رد : محبتكم روح الطير..محتاجتكم [ مستجدات بالرد 30 - 31 - 34 ]
طبعا أرسل لها صورة ولدي الوقح ، و هو ماسكه ..
هذاك اليوم اللي أرسل لها الصورة،، أنا كنت خلاص مرة متضايقة بيوم 28 يمكن ؟؟؟
لإني حسيت نفسي لوحدي و هو مشغول عني و لا يدري عننا طوال الشهر و من قبل كمان ؟؟
بس زاد حاله مرة .. و ما يعطيني أو يعطي لنفسه فرصة إننا نجلس مع بعض و نصلح حياتنا ..
حياتنا كانت حلوة ، بس كان هو مو داري عننا و لا يسمع لي
آخر شي ، صرت اسكت و ما أتكلم ..
هذاك اليوم ، أنا كنت سااااااااااااااااااااااااااااااااااااااااااااااااا ااااكتة و لا أعمل شي
وصلت معاي ، و تركت ولدي معاه أول مرة ..
قام بيقهرني ، أخذ الولد و طلع برة ..
طبعا عشان باله مو معانا ..
.
.
و عشان ولدي ماشاء الله حلو ، فيعني إنه ، شوفي كيف ولدي حلو ..
و أنا زوجي الصراحة مو وسيم ..
بس كنت دايم أتغزل فيه و أبين له إنه ( توم كروز ) ..
و ما عمري قلت له إنك مو حلو ،،
يعني شكله عادي ، و سمين ..
و هو كان دايم يقول تغاري على واحد مثلي ؟
أقول له ( حبيبي إنت ، مافي مثلك .. و إنت أجمل شخص بعيوني ) ..
أحب أفرحه و أرفع من معنوياته
بس خلاص ، وقت ما الوحدة تبذل كل الأسباب و تلاقي زوجي مطنششششش
أكيد بالأخير طاقتها تخلص و تبدأ تتكلم و تتنرفز ، عشان تبغى تعرف إيش الأسباب و ليش التجاهل ؟
لحد ما ربي كشفه