سو لها حظر ..
وتواصلك يصير لجوال عيالك

سويت حظر على رقمها
وجتني رساله من رقم ثاني طلعت هي

هههههههههههه والله الحرمة ناويتك ماكو فكه ، أعتقد كذا وصلت للنهاية لازم تكلم أبوها وتفاجئها بهالشي لاتهددها خلها تنصدم عشان تخاف ، عشان ثاني مره ماتقدر تتنبأ بردة فعلك وأيش راح تسوي وتتردد ألف مرة قبل ترسلك الله يكون بعونك

__________________

وبدأت تحدي إنقاص الوزن الهدف إن شاء الله 55 كيلو

اسمح لي اخوي الوحيد بملاحظه
احيانا احس انك تكتب بس عشان تفضفض بدون ما تاخذ خطوه فعليه لتغيير واقعك والدليل ردودك اللي فوق ..
يعني واذا عرفت انك طيب .. خلاص تستسلم لها ؟!
وبردك الثاني تقول احسد اللي ما يفكر بعواقب الامور وبعدين تعترف ان طريقة تفكيرك تتعبك ولا غيرت من نفسك!

خابزتك وعاجنتك وعارفتك تمام وتعرف مداخلك ووش اللي يربكك .. هي طبيعيه ولا عندها انفصام ولا شي, لا وذكيه بعد وتعرف وشلون تخليك تدور بفلكها اربع وعشرين ساعه والطريقه سهله جدا كل كم يوم رساله منها تنافض اللي قبلها
وتجلس انت تحوس وتفكر وتحلل الاسباب لانها تدري انك تحلل الامور للنخاع وهي ولا على بالها المهم انك تبقى تدور بفلكها ولا تاخذ غيرها بس حسد وغيره .. فهمتها الحين ؟
بموضوعك الثاني عطيتك افكار لحل مشكلة عيالك وقلت لك عطي طليقتك كلمتين جامده بالعظم ولا رديت علي بتفصيل .

المهم .. انت ينقصك الحزم مع طليقتك ومع تعديل وضعك ووضع عيالك عشان تقدر تعبش وتتزوج
اذا ما كنت حازم مع طليقتك وما وقفتها عند حدها ما راح توقف عن محاصرتك وكل شوي بتلقاها ناطه بوجهك بطريقه جديده
واذا ما دبرت وضع عيالك ما راح تقدر تتزوج .

__________________

كلامك صحيح اخوي سلطان
فعلا لازم اغير من نفسي
ولازم احط حد للي جالس يصير

رايك يعني اكلم اخوها الكبير واقوله كل السالفه لانه مايدري عن شي

اذا جتني رساله جديده منها راح اقول لـ اخوهاالكبير كل شي

الأفضل انك ما تحذف رسائلها لك .. لانها أدلة عليها
عندي حل ممكن يناسبك
ليه ما تصور رسائلها سرين شوت ويكون رقمها واضح في الصور وترسلها واتسب لأخوها
قله علشان يكون عندك علم باللي صاير والي بتعمله أختك

لكن ما ينفع تستمر كدا ممكن مع الوقت تلين انت من رسائلها وتكلمها والشيطان شاطر

الله يحفظك من شرها

صح ممكن راح اجرب هالحل وان شاءالله ينفع

اخوي الوحيد ،،

سامحني بكون قاسي واتحملني الله يرضى عليك

يقول عبدالله البردوني :

والمرء لا تشقيه إلا نفسه ،،، حاشا الحياة بأنها تشقيه !


متابع مواضيعك من أول والنتيجة الي وصلت لها سببها الرئيسي شخصيتك ، نعم شخصيتك

انت انسان تفكر كثيرا في عواقب الأمور وردة فعل الآخرين وهذا أمر محمود لكنك تبالغ جدا جدا ويعود هذا عليك بكثير من النتائج السلبية

بعيدا عن الموضوع الحالي أنت بحاجة للوقوف مع نفسك ومراجعتها… أنت تضيع ايامك وفرص السعادة الحقيقة التي تتاح لك وكله بسبب خشيتك من عواقب الأمور

الحياة أقصر من أن نضيعها في تفاهات

تجاوز وضعك الحالي وعيش حياتك ولا تلتفلت للخلف

بالنسبة لطليقتك والله أعلم فهي تعيش الجحيم حاليا وتريد الخلاص من وضعها بأي ثمن ولم تجد مهربا متاحا إلا أنت ،

كان الله في عونك وعونها

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

صح اخوي
انا كتبت مره اني احسد الاحمق اللي مايفكر بعواقب الامور وتصرفاته تكون مباشره بدون تفكير
وهذا شي صحيح متعبني