]عندي لك أمانة أخي الكريم من احد العضوات التي أرسلت لي ايميل تقول لي فيه [/COLOR]
ممكن اطلب منك طلب اذا تقدري توصلي كلامي لموضوع بالمنتدى اسمه " زوجتي وتصرفاتها الغريبة التي لاتفسير لها "
لأني حاولت ادخل بأسمي مادخل معاي وباسوورد الإيميل اللي مسجلة فيه ماذكره والله

وهذا نص ما تود الأخت نقله اليك لعله يفيدك من شخص م بنفس التجربة


"" آسفه بس بقولك شيء موضوعك و مشكلتك استفزتني وما قدرت ما ارد لأني أشوف نفسي بزوجتك
انا وزوجتك نتشابه بحاجات كثييرة وانت تشبه شخصية زوجي زمان
انا من عائلة كبيرة وامي جابتني على كبر ماكان فيه تواصل بيني وبين اخواني واخواتي كثير
صح كنت اجتماعية بس غالبا كنت امثل لأني اشوف الناس مايحبون الواحد التلقائي والعفوي
أشوف نفسي مع الناس البسطاء احب اسولف مع الأطفال والخدم وارتاح لهم مره
تزوجت زوجي اللي هو ولد خالتي غصب وبعد مشكلة معه
كنت اكرهه ولا اشوف نفسي بالزواج اصلا لأن عندي حياة فيها ككل شيء وهالحياة بغرفتي وكمان أحب الرسم
وعندي جزء من الغرفة فيه مرسم لي
تزوجته غصب وكنت ناويتها حرب بس من دخلت البيت خفت وسكت وماكنت اتككلم ابداً واذا تكلمت اقوله كم كلمة استفزاز له
حاول يجامعني بس كنت ارفضه وابكي واتضارب معه وماكان بيننا اتصال حتى كنت انام بطرف السرير ابعد عنه بس
صح هو كان طيب معاي بالبداية وانا كنت رافضته وماتكلم معااه ابدا حتى ما اطططلب منه شيء لأني استحي اطلب بس بالأخير طفش وصار يستفزني بالكلام مره
وقالي نفس اللي انت قلته لزوجتك قالي لو ماخذ بنت خالي اصرف لي وكان يقولي ابو فلان الفلاني يبيني لبنته
وانا كنت اقووله بالعااافية عليهم ترى والله مايههمني واحس انه احس لي كمان
بعدها تغغغير زوجي مررره صار حنوون بشكل مو طبيعي وتغيرت معاملته لي
صار يمزح معاي اكثر ماصار يصرخ علي ولا يستفزني
حسيت انه زي صديق لي اككثر من انه زوج وحبيته كذا
كان رافض يجيب لي مرسم ارسم فيه بس جابه لي بالاخير وجاب لي اشياء كثييرة غير العطر او الذهب او هذي الاشياء
ترى احنا اللي زيي وزي زوجتك الاشياء البيسيطة اللي انت تسويها لها بححب تأثر فينا وتبسطنا اكثر
حاول يدخل عالمي وصرت اسولف معااه واخذ واعطي وكنت مبسوططة بهالشيء
وبديت اقرب منه عادي بدون خوف زي اول وعادي امزح معه واضحك
وصار يقولي اسرار له واسرار بشغله واشياء يحلم فيها وصرت انا اقول له بعد
كككل هالتغير لأنه ماعاملني على أنه زوجي عاملني كصديق وخلاني ارتاح له اول
صح كان يقرب مني بحاجات بس مو جماع واهم شيء مايقرب مني بالسرير يقرب بالصالة او المجلس او حتى المطبخ
وانت تقول انها بالسرير تطالعني خخخلها تطاالعك انا كنت لما احس انه مشغول بشيء اجلس اتأمل فيه وبملامحه
واقول بخاطري توني انتبه انه مملوح ولا احاول استوعب انه هذا الشخص زووجي
وبعدها صاار يرخي اذنه لفلان وعلان وتغير علي كثير يقولي لييه انا متزوجك عشان اييش انا ابي عيال وابي وابي
عشانه صار يسمع لناس ماوراهم إلا الأذية رجعنا زي اول ماعاد فيه تواصل وكررهته

هالكلام والتغيرات ككلها صارت من بداية زواجي ب2011 إلى وقت قريت وكنت تقريبا بعمر زوجتك

والحين بفضل ربي ثم زوجي تغيرت عن اول وصرت كمان اغار
حتى الحين تذكرت احاسبه على كلامه عن بنت خالي و اللي يجون يبونه لبنتاهم :P
والله لو تقرى محادثاتي معاه بالواتس اب وتشوف كلامي معاه قبل وبعد بيصدع راسك من التغير


يوم زواجي كان يوم سيء لي وله واتفقنا اننا نعيده بطريقة مضبوطة برابع يوم من عيد الفطر

الموضوع يبيله مجرد صبر وراحة باال
ومتأكدة زوجتك بعد ماتتغير بتندم وتعيشك أمير بالبيت
بس خف عليها امانه""

^^ هذا هو الكلام واتمنى يوصله اليووم قبل بككره لأني حزنت عليها


واللي يقول لك أخي الكريم أنه تزوج بأخرى وكأن الأمر لا يتعلق ببشر وأحساسيهم وكأن الأمر كرسي لم يعجبك موديله فتذهب لتشتري غيره

الزواج علاقة جميلة بين شخصين ... والعلاقة تصير من مواقف ... تنبني بناءا على مواقف ...
تخيل تكون علاقة زوجتك فيك علاقة متينة وقوية لدرجة مهما مرت بظروف بتظل جنبك وبتكون وفية لك وكلها لك ... كيف ممكن الزوجة توصل لهذا الشعور ؟ كيف ممكن تتعلق بزوجها لهذي الدرجة ولو كان في اختلافات بشخصياتهم لكن توصل علاقتهم لأن تكون متينة ..صدق متينة ... كيف؟

تبغالها تعب أخي وتحمل .. ولو وصلت للمرحلة اللي وصلت لها صاحبة الرسالة ورسخت حبك بقلب زوجتك تخيل مدى سعادتك وقتها ... هل تستعيض عن هكذا تجربة بزواج تقليدي اخر .. زواج بغريبة أخرى ؟

عندك زوجتك .. اتعب شوي معها حتى تحصل على زوجة حقيقية مش مجرد تقليد وواجب .

[/QUOTE]

شكرآ لك اخوي على توصيل الآمانة وشكرا للآخت على اهتمامها وانا اسوي المستحيل عشان اعدل الموضوع

انا بحــآول واشوف واذا مانفع يمكن الجأ لأمها

ياجماعة مؤخرآ هذا اللي طلع معي يمكن تنعدل وتراجع نفسها ومادري اذا الامور بتتآزم او لا انا توكلت على الله وسويت اللي طلع معي

والتواصل معاها عن طريق الرسايل ومشيت لها مثل ماتبي مادري ليش ماتبي تتواصل عن طريق المكالمات

حسيت من آخر زياره لي انه امها شاكه انه في شي بيني وبينها وخايف الجأ لأمها واقولها وتزعل زوجتي مني
لأن ماتبي اهلها يدرون بآي شي بينا
وانا حاير مادري شسوي

واللي يقول لازم دكتور واستشاري ماقدر اغصبها وبالقوه وهي عنيده

واللي يقول تحرش انا سآلتها وحسيت من ردة فعلها انه ماصارلها شي بس مادري ليش لما سألتني ليش تسال انا سكت وماقلت لها شي

ورمضان كريم على الجميع وكل عام وانتم بخير

فعلا رائي انك تعاملها كا ااخ او صديق لفتره فكرة كويسه ورجعها البيت لاتتعقد الامور اكثر

__________________
(وَلَوْ أَنَّهُمْ رَضُواْ مَا آتَاهُمُ اللَّهُ وَرَسُولُهُ وَقَالُواْ حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ)
لاحول ولاقوة الا بالله العلي العظيم حسبي الله وحده ونعم الوكيل

يا اخي أنا ما أشوف فيها مشكله أشوف المشكله فيك أنت تجرحها بكلامك وتدور على عيوبها مع اني ما اشوفها عيوب هذي طبايع البشر وين المشكله فيها بس !!
بس أنت فاضي وتدور على المشاكل ،

مرحبا اختي
انا سبق واعترفت بتجريحي لها بكلامي واعتذرت لها الاف المرات
ولكن افهمي هي تبي تعيش كآنها اختي
وكآنها اساسا مو موجوده في البيت ولا احس فيها ولا احس اني متزوج

زوجتك بتتعب معها كثير ،،،

هددها بزواج قول انا بتزوج ابي حرمه تحس فيني مو تجلس معي زي اخوي وانا مااقدر افتح بيتين ،،،

هي تهرب من بيت اهلها أكيد ما ترتاح فيه وانا أشوف لازم تكلم أمها وهي ما تدري اذا تبي تكمل معها. ،،،

وأكثر من الدعاء ،،،

لكم سنه وشوي كأنكم اخوان؟ مادخلت بها؟
اعتقد ماراح تتعدل وهي ببيت اهلها رجعها بيتها وعيشوا جو رمضان سوا واخذها لاهلك تفطرون عندهم غصب شوي شوي تتعود ع الناس.

لا يااختي دخلت بها ولكن هي تتعامل معي كاني اخوها مو زوجها

هي ماعندها مانع اني اتزوج عليها جدا عادي