خليك قوية كذا وابضاية عشان ولدك تمااأاسكي خليه يرجع ويتفاهم هو وابوك اخاف لو طلعتي من البيت يحطها حجه وينتهي من جد كل شي ..

اللهم فرج همها واكشف غمها

__________________

يارب ارح قلب كل متعب مرهق.

أتمنى أن تكون بخير وسعيدة بما آلت إليه الأمور..

سواء بقيت معه أم فارقته..

اللهم أدم عليها صحتها وعافيتها واحفظ لها ولدها وقدم لها الخير حيث كان وعوضها وقوها

ومن ابتليت من نساء المسلمين..

لازلنا ننتظرك وننتظر أخبارا مفرحة عنك ❤️

اشكر كل من سال او نصح او قدم دعوة طيبه

طمنينا عنك ان شاء الله بخير وأمورك طيبه

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

يوم الاحد الماضي الفجر
فتحت جوال زوجي
وشفت تغريدات له وهو يحاول يكلم بنات ويقط كلام من هنا وهناك لانه
اغلب البنات الي من طينته على الريحه وهو عارف لهم
المهم فتشت زياده وحصلته توه ابتداء علاقة
رحت له قبل الاذان ووصحيته من نومه
لاني تعبت خلاص صبرت ونفذ صبري
وعد وخان للمره مليون
صحيته وقال ابغى انام ويبي يغطي جريمته
ماخليت كلمه سيئه ماقلتها له
قلت له ياحقير ياحيوان ياجزمه يازباله ياحيوان ياخنزير ي ............ طلقني لو انت رجال
ماابيك ياكذاب
ياوواطي انت وبنت الشارع
انت تستاهل بنت شارع مو وحده صاينتك
قال والله مافي شي من الي تقولينه توهماتك
شوفي جوالي
قلت مايحتاج كل شي مصور عندي
طبعا انا سويت حركه قبلها بكم يوم
دخلت ايميله من الاب توب
ودخلت التويتر عن طريقه وطلبت تغيير الرمز
ودخلت من جوالي وحطيت ايميله والرمز الجديد
وهو جاته رساله تغيير على ايميله Gmail بجواله
ورجع البيت وقتها وقال فتحتي ايميلي
سويت نفسي بلهاء ومااعرف وش يقول
وكل شي كان يسويه بتويتر كان يوصلني
حضرته يراسل خاص كانت توصلني على التويتر الي بجوالي لاني الغيت حسابي وحطيت حسابه
قام يصارخ ويشد ويسوي نفسه بريئ
قلت خلاص انت مسكين وبريئ وانا نكدية طلقني
قال جهزي اغراضك
وطلع من البيت قبل الاذان
رحت اجهز اغراضي وانا وربي مادري وش حطيت
ولا لبسه كامله من كل لبسه قطعه
وولدي حطيت كل ملابسه لانه اهم مني
وجاء وشاف اغراضي بغى يكملني قلت اششششش يااوسخ مالك كلام معاي
ابغى استفزه عشان ينزلني لااهلي
اهلي جنب البيت بس ابغاه هو ينزلني
ونزلني لااهلي
نزلت ودخلت ابككككككككككككي لحالي
لاام اسند راسي على صدرها
ولا اخت بتتالم لاالمي
ولا اخ بيخاف علي اهم شي مااكون احسن من زوجته بشي
زاد الطين بله
ياربي ان تطلقت ماابي بيت اهلي
وان جلست مااقدر على الم الخيانه
جلست بغرفى اخواتي لين جاء ابوي
ابوي قلت له فلان ماعاد ابغاه لو يعطيني على وزني ذهب وملايين ماارجع
زوجي يدق ويدق على نهاية الدوام
وقفلت جوالي قال لي ابوي قفلي جوالك لو تبينه يجي يبوس اقدامك
صار يدق على امي واخواني
ومااحد رد عليه
ويرسل لي كلام وكلام
ولدي طاح طيحه قويه على راسه من وراء واغمى عليه
ووديناه المستشفى
وارتفعت حرارته
قال ابوي لازم ندق لابوه يجي
وجاء زوجي
وهو شايف نفسه ومتكبر
اول ماادخل قلت لولدي جااء ابوك الله ياخذه
ناظر لي واابوي سكتني
قلت امين عساني ارملتك قرريب
اكرهك
وجلست يومين بالمستشفى وابوه يجي زياره ويروح
بهالفترة ابوي يحاول يرجعني دوامي او يشوف لي مكان غيره
زوجي مره يحاول ومره ينقطع
وخلال مانا جالسه عند اهلي ولا رساله خاص وصلته الا من اصحابه
ولا بنت
وشيكت وشفته الغى متابعة كل البنات
حسبي الله عليهم من بنات
يوم الجمعه دق وطلب ابوي عشان نلعب البيبي ويغديه برا
ووطلبني ابوي عشان خاطر البيبي
لبست ورحت معاه ولا كلمه كلمته
ونزلنا مطعم وطلبت اغلب الي بالمنيو
احسن قهرني
ونزلنا اشتري للبيبي بعض الاغراض الي ناقصته ومنها جمعت لي اغراض
وهو استحى يقولي شي
ووهو اخذ ولده يلعبه ويرجعه
وووربي ماتكلمت ولا بكلمه الا اجرح فيه واجرح
قال وش تبين وانا حاضر
قلت ابغى ورقتي ولا تتاخر فيها ابغى اشوف حياتي
ونزلت بيت اهلي
وولدي يبكي ويبكي صار عصبي نااااار
بكيت على حالتي وحال ولدي
فرشت سجادتي ودعيت وبكيت بسجودي
من قلبي ياااربي اخرجني من حلق الضيق لااوسع الطريق
دق ولد عم زوجي
وقال ابي اجي انا وفلان لنا عندك طلب
وجو يوم السبت
انا حطيت براسي البس عيايتي وادخل لو احتجت اعزز موقفي
وعلمت ابوي قال براحتك
المهم لما جوو
دخل ابوي وهو يتحسب
قال تبين تدخلين ادخلي
ووالله لو مو بينك هالطفل الي يبكي على ابوه مااخليه يمس طرف منك
مايصلح يكون زوج
ابوي زاد همي لاحول ولاقوة الا بالله
لبست عبايتي
ورحت لهم واانا بااخر المجلس وبيني وبينهم ابوي بس زوجي يشوفني
قلت ياابو فلان
انت جيت بوجهم طالبين نسبنا انت وابو فلان
للرجال الي الي قدامك
انت كنت تعرف شي عنه ؟؟
قال الي اعرفه انه مكافحح ووووو
قلت انت تعرف انه راعي حريم ؟؟
انهبل الرجال قال الله اكبر وش تقولين
قلت اي
هالرجال راعي حريم
ودنائه
وعاملني بسوء
اعتبرني زي بنتك فلانه وامانه يسالك منها ربي تحكم زي ماتحكم لها
قال يابنتي يمكن طيش وسامحيه
قلت سامحته مره ومرتين وثلاث واربع وخمس
سامحته من اول اسبوع زواج وهو مع بنات الشوارع
احافظ على بيتي
وضيعني برا السعوديه عشان بنات الهواء
وجلست يوم كامل بشارع مااعرف اي مخلوق ولا لغه ولا شي
وسامحته
تدري ليش
قال وشو
قلت عشان وجهك ووجه ابو فلانه الي دخلتو فيه بيتنا تخطبون
انحررررررررج
قلت له عصبي ولا يحترم ويلعن ويسخط ولا واجب ولا عطاء ولا رحمه ولا حنان ولا مودة ولا شي
رجال مستغني بالحرام
خلاص وش يبي الحين ؟؟؟
احكم يالله
قال لولد عمه سود الله وجهك في زوجتك وفي انسباك
والله ماعاد لي كلام يابو فلان يقصد ابوي
انا طلعت
ووالله اني طلعت ووجه زوجي اسود من سواد الليله
ووسبحان الي صغره
جاني ابوي
وقال الرجال يقول ابشري بجاه منه
يكفله بجاه وجهه ولا تكسفينه وتردينه خايب
قلت وش رايك قال انا لو بيدي مارجعتي
قلت علمني وش صار
قال الرجال كلامه شين وعصبي
المهم قلت قول لهم يجونا الاحد
لمهم طلعوا وولدي كان مع ابوه ورجعوا ولدي وهو يبكي على ابوه ووجه صار ازرق
يبكي بكاء ويضرب راسه بالارض
بابا بابا
كسر قلبي
وقطع ظهري
اكثر شي اثر فيني رجعوه وفي يده حلاوته الي يحبها
واول مادخل وشاف ابوه مو بداخل معاه رماها وقام ينطط ويبكي
يعني ابوه وبس
الاحد الفجر تعب ولدي وارتفعت حرارته
واضطرينا نوديه وقال الطبيب لازم نسوي عملية
دقينا لاابوه وابوي راح لدوامه
وجلسنا بغرفة العلاج
وقام يطلبني ارجعي تكفين ولك مني مايرضيك
وفيه ناس ماتوقعت كرهه بقلبي بيكون لهالرجه
صرخت عليه وتكلمت عليه
الكل عرف وش بيينا
طلع ماعاد له وجه
ورجع بعد ساعه ومعاه فطور
الفطور ريحته باقي براسي هههههههه كنت جوعانه وبررررررد وجايب فطااير تنور حاااااااااره وحليب
خلصنا ادويه واعطانا علاجات وقال ننتظر يعدي هالمرحله ونعمل له العملية
رجعت لحالي لبيت ابوي
امي طووووووووول وقتها متذمره من وجودي
ماتبغاني
تقول مااحد يبغاك بالبيت
اخواتي يكاموني ويسولفون ومبسوطين وعشت احلا اوقاتي
واختي جات خلال هالفتره طبعا لازم من التشمت والرمي بالكلام
ابوي قال لااخواني واخواتي بيوم الجمعه ترى اختكم
ماافيها غلط
الغلط مننا قبلها
ومن زوجها قبلنا
والي بيقول لها شي انا خصمه
لانه عارف البئر وغطاه
المهم جو الناس لنا
وراحوا
وقالي ابوي زوجك بيسافر
وانتي روحي اجلسي ببيتك عشان يرتاح ولدك لما يشوف بيتكم وريحتكم
وسريرة
ورحت لبيتي
وحصلت البيت نظيييييييييييييف
وكل الاغراض وماقضي من كل شي
ومعاها مصروف
وهو مو موجود
وارسلي اليوم مسج يبشرني انه ترقى وعلاوة وتحسين وضع
يعني زاد راتبه بقووووة
بس ارسلت له
لاتنسى تتستعجل بطلاقنا
ابغى اشوف نفسي
وجالسه ببيتي من اليوم المغرب
وجدا ارتحت
انه لحالي بعيد عن امي وبعيد عن زوجي

التفكير يدمرني
ولكن وقت ووقت اخر ااكون قوية حتى لااستسلم لنفسي
اعمل كل مااتحبه نفسي
انشغل واشغل نفسي
العب مع طفلي وارقص وواتسوق واطهو واتفنن في اهتمامي بنفسي
غيرت من طريقة لبسي كاملا
واكلي
والواني غيرتها
كل مااحولي اصبح جديدا
وكانني اقول لاعودة للماضي
وهو الحقيقة لاستطيع العودة للماضي
اختي تعايرني كنت قوية وررددت عليها بكل حزم واعلنت مقاطعتي لها
طلب والدتي ان اكون كما كنت رفضت
وفي القلب ماايدميه
امي كم اتمنى ان تعلمي بمدى معاناتي
وتعلمي مدى الاسى والالم والحزن
ياامي والله اني اخاف عليك ..........
زوجي كم ووددت ان تعي
انني حاولت ان احافظ عليك ووهبتك من العطاء والحب والتقدير
والتضحيات
ولكن يعلم الله لم يعد لك مكان في قلبي
ولم اعد اتحمل نظرة الى وجهك او سماع كلمة منك
بعد ان كنت لا انام الى على كتفك ولا انعم الا بوجودك
اختي جرحتني اذيتني خدعتني غششتني سعيتي حتى كسرتيني
اخي لاباس زوجتك افضل بفضلك عملت المستحيل حتى اكون اقل منها
ولكن ساابقى كما انا وخسرت زوج وهي لديها اخي زوج لها
ابي لم تستطيع حمايتي ممن حولي
ابي احتاجك
ابي اتمنى ان اعود طفلة واركض لاارتمي في حضنك
لاشي يخيفيني معاك ابي

ربي انت الاول والاخر
ربي ارحم ضعفي وقلة وقلة حيلتي
ربي انر بصيرتي
ربي تعلم المي ارحني ياارب
يارب اختر لي مافيه خير لي ولطفلي
ربي جعلت حياتي في ودائعك

أقولك من دون زعل غلطتي غلط كبير جداً بتلفظك عليه مهما كان هو زوج وان أخطأ بحقك لكنه حاليا زوجك وله حق عظيم عليك
وبصراحة أخطأتي بحق نفسك قبل كل شي ليه تسمحي لنفسك ان تخرج منها هذه المصطلحات انت بنت ناس ولك قيمتك واحترامك
صحيح أنه آذاك كثير وظلمك وغلط بحقك بس ان قابلتي الغلط بغلط أيش بتفرقي عنه وان اختلفتم بنوع الخطأ

ملكة حبيبتي مافي رجل يتحمل كل ها السب والشتم والإهانة من زوجته الا وفي قلبه لها قدر معزه كبيره
انت حامل واعتقد للحمل دور كبير بتعب نفسيتك
اصبري ربي يهديه ويصلحه علشان ابنك الي نفسيته تعبت بجد رحمته الأطفال اكبر ضحية
حطي اي شرط على زوجك اي شرط بس خلي الطلاق اخر الحلول

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ندى تعبت منه
زوجي دمرني
يمكن هالمره بس تغريدات وتوضيحات غبيه بتويتر
بس جابتني من الاخير
ماعندي قدرة عالصبر اكثر
انا مقتنعه انه الناس افكار مختلفه وقدرات مختلفه
انا مقتنعه انه ماقدر اكمل مع زوجي اكثر
الا نسوي ورقه وفيه شروطي وشهود وووكلام كبيير
هالمره نفسي ماراح اتعبها اكثر

يستاهل اللي سويتيه فيه لانك صبرتي على خياناته مره وثنتين وثلاث واكثر شي اعجبني في تصرفك مواجهته قدام الوسيط صدق غسلتي شراعه وان شاءالله يكون درس ماينساه بسسسسسس لا تستخدمي مصطلحات سيئة معاه زي حيوان وغيرها لانه مهما كان الجرح الا انها تقلل من قيمتك واحترامك لنفسك ...