زوجك تزوج بالخفاء عشان لايكدر خاطرك ولانه عارف انك مابتوافقين
تجسستي وراه وكشفتي الموضوع وعرفت زوجته انك عرفتي
هنا راح الهم اللي كان على قلبها واللي كان مانعها من انها تطالب بالعدل وهذا حق من حقوقها
ظنت بان زوجها ماعاد له عذر قالت خلاص مثل مالها لي
بغت تضغط عليه من الإيد اللي توجعه برفض اخذ الولد لين يحقق لها مطالبها
( وهي بالأصل حقوق شرعها الشارع لها) يعني ماهي منّه منه عليها
ظنت ان حنانه على ولده بيخليه يرضخ للأمر الواقع بس صار عكس ما ظنت
طلقها وصار يجيب الولد عندكم بحكم انه ولدكم
واكيد انه متعلق فيه وماوده انه يغيب عنه يوم حتى لو جابه وحطه عند عياله اسمها انه شافه ومعه
الحرمه دقت عليك وترجتك انك تردينها لزوجها
ويوم شافت انك ماودك قالت بعقلها هه يمكن التهديد يجيبها
او يمكن انها مو مستوعبه زواجي بزوجها خل ارسلّها صوري معاه يمكن لاشافتها تقنع ويطيح اللي براسها وتتركه يرجعني اكيد هذا قصدها مو قصدها تقهرك
هنا انت امام امرين
يا انك تتحملين جية الولد عندكم وخصوصا في بيتكم لانه بيت ابوه
ولاّ تساعدينه يرجع امه ويتربى ولده في حضنه
يا أم دان زوجك تزوج ما سوى شي حرام
كان رضيتي بالأمر وسلمتي وقلتي خلاص قدر الله وماشاء فعل
الولد ايش ذنبه يعيش بعيد عن ابوه
ايش ذنبه يتفرقون ابوه وامه عشان حقوق لأمّه طالبت فيها
الدنيا يا ام دان كذا طبعت على الكدر مافيها مستريح
ارضي بالأمر الواقع وساعدي زوجك يرجع ام الولد ويعدل بينكم تلقينها عند الله
الحمدلله الحين ماشاء الله عيالك رجال يعني يقدرون على القيام بك
مو مثل هالطفل اللي توه بادئ حياته وده بام وابو في بيت واحد يراعونه ويعيشونه جو الأسره
تعالي على نفسك وتنازلي ياختي عشان هالمسكين واحتسبي الأجر عند الله
اصبري وارضي بأمر الله وسلمي وهو بيرضيك
اخاف ان ضغطك على زوجك يلحقك فيه إثم ثم ترفعين ايدينك للسما ومايستجاب لك لانك ماستجبتي لامر ربك ورضيتي بشرعه
تقولين انا ماقلت له طلقها
صح انتي ماقلتي بس تصرفاتك كانت سبب في طلاقها
لو يوم عرفتي وسمعتي قلتي خلاص دامها تبي العدل اعدل
الاخوات هنا هداهن الله قاعدات يخوفونك منها وانها راح تسوي وراح تعمل
مو صحيح
نبينا صلى الله عليه وسلم قال : ( انما الصبر عند الصدمة الأولى ) أو كما قال صلى الله عليه وسلم
فلو لما عرفتي استرجعتي ورضيتي كان ماشفتي الا الخير
فوضي امرك لله ياختي واستخيري وادعي الله بجوف الليل ان يجعل لك من أمرك خير وقولي يآرب من أجلك ورضا بشرعك راح اكلم زوجي يردها
فياربي ياولي نعمتي وملاذي عند كربتي اجعل ما أخافه وأحذره منها بردا وسلاما علي وعلى أسرتي كما جعلت النار بردا وسلاما على إبراهيم
توكلي على الله ياختي واحسني ان الله يحب المحسنين

انت تقولين حظرتيها من الواتس
وين ترسل الصور؟

وفعلا زوجك لا يشوف الصور ماله داعي
والطفل حكم الشرع فيه إنه عند أمه سبع سنين يعني لو ماشافكم كثير ماراح يتأثر لأنه وهو صغير بحاجة أمه أكثر شي

عشان كذا اقولك احظريها
اذا جوالك جلكسي تقدرين تحملين برنامج حظر من المتجر و تحظرينها و تفتكين من الازعاج

ثبات ماسعت ام دان في طلاقها والرجل ماحبها لو حبها ماكان فرط فيها عشان زوجته الي اولادها كبرو وتزوجو

بعدين بقول الكلام هذا واتمنى ام دان ماتزعل مني
كلامك ياثبات ذكرني بكلام ام دان لما كانت ترسل في موضوع مهره نفس طريقة كلامك بإختلاف الالفاظ
لكن لما وضعت في مكانها تغيرت الكلمات وبالاصح المثاليه الزايده في الرد
الله لايحطك في موقفهم ياثبات

الرجل هو المسؤول وممكن يرجعها اذا تنازلت الثانيه وطلبت التخفيف من حقوقها
ويبدو لي الزوج يحب يكون طليق حر
ام دان اعطته الحريه لدرجة النوم خارج المنزل كأني قرأت لها رد زي كذا

فزواجه مو فقط لانه مايبغى ام دان تعرف برضه مايبغى يكون مقيد وكان بيبقيها لو ماعملت الاكشنات ورميت الولد

فلا تكلفو ام دان فوق طاقتها
الرجل هو المسؤول فقط

اختي متفائله حفظك الله
انا ما قلت انها سعت في طلاقها انا قلت موقفها كان سبب
واكيد السبب الثاني هو تعنت ام الولد من اجل الحصول على العدل
وموقف الزوج
وانا لما كتبت ردي ماكتبته ادعاء مثاليه او تحميل ام دان فوق طاقتها لا والله بل أنا متعاطفه معها
لكن التعاطف شي والحق شي
انا عملت بقول الله : (وَتَعَاوَنُوا عَلَى الْبِرِّ وَالتَّقْوَى)
ربما كان لها بخير
والله تعالى قال :
( وَلَوْلَا دَفْعُ اللَّهِ النَّاسَ بَعْضَهُم بِبَعْضٍ لَّفَسَدَتِ الْأَرْضُ وَلَٰكِنَّ اللَّهَ ذُو فَضْلٍ عَلَى الْعَالَمِينَ )(251)
ولو ان أي احد فينا عمل اللي في نفسه وما وجد من يدفعه كان عم الفساد بالأرض
لكن من رحمة الله بنا انه جعل التدافع بين الناس

أسأل الله تعالى أن يلهمك رشدك يا أم دان وأن يوفقك لما فيه صلاح دينك ودنياك وآخرتك .. اللهم آمين

السلام عليكم ورحمة الله
اعانك الله فيما انت فيه
نقطة لاحظت الكل غافل عنها وماذكرها ، ترى انتي لما تقولين له انت المسؤول عن الولد وانت شيله وغيّر له لما يعتمد على نفسه انتي قاعدة تصعبين الموضوع عليه وتخلينه يستصعب المهمه والنتيجة يرجع ام الولد لانها الوحيدة اللي بتتحمله
الحل برأيي قلتي له ام زوجة فلان تسال الى متى الموضوع يطول والكل يتكلم عن الموضوع فايش رأيك تخفف جيات الولد، بصراحة الولد خمس شهور كثير جدا انه يجي يوميا الطفل مايفهم اعتقد مرتين بالأسبوع كفاية وتزيد مع تقدم العمر
وبكذا لو يجي الطفل مرة في الأسبوع حريم عيالك ماراح يستلموه الا مرة في الشهر تقريبا معقول لحتى البحث عن حلول بديلة
وإنتي بنفسك قلتي زوجك يقرر ويحطك عند الامر الواقع ياخوفي يرجعها وإنتي حتى مابلغتيه عن سالفة الصور لانها شي يقهر

وبالنسبة للصور ضرووووري يعرف عنها حتى لو توصل تضللين وجهها وكذا بس قولي له انا اللي ضللت الوجه ، لازم يعرف وجهها الثاني لان تصرفها غير لائق بتاااااتا

__________________
ربي فرج همي ويسَر امري

أم دان

كيف ارسلت لك الصور على جوالك ؟
مو الرسايل النصية ما تقدر ترسل صور .. !!!!

انت احظريها و خلاص ..

تنرسل الصور برسالة نصية MMS ..

جوالي أيفون

لكن الطريقة في الأيفون مجرد - حظر الإتصال - ..
ماعرف لو الخاصية موجودة أو لا في السامسونج

من رأيي ماتجيبي طاريها لزوجك أبداً لا رسايلها ولا صورها احضريها وطنشيها..
..والولد صحيح جيته كل يوم تعب عليه يخليه عند أمه ويجيبه من فترة الى أخرى في جمعاتكم العائلية..
سافري انتي وزوجك لوحدكم لترتاح نفسياتكم من المشاكل اللي صارت ..