اخوي انا اقف قليلا عند كلامك انه يقولون انه يتصل وماترد عليه وانا مادقيت

بالله كيف تبي قلب زوجتك يحن عليك ويلين وانت مسوي لها حظر ابسط شي الواتس ومسوي لها حظر
حتى مكالمه ماكلمت والله ماالومها يقسى قلبها

للاسف افعالك تجرح على رغم انك شارريهم وتبيهم بس مابينت لها

ماعليك من امها واختها انت كل كلامك امها واختها ويبون فلوس ويبون

انت كلم زوجتك اختصر الموضوع كلمها ولا ترسل احد صراحه مانعرف صدق الناس من كذبهم

لذلك اسرتك مازالت بين يديك وان اردت ضياعها استمر في ارخاء اذنك للجميع

وان اردتها فعلا تتحاور شخصيا مع زوجتك

وعلى فكره تقدر تطلبها بيت الطاعه لو تبي

المشكله الكثير يعارضني اني اتصل عليهم
او اكلمهم واتس اب يقولون تكذب عليك بعد من جديد وانت ناقص
اخر ضهور 11 بالليل
وصادقه مانعرف صدق الناس من كذبها وعارف ان كل الكلام اهلها اللي يقولونه من عندهم
ولكن هي ماتملك الجراءه انها تتكلم معي من وراهم
وراح اجرب معاها الليله اول ماشوفها متصله واللي خلاني مااكلمها في زعلها الاول كنت اكلمها وماترد
وتعبت نفسيتي ع الفاضي مابي اجيب جرح جديد لنفسي
واللي مستغربه ماعطتني حظر لحد الان
عارف ياملكه اني اقدر اطلبها بيت الطاعه ولكن مخلي هالامور بالاخير
اهلها يحسبون عقلي بمخباتي مسوين فاهمين
معي قروب بالواتس اغلبه قانونيين ولكن ماستشرت احد فيهم

اخوي بسالك كل هالمولات والكلام وانت حتى ماجربت تكلمها او تراسلها

كنت اقوله لك في حلقه مفقوده والكل اندفع برايه

لاتجي مره تسالنا وش سويت الا بعد ماتكلمها وتراسلها

انت ماسويت شي اساسا انا اشوفك انك ماحاولت تسوي لها اي شي ولا حدث منك اي مبادرات في الاصلاح

اذا الواتس حظر والمكالمات لا اجل شلون تبيها ترجع لك

تدق وتقول خلاص تعال خذني ولو هي بعد عندها كرامه واهلها فيهم الجرح على بنتهم

شلون زوجها ومايدق عليها والله لو ايش اكيد بيزعلون

اجل ترميها ولا تسال ولا تراسل ولا تتصل
انت ماعليك من الماضي والجرح الي تقوله هذا كلام للحريم

انت بادر واسال اظهر رجولتك وانك تتكلم من راسك ولا احد يتكلم عنك

صراحه جدا زعلت عليها هي مسكينه اكيد تنتظر منك ولا كان اعطتك حظر والله فيها خيير

طبيعي ردة فعلهم اجل وش عرفهم انك تبيها لا كلمت ولا سالت

شاطر بس ترسل عليهم وكانهم اي شي عندك ولا لهم اي مكانه

معليش كلامي قاسي بس لمصلحتك

صلح خطائك

ولا ترسل احد عليهم

والله لو انك تتصل وتراسل لها كان هي الان ببيتك

اجل فيه وحده تبي الطلاق الا بسبب 8 شهور ولاتسال عنهم شخصيا

لاتقول ارسلت ماينفع ارسلت وقلت

انت الي كلمها يمكن هي ماحطت شروط يمكن كذب بكذب

لاتقول الكثير عارضني اني اكلمهم

اخوي انت الي بالمشكله ولا هم ؟؟

كيف تنحل الامور الا تكلمها وتراسلها ؟؟؟

انت مشكلتك اذنك للناس

والله زعلت وانفعلت الحل بسيط وبين يديك وانت الي طنشت الين كبر الموضوع

حتى لو تغلت الحين معاها حق انت 8 شهور وانت ماكلمتها شخصيا

الحين كلمها وحاول بكل الطرق وترجاها بتتعب شوي لانك مافكرت باسهل حل

ونصيحه خل اختك ترتاح من حكاية خطبتك الثانيه بيوصل لزوجتك وتزعل اكثر

بتقول مطنشني ولا ارسل ولا كلم ولا اخذ بخاطري

ويروح يخطب !!!!!!

الله يرضى عليك تحرك انت بنفسك

عمق الألم يحولك أحيانا إلى شخص يتصرف ضد مصلحته.ما كنت سااحمل كل هذا الغدر لو أن أحدا ما لم يعشمنا ببقائه ما كانت قلوبنا ستحمل كل هذا الغبن لو أن أحدا ما لم ينكث عهوده أي قلب يمكنه أن يسامح وهو يحمل بداخله كل هذه الأذيه ..!! إني بسببك بلا سبب آخر حزين ومرهق وتعيس أشعر بما لاينبغي أن أشعر به أنام دون راحة أضحك دون شعوري بالسعادة إن الحياة لاتتدفق بداخلي

كلمتها واتس اب اول المشكله وكلام تودد ولاردت
وجيت لاابوها خمس مرات ومالقيت عنده حل
الليله اتكلم معها ع الواتس عسى الله ان يفرجها
واذا ماردت الله يعيننا من جديد نتحمل الشكوى لله
مع اني من الان كاني اشوف اهلها متجمعين على الجوال ويطالعون المحادثه

اللهم امين يارب
دعواتك
وباذن الله نجرب هالحل الليله

كلام ملكة صحيح ،،
ربي يفرج همك ،،
واتوقع مليون بالميه ان زوجتك تعانى اضعاف معاناتك
يكفي انها ماحطرتك بعد ماحظرتها
ترجي منك للحين ماقطعت حبل الوصل !!

كلمها هي براسها كم مره ،، اكيد راح تتغلى عليك
كلمها كم مره ،،
حتى تثبت لها انك شاريها

ولا تقول ارجعي والا اتزوج !! اسلوب التهديد جداً مقيت ويدمر مابقي في قلبها لك ،

اسأل الله العظيم رب العرش العظيم ان يلين قلبك ويصلح حالكم
ويارب تبشرنا بلم شمل اسرتك
انا أتوسم فيك الخير
بس اسلوبك جاف وقاسي
غيّر اسلوبك خله مثل قلبك
حاول مره اخيره حتى لو اطلعوا عليها كلهم ماعليك
عشان بكرا ماتندم على قرارك حاول حاول لآخر لحظه
عشان ماتلوم نفسك بكرا لضياع اولادك واسرتك ،،
وتذكر ان الله وضع القوامه والطلاق بيد الرجل لأنه يرجح كفة العقل
ولكن المرأه ترجح كفة العاطفه اكثر وقرارتها غالباً تتبع عاطفتها -وهذه ميزه فيها لعلمك -
لذلك ادخل لها من باب العاطفه وخلك حنون ورومانسي واثبت لها انك شاريها هي ثم اولادها ،،
ربي يصلح احوالكم ،،

__________________
nh

اخوي نصيحة : صل ركعتين وادع بدعاء الاستخارة والله سبحانه راح يقدر لك الخير حيث كان ،،

__________________
nh