والله يااخوي دامك غضيت النظر عن رفع القضيه ع الاقل لاتسوي زي زوج صديقتها في الاستسلام

وتحذوا زوجتك حذو صديقتها وتخرب ع بنات الناس الي ممكن أزواجهم يختلفون عن طبيعتك أنت وزوج صديقتها في الاستسلام بسرعه بدون معالجه المشكله من جذورها ....هذي نقطه

النقطه الثانيه ؛ ياليتك ماخبرت زوجتك انك بترفع قضيه ع صديقتها كان إكتفيت بأنها تنتظرها تحل مشاكلكم العالقه وبس

أما تهدد وتتوعد وانت من جنبها معليش ياليت تتجنب المرات القادمه مثل هذا التصرف....


أعتذر كلامي قاسي لكن انت قاعد تخرب زوجتك بتصرفاتك تهييييييج وتحرق وتستسلم وتضعف وهي عارفه شخصيتك لذلك مافكرت حتى تعتذر ( الحمدلله والشكر) تكفي انها عاجنتك صح ...
الله يجمع شملكم ويهدي زوجتك يارب ....

هههههههههههههههههه والله انهم كلموني البارحه يبون طلعه شبابيه للامارات

رحلات بر - وعالم فراري ووناسه الظاهر اني بسافر معاهم

رجل طيب جداً انت فعلا طيب جداً

اشكركم جميعاً على ردودكم اسأل الله لي ولكم التوفيق وأن يلم شملنا مع من نحب على ما نحب

يا اختي انا ماني من جنبها لكن لكل مقام مقال

الشخص وقت الغضب يقول أمور وينوي عملها فعلاً ثم يعيد التفكير يجد انها ممكن تسوء الأحوال اكثر

وعلى فكرة هذا نوع من الشحن انك تقولي لي انت من جنبها الكلام يؤثر ومباشرة راح اثبت لك العكس

لا انا لست من جنبها وسأفعلها فدام خاطري هدأ خليه هادي مالي خاطر اضر احد

ولا انا شاورت وسالت وتوصلت اني بكل سهوله اقدر ارفع القضية واخبرني ان على قدر الضرر يكون الحكم

وانت لست بمتضرر بضرر واضح فكلها على بعضها بتكون تعهد انها ماتتعرض لكم وبس

ولا لازم ابلاغ الخصم ويمكن مايحضر وتتأجل شهر او شهرين وعادة القضايا الصغيره مثل هذي مالها مواعيد قريبه لعدم اهميتها عندهم قضايا اهم

لما سألته لو ماحضر خصمي وش يصير يقول تتأجل ثم استدعاء ثم مايحضر واستدعاء ثالث ثم بيحكم غيابي بتعهد ويمكن غرامه

متى يحكم بسجن او جلد لو وقع ضرر كطلاق او خلع ثم اتضح انه فلانه مخببه او فلان خببها على زوجها وتطلقت واوهمها بالزواج وسحب منها مبلغ مالي بنية انه يخطبها فيه وسحب عليها هنا جلد وسجن واعادة المال للمراه

فما اعتقد ان الموضوع مستاهل اتمرمط علشانه حالياً خصوصاً اني ما ادري ايش حصل بعد ما فضحت زوجتي عند اهلها خليني اشوف اهلها وش بيسوون مع هالبنت وهل ابعدت او لا ثم بعدها نشوف

يمكن احتاج ما اكون من جنبها وكل يوم فيه مراجعات باخذ اجازه واتفضى لها

بس نشوف وش الوضع انا متأكد اهلها يحاولون يبدون السالفه مو قادرين ومو عارفين كيف

المهم اذا انفتح باب العودة لاتسكرونه بمهاتراات
خلك واضح وصريح وجاد
انت وش تبي بالضبط وايش ترفض..

كان قدامك خط للعودة يوم كلمتك امس بالواتس
بس خربتوها بتقاذف الكلام
يمكن خيرة علشان كل واحد منكم يرتب افكاره اكثر..

يا اختي والله مالاحظت ان كان فيه خط بالعودة يوم كلمتني واتس اب

انا ما اعرف لهالامور صدقاً يعني لو قالت نبي نتفاهم على وضعنا او المستقبل ممكن فهمت بس المحادثه كلها كانت ابغى وابغى وانا رديت على قد الكلام

..اتبع نصيحة رجل طيب جدا..

لاترجعها الآن إحذر أشد الحذر..لأن حتبدأ من الصفر..
أما رجوع مشتاقه لك وإنت مشتاق لها والله حترجع لنا هنا وتشكي نفس الحال..

طالما عند أهلها وأهلها عرفو بتطورات الوضع كله..ماعليك..
أهم ماعليك الآن أولادك إذهب لهم وألعب معاهم واشتري لهم ملابس وألعاب..
وقووي قلبك نصيحه لك..ولاتجي بيتك إلا وقت النوم فقط..خليه فندق زي مايقولو..هههههههه
وكثر إستغفار...وصدقة...

أسأل الله أن يصلح حالك وحالنا...

اهلا وسهلا فيك في بلدك الثاني الامارات ، ننتظر قدومك على احر من الجمر

وترا عالم الفراري فتحوا جمبه او بالاحرى ملاصق فيه تماما اكبر مولات الامارات والمنطقة وهو مول ياس وهذا المول مره شرح ووناسة.. يعني تلعب في عالم فراري وبنفس المكان مول ضخم جدا تترفه فيه ، وفيه اكبر قاعة مغطاء او قاعة انارة طبيعية على مستوى الشرق الاوسط .

وعن زوجتك .. تراها بنت حلال وطيبه لكنها شوي متمردة وفيها عناد ، ولذلك حتى لو كانت غلطانه ما تحب تظهر نفسها غلطانه ، اما حكاية صديقتها .. صديقتها السوسة ما هي الاشرارة تشغل زوجتك كلما حانت لها الفرصة ، واعتقد لو تتبع مع زوجتك اسلوب العصا والجزرة افضل .. مره ترخي ومره تشد .

لكن بما انكم حاليا مشحونين جدا ، انت من مواقفها وهي من كشفلك لها امام اهلها فالافضل تبتعدون حاليا عن بعض حتى تبتعدون عن المشاحنات وتعيدون حساباتكم بهدوء بعيد عن الانفعالية ، ولذلك قلت لك سافر وتعال الامارات يمكن فترة النقاهة تعطيك مساحة اكبر في التفكير وتعطيها مساحة اكبر في مراجعة الحسابات وتصحيح الاخطاء .

بس لا تنسى لما تجي الامارات وتدخل مكان حلو .. مول او كوفي او ملاهي او شابه .. صور المكان وابعث الصورة لزوجتك على الواتساب

ولا عاد تكلمها ولا ترسل لها بس عشان تفقدك وتفقد الحياة يوم كانت معك
اشتر جوال لولدك صغير وتواصل معه
خل هم يفتحون الموضوع معك عشان بس يعرفون انك جاد وعشان بعد تتادب اذا فاد معها
الله يهديها يارب وترجعون لبعض من غير شر ويجمع شملكم
واذا سافرت لا ترسل صور لها حط بس صوره رمزيه في الواتس اب واشتر هدايه لعيالك من الامارات

الله يصلح احوالكم ويهديها ويسهل اموركم
ليش ماتنقل وظيفتها جنب بيتكما

__________________
يارب ابدل حزني فرحا وسرورا وابدل مرضي صحة وعافيه ياكريم

كلام الاخ منطقي جداً
لكن كُلّاً يؤخذ من رأيه ويرد إلا رسول الله صلى الله عليه والسلام
انتم الان مشحونين لذلك نصيحة لاتزيد الضغينة وتسافر

شي آخر السفر في حال البلدان الاسلامية الان اصبح فتنة !!!!
نعم والله فتنة والامارات حفظ الله اهلها الكرامة اصبحت شبهة لمن يسافر ،، والله لا اقصد الشعب الكريم
ولكن ان تذهب وتجد تسهيلات الفجور تعرض عليك الى باب غرفتك بالفندق وتجد المسكرات بالغرفة ونسخة من الانجيل في الخزانة .،، فوالله ماهذا هو السفر الذي به سبع فوائد!!
انت رحل بيتوتي ومتعلق بزوجتك وابنائك ولا اعتقد ان السفر مع شلة شباب عزاب يناسبك

لاتشعّب مشكلتك وتوغر صدر زوجتك وتفتح للشيطان منافذ اخرى يشعلها بينكم
استعن بالله واشغل نفسك بطاعة الله واذكر( فإدا فرغت فانصب)
واترك زوجتك اترك من الزمن تشعر بفداحة خطأها و النعيم الذي كانت تعيش فيه والميزات الرائعه التي كانت تنعم بها

نصيحة سبق وان كان بينكم طلاق لذلك لا تتساهل بحل المشكلة هذه المرة و اجعلها درسا قاسياً تفوق من غفلتها
فلن تذهب لأهلها كل يوم ولن تستطيع العيش بالوصع هذا في كل سنة شهر او شهرين !!!