اختي توقفي عن المراقبه
ماراح يتبرون من ولدهم
وبالنسبه لهم وله بنتك مو اول طفل يعيش وضع طلاق
محد يحس باحد حبيبتي
الا امك
ولا تتوقعي العالم امك
ولا تظني طليقك بيموت بعد الطلاق
ولا انتي برضو بتموتي
الحياه تمشي

نا أتكلم عن خراب بيت شتات أسرة

كيف يرضون عيال أولادهم عايشين بين ابوهم وامهم إلا بنتي ليه مايحق لها تعيش زيهم

هذي غلطتي انا رضيت أسكن تحت وجيب المشاكل على رأسي
حتى وصلت للطلاق

عارفة أن الحياة موقف على الانفصال هذا اذا مافيه أطفال بينا

لاكن فيه بنت جايه في الطريق وهم بكل سهولة غسلو منه

حسبي الله ونعم الوكيل عليهم يعني طلعاتهم ووناستهم أهم من بيت اخوهم الي انخرب


طيب هو يوم يشوف إخوانه كل واحد مع زوجته وعياله مايغار مايحس

وإخوانه حسبي الله ونعم الوكيل عليهم
عاجبهم الوضع أهم شئ بيتهم وزوجاتهم وعيالهم


لو الطلاق شئ سهل ماكان الطلاق أبغض الحلال

وانتم ماخذينه شئ سهل وعادي

أختي مطلقة وحامل
الطلاق مش سهل مثل ما تقولين ولا احنا نهون الأمر بعينك ..
ولكن يا أختي الموضوع خارج عن إرادتك
حاولتي بنفسك وراسلتيه وترجيتيه ثم حطيتي واسطات من أهلك ونفس الشي
الرجال معاند وما نعرف سر هالعناد كله ليش ؟

أنا معاك أهله صعبين وفي مواقف صراحة الوحدة ما ترضاها
بس بصراحة حتى أنت غيورة كثيرة وعليك حركات حريم !
وماعرفت تتعاملين مع المواضيع بشكل صحيح
مع العلم أنا أكد لك أن الغلط من اهله بعد
علشان ما تقولين أنا ألومك لوحدك

.
.

أختي مالك حل إلا اللجوء إلى الله
ثم تحاولي مع زوجك وتكلميه بشكل عقلاني
ترى ما يحبون الرجاوي ولا الإلحاح ويزيد تكبرهم بهذا الأمر
الطريقة السليمة للكلام معه
أنك تتكلمي بكلام العقل ، تحطي ايدك على النقاط اللي تخليه يعيد التفكير في الموضوع
بدون انفعالات ومبالغات
فهميه انك عرفتي الغلط وين وحابة تاخذون فرصتكم علشان طفلكم
ومن هالكلام بهدوء وعقلانية

بالنسبة لخواته أو أمه
فيه وحدة منهن فيها رحمة أو رقة طبع تقدر تدخل وساطة ؟

__________________
الحمدلله الذي بنعمته تتم الصالحات

كذا بداية الزواج الوحدة تجي مو عارفة شئ وتغلط لاكن شوي شوي تتعلم وتصلح اغلاطها

والله اني اكتب وأبكي ندم

مو راضي يرد علي وحتى لما أرسله مايرد وصكني بلوك وانا كمان صاكته بلوك

عناد السبب يقول أبوها واخوها ماحاولو يهدون يحطون توبيكات ومادري وش

هو شخصية زوجي جنوبي شرقي متردد مايحب المواجهه وعنيد

وأمه والله بداية الطلاق اتصلت عليها رد رجال مادري زوجي ولا واحد من إخوانه ماعرفت الصوت يسمع صوتي سكر الخط

واخواته نفس الشئ لو فيهم خير كانو كلموني

لاكن للأسف اخواته قويات ويتبلون عليك بشئ ماصار

وماتدرين يمكن راحو قالو لزوجي انها فعلت وقالت وخلود يكرهني ويعاند

مابغى اظلمهم بس انا شفتهم اسلوبهم

= صرت اتضارب مع زوجي ويرتفع صوتي

= وصلت لدرجة أمد يدي على زوجي بس مو ضرب قوي لا بالايدي وكذا وهو مسكين أحيان يمد يده واحيان يسكت

= صح اني غيورة بشكل فضيع بس كل حرمة تغار

= وجاء بيطلع من البيت منعته خفت يطلع لاهله ويزيدون الشرارة

=جلست اتصل مقفل طلع محولة شوي نزل معصب ومسكني وجلسني على الكرسي بقوة واذا جيت أقوم يرجع يجلسني حسبي الله ونعم الوكيل عليه ماقدر اني حامل وصفقني كف الله ينتقم من أهله وفصخ شبشبه وانتم بكرامة يبغى يضربني شردت غرفة النوم لحقني

= انا على طول اتصلت على امه قلت ولدك ضربني قالت لا ولدي مايضرب

= وبعدها ندم وجاب اخوه يصلح اخوه ذا عارف خبث اهله

= قلت له تبغى الي في بطني ولا انط من على السرير وانزلها كرهني في عيشتي

=عصبت صراحة وزعلت ومسكته دفيته بقوة من الزعل والتعب الي فيني وطلع برا وطلق بثلاث الحمد لله الشيخ حسبها وحدة

= كان يعاملني باحترام


= زوجي يقول لأبوي بنتك تعصب قلت والله مو مني من الحمل قال ابوي لا الحمل مايصلح كذا ويقول لزوجي اذا صلحت شئ اصفق برأسها في الجدار ولاتصير طيب معها بزيادة تخيلو أبو يقول كذا الله يسامحه

=قلت انا ندمانة وعرفت اغلاطي فعلا انا كنت اروح أقوله اختك فعلت واخته قالت
قلت انت صادق انا قصرت معاك بس والله موبيدي أهلك جننوني ماريحتني عشان أقدر اسعدكقال انتي اهملتيني واهملتي بيتك وجلستي تطالعين في حركات أخواتي قلت انا ندمانة وعرفت اغلاطي قال رجعه مافيه قلت عمي بيجيك يتفاهم معك ويصلح


أرسلت له رسالة نصية قلت له وش التناقض مرة تصكني بلوك ومرة تشيله بدال ماتجلس تفكر كيف تصلح بيتك الي انخرب تجلس تفكر كيف تشوه سمعتي وتمسك علي شئ يثبت اني مريضة الله يثبت برائتي عاجل غير آجل والله يعطيني أضعاف نيتي لأن نيتي الإصلاح


=أرسلت له البنت يحرم علي ماتجلس معاي ليه مين أبوها رد انا خطبت مو فاضي لها ورجاء خاص خﻻص ﻻعاد ترسلين لي شيء

=صح اني من يوم حملت نكدت عليه عيشته


=تخيلو إخوانه انانين محد حاول يصلح كل واحد عايش حياته

=وذلحين هل ابدا اطلب النفقة قال لابوي بيرسلها لاكن مارسل شئ
ولا اصبر حتى أولد

=والله ياناس مصدومة من كلامه يوم يقول البنت حلال عليك أقسم بالله فرحان فيها ويحسب متى تجي ومحمل برنامج في الجوال حق حساب الحمل


وش رأيكم تتوقعون زوجي بيرجع لي ولا خلاص أفقد الأمل


------------------------------------------
أبيك تجلسين مع نفسك وتتأملين هالكلام زين زين
طبعا هو كلامك إنت
شوفي الكم الهائل من
العنف
عدم الاحترام !!
يا عزيزتي أنا مريت بأسوء مراحل اكتئاب الحمل ، لكن الإنسان ما يعطي نفسه هواها ويبرر لها بكنت زعلانة كنت مكتئبة كنت معصبة !!
هذا مو مبرر مقبول إطلاقا ، هذا مهما كان رجل وزوج له حقه وله احترامه ، لا أجبرك تخدمين أهله ولا مد إيده أو لسانه عليك ابتداء !!
إلى متى تبينه يصبر ؟
إنت تقولين عرفت أخطائك ؟!! الي تعرف أخطاءها تقول كلامك :
إنت متردد ليش تحط حظر ليش تفكه
المفروض تفكر بحياتنا !!!!!
وتتهمين أخوانه بالأنانية لأنه ما أحد أصلح ؟!!
ليش هم شافوه مرتاح معاك عشان يصلحون ؟!!
وأي نفقة هذي الي شايلة همها من الحين ؟
الرجل انتقد تصرف والدك بطلبه النفقة ، فتعيدين إنت نفس التصرف ؟!!
يا أختي البيوت ما تعمر بالحب مثل ما يعمرها الصبر ، ولا تصبر إلا بنت الرجال الأجاويد
التي تعرف قيمة زوجها وتقدره ..
والله ما لقيت في كل ما ذكرتيه شيء يدين زوجك أو خطأ واضح من أهله بحقك أو تصرف جميل منك بحقه هو نفسه ..
معليش كلامي هذا قاسي عليك شوي ، بس صدقيني بين طياته رحمة كبيرة بك وبحالك وببنتك ..
إذا استوعبت كل هذا ، فالمطلوب منك :
- قطع الاتصال به تماما
- اللجوء لله والدعاء بأد يرد زوجك إليك ردا جميلا
- تهذيب انفعالاتك
- عقد النية على احترام زوجك
- ربما بعد الولادة يقدر له الرجوع
لكن الرجل حاليا مجروح منك جدا ، اتركيه أعطيه فرصة يراجع نفسه ، يمكن يحن لك ، لكن بملاحقته تزيدين رصيد أخطائك مما ينفره منك ..
إذا لم يعجبك كلامي ، فاتركيه
والله يعينك ..

__________________
## مهم ##
هل تتعرضين للابتزاز في الانترنت؟


هنا من ينقذك

أختي
أرسلي له رسالة على الجوال مش الواتس اب

السلام عليكم
مرحبا فلان
أبغي أتكلم معاك
اتصل بي لما تفضى لو سمحت

وانتظري وشوفي رده
خلك راكزة ابعدي عن سوالف
رد علي !
وينك !
ليش ما ترد !

خلينا نجرب الركادة تمشي معاه ولا
لأن قريبة لي زوجها من هالنوع
رجاوي ووووو الخ يسحب عليها
ترسل رسالة راكزة وجادة وباحترام
يتصل مباشرة

__________________
الحمدلله الذي بنعمته تتم الصالحات

يا فاكهة من رأيي تترك الاتصال لما بعد الولادة أفضل
وجود البنت بيغير في الموازين كثير
كثرة المتابعة حاليا بتزيد التوتر
أتصور لابد من حدث جديد يغير مسار الموضوع
وهو ولادة البنت على خير

__________________
## مهم ##
هل تتعرضين للابتزاز في الانترنت؟


هنا من ينقذك

بعد الولادة تطلع من العدة

__________________
الحمدلله الذي بنعمته تتم الصالحات

تحسب طلقة على كل حال
وإصدار عقد زواج جديد لا مضرة منه أبدا
ما زال حامل وتعرضت لما يكفيها من انفعالات
تحتاج للهدوء فعلا هذه المرحلة
كتبت ردي قبل قراءة جميع الردود
وبعد قراءتها تأكد عندي ترك الأمور هادئة حتى يأذن الله
وليس كالدعاء يفك الكرب ويصلح الحال
أعانك الله وفرج همك

__________________
## مهم ##
هل تتعرضين للابتزاز في الانترنت؟


هنا من ينقذك

ﻻ تبحثين وراهم بتتعبين هو الحين مستغني باهله انتي خليكي مع الدعاء وبتنفرج ان شالله