اختي مشكلتي أصدق ... صراحة النقل كان الحل الوحيد جدامنا ..
الصراحة اللي صار إنه يوم تناقشنا مع أهلها نتنازل عن الاثاث وهم يتنازلوا عن المؤخر، هم رفضوا، فلما رفضوا أمي قالتلهم لا عيل خلاص إحنا راضيين بالصلح ونبي البنت. أمي بس قالت جذي، زوجتي جننننننننننننننت وعلت صوتها يا نصابين ويا أكالين حقوق الناس تبون الصلح عشان ما تدفعون مؤخري وتوجهت لي أيضا بالإهانة بسبب نفس الموضوع. والمصيبة الكبرى، يوم أمي غيرت مفتاح الباب لأنها خافت زوجتي تاخذ شي من الشقة ... هني كان السبب الحقيقي في النقل..
لأن زوجتي فضحتنا بعصبيتها بالعمارة وعلت صوتها وهزأت أمي تقولها يا جاااحدة يا حقيرة تغيرين باب شقتي عبالكم أنا حرامية ،، إذا بسرق منها جان سرقت من زمان، وتتحسب علينا وبهذلتنا بالعمارة ... من جذي اضطرينا ننقل إلى شقة أخرى من الفضايح

عرفتي ليش

انا اتوقف عند هذا الحد لأن ياخي امرك غريب كل شويه تغير في الكلام

اصلحك الله


رح طالع اول الموضوع وطالع ردك الحين!!!!!!!!!!!!!!!!!


اللي فهمته من حركتك هذي انك جالس فعلا تبرر لنفسك الطلاق

طلقها ياخي وارتاح

__________________
[/IMG]

الأخت مشكلتي أصدق .. زين أنا بشنو غيرت كلامي ؟؟ ممكن توضحين عسى أن يكون هناك سوء فهم أنا أقدر أوضحه

التائه قلبه .. بصراحة 55,000 ريال

ابد سلمك الله امسك ردودك واحد واحد واطبعها واقراها الليله وشف وش تغير

عطلت نفسي ولا قمت سويت عشا قلت لعل وعسى اطلع معك بفايده

بس دخت من كثر ما اقعد اربط في كلامك مع بعضه !!!! ولا طلعت بنتيجه



وللعلم الاخ قودمان مع احترامي له ولآرائه الا انه اعــــــــــــــــــــــــــــــــــــــــــــــــ ـــــزب لم يتزوج بعد ومر في تجربة طلاق

فبراحتك من اين تستقي الاراء


انا اقول احسن حل ( والله جد)

مش حتستفيد من هنا

رح عند شيخ ثقه جدا وياليت يكون من لجنة الافتاء حقت بلدك او السعوديه

وتعلمه بالموضوع وهو يعلمك بالأصلح لك ولها وبيعلمك شلون تصلح الامور وايش لك وايش عليك

هنا ياليل ما اطولك

__________________
[/IMG]

روحي مشكلتي واللي يسلمك سوي عشاك ربي يوفقك وتعشي بالعافية على قلبك روحي قلبي ما تعبي نفسك

__________________

الزببدة :

إنت ما تبغاها ، إنت تبغاها تتنازل عن المؤخر و خلاص

إنت تزوجتها عشان راتبها ، و أمك كانت حاطة عينها على راتب زوجتك ، و زوجتك ماهي غبية و فاهمتكم كلكم


حلوة هذه ؟؟؟؟؟؟؟؟؟؟؟؟؟؟؟ يا تتنازل عن المؤخر ؟ أو عن الأثاث ؟؟؟؟؟؟؟؟؟؟؟؟

و كل الإثنين من حقوقها ؟؟؟؟؟؟؟؟؟؟؟؟

بجد حرامية ، و تزعلوا من كلامها ؟؟؟؟؟؟؟؟؟

هي ما طولت لسانها على أمك ، إلا يوم أمك تعدت حدودها أكثر من مرة و هناك ناس ما ينفع معهم
غير كذا

حياتي روح هدي


اصلحك الله


ردوده اثبتت تناقضاته الله يهديه ويخلف ع المسكينه بأحسن منه

هو ادان نفسه بنفسه مايحتاج احنا نتفاعل

__________________
[/IMG]

وهل زواجهم كان ناجح
وجود الشيء لايعني صحته بضرورة الحال



الشيء الثاني..
عندك قناعات راسخة لن تتغير
ومع كل هالكم من الردود لم تقتنع

الشيء الثالث
عندك ضعف بالشخصية
تتحسس من كل حركة تسويها زوجتك وتعتبرها حرب لك
وتبدأ بإظهار أسلحتك
الرجل عادة الطرف المتحمل والصبور
كلنا خلقنا من ضلع أعوج
ولابد من التقصير والخطأ
ولافيه بهالدنيا كمال
يكون بعلمك المرأة أضعف بكثير مما تتصور
ولو هي متفوقة عليك بكل الجوانب تبقى أضعف مما تتصور
فلا تستقوي وتفرد عضلاتك عليها لأنه تنكسر من كلمة

الحياة الزوجية مو حرب مين يخسر ومين يفوز
ومافيها شيء لو مشى الزوج على رأي زوجته إن كان يراه الأصلح لحياتهم
الرسول صلى الله عليه وسلم أخذ برأي أم سلمة بشيء على مستوى اصحابه مو بس بيته

ويكون بعلمك زوجتك ماتملك الا لسانها بس
العصبية هي سلاحها
كلنا يالحريم دموع ولسان
شف أمك وخواتك بتلاقي نفس الشيء
ولو انك لما تعصب والا تبكي تضمها على صدرك بتكون فعلا أثبت لها قوة شخصيتك

أقولك لأنك استشرت
والمستشار مؤتمن
زوجتك وربي شيء نادر
حتى السلبيات اللي ذكرتها بعضها ايجابيات بس انت معصوب العيون
انا اعرف الحريم اكثر منك
ولا راح يصحيك ويهدك من هالبرج العاجي الا وحدة توريكم إن الله حق
وساعتها تكون زوجتك تزوجت واحد وطار فيها وعرفت كيف الناس عايشة وتعتبر حياتها معك الشدة اللي بعدها فرج
واللي يرفس النعمة ويظلم ربي يوفيه حقه

انت اللي معميك أنها إنسانة محترمة وراقية وجالسة تحاول تردم البيت فشفت حالك
ولو انها فعلا سيئة كان ركلتك أنت واهلك
والف يتمنى اللي مثلها

خاطري تكون رجال وتقرر قراراتك بنفسك
وتقلب امورك زين وتشوف المصلحة وين

ولو ماتقدر بنفسك تقرر لاترجع لطرف بالموضوع
روج مستشار اسري وكلمه عن مشكلتك ومطالبك ومطالب زوجتك
وشوف اقتراحاته