السلام عليكم
اخواني واخواتي ,,

انا مشكلتي غريبه توعا ما ... لا اعرف ان كان عندكم معلومات بما سأطرحه عليكم ,, فاتمنى ان لا تبخلون علي بما عندكم لاني بجد محتاااجه حق أي كلمه تمكلونها ,,

انا امرأه عمري 28 ,, مطلقه ,, وعندي ولد عمره 6 سنوات ربي يحفظه ,,
منذ 8 شهور تقدم لخطبتي رجل لم يسبق له الزواج ,, وتمت الملكه
كنت ارى ان كل الصفاات الحسنه قد اجتمعت به , وكأن الله لم يخلق به عيب
ظننت الدنيا سوف تعوضني عما لقيته في حياتي ,, وانها البدايه ,,
هو رجل مثقف ,, يكبرني ب7 سنوات ,, من اسره لها شأنها ف المجتمع ,, غني ,, محافظ على الصلوات ,, ذا شخصيه قويه ,, يعني أي امرأة تستطيع الاعتماد عليه في أي شي ,, فمتى ما طلبته وجدته ,,
وفووق هذا كله ,, يحبني واااايد ,, ويحب ابني جدا ,,
اين المشكله اذا ,,
زواجي قرب ,, يعني فتره بسيطه ان شاءالله ,, وقبل شهر بديت اكتشف فيه صفات غريبه
مثلا يقولي اذا سافرنا ما بخليج تلبسين الحجاب ,,, ابيج تتعرين ,, تلبسين كذا وكذا
يوم اقوله وانت كيف ترضا اني جي البس ,, يقولي انتي ما تبين رااحتي ,, انا استمتع بهالشي ,, وطبعا يكون مصر على راايه
و اوقات ايقوولي ,, بأجر فله في الدوله اللي بنسافرها ,, ويكون فيها مسبح وبعزم شبااب يكونون معانا ؟؟
طيب كيف عادي عندك ؟؟ يقولي هذي المتعه اصلا انتي شو دراج ,,
ف البدايه كنت احسبه الا كللام بس ,, لكن لا هو دووم يعيد جدامي كلامه ,, عشان لا انصدم منه اظن
واذا شافتي معصبه من ردة فعلي يقوولي شو فيج تفكيرج مال اول ,, ومثل العجايز ,, ليش ما نستمتع بحياتنا .. ؟
ويقولي بعد انه يحب الجماع الجماعي ,, يعني بيكون في القمه اذا شااف حد يمارس هالشي معاي ,, بس بشرط هو يجلب هالشخص ,, ومصر انه يعودني على اسلوووبه ف التفكير ,, والله صرت اخاف منه وايد ,, واتجنب الكلام وياه مثل اول ,,
واذا قلتله موقف صارلي وانا متضايجه مثلا حد قالي شي ,, وللا طالعني بنظره
والله يكون مستاانس وااااايد فووق ما تتصورون ,,
وكلام وايد وربي استحي اقوله ,,
انا الحين صارلي فتره زعلانه منه وما اكلمه وهو بعد ما يكلمني ,, لاني قلتله انت شااذ ,,
هل هو فعلا شااذ ؟؟ وللا هذا مرض ,, ارجوكم والله محتاجه حق ردوودكم
اللي عنده أي معلومات او خبره عن حالته يخبرني ,,
طيب كيف اتصرف معاه ؟؟ جد خايفه وايد
انا من عايله متدينه وايد ,, وهو بعد ,, بس مادري شو فيه ,,
اسمحولي على الاطاله ,, اختكم المحتاره

تم تعديل العنوان ليتضح المضمون ..الإشراف