توفيقك في اختيار الزوجه الاصلح لك وكذلك اهلها ، وبنفس الوقت ليس من السهولة على اي شخص ان يخسر اسرته واولاده بغمضة عين خاصة انهم كل حياته

استمر في المفاوضات ، وان شاء الله تحصل على حل يرضي الطرفين

لو بس تسمع كلام الوالد بتنحل أمورك

يبي لك تقوي قلبك