السلام عليكم
قريت موضوعك كااامل يا مصونات
مو حرام تضيعين 7 سنوات تتذكرين طليقك بس انك عشتي معه مده قصيره ؟
وليه الحزن والكدر والضيقه !
عشان مين عشان ناس تافهه همها الكلام ؟
لو انتي مو مهمه ما اشغلتيهم بالمجالس وتكلموا فيك
الى متى عايشه بالماضي وبس همك فلان وش قال وفلانه وش قالت
الدنيا تخلص وكلام الناس ماتخلص
لا تقولين انتي لحالك مطلقه
انا وانتي وغيرنا كككثير هنا مطلقات
الطلاق مو تعاسه الطلاق صحيح " أبغض الحلال إلى الله الطلاق "
لكن بحالات يكون تفريج من رب العالمين
وش ذنبنا نعيش مع حتة رجال مايقدر ولا يحترم كيانك ؟
لك حق على نفسك لا تجلسين تظلمين نفسك اكثر من كذا
الله مايحب الظلم حرام اللي جالسه تسوينه بنفسك
محد يستاهل تتكدرين وتحطمين وتكرهين نفسك عشانه !
حبيبتي الله خلقنا لغايه وهي عبادته ، مو نحط يدنا على خدنا وننتظر رجال ونتزوج ونعيش تحت رحمته !
البنات هنا ماقصروا عطوك افكار ونصائح تتخلصين من كل هالتفكير اللي فبالك
بس انتي الله يهديك مصره تحطمين نفسك أكثر
كلنا مرينا بنفس تجربتك ، وتقدرين تحطين حد للناس كلها
الحمدلله تطلقت وهذا من فضل ربي
واسمع كلام من ناس ولا اهتم ولا لكلمه
الحين محد يتجرأ ويفتح فمه بكلمة غلط عني !
تغيرت شخصيتي ونفسيتي بعد الطلاق للأفضل الحمدلله
تجيني افكار سلبيه بس اتناساها وافكر بالمستقبل افكر بنفسي اكثر ، نفسي لها حق علي ككثير
*
" إِنَّ لِجَسَدِكَ عَلَيْكَ حَقًّا ، وَلِرَبِّكَ عَلَيْكَ حَقًّا ، وَلأَهْلِكَ عَلَيْكَ حَقًّا ، فَصُمْ وَأَفْطِرْ ، وَصَلِّ وَآتِ أَهْلَكَ ، وَأَعْطِ كُلَّ ذِي حَقٍّ حَقَّهُ ، فَلَمَّا كَانَ فِي الصُّبْحِ ، قَالَ : قُمِ الآنَ إِنْ شِئْتَ ، قَالَ : فَقَامَا فَصَلَّيَا ثُمَّ رَكَعَا ، ثُمَّ خَرَجَا إِلَى الصَّلاةِ ، وَجَاءَ أَبُو الدَّرْدَاءِ لِيُخْبِرَ رَسُولَ اللَّهِ صَلَّى اللَّهُ عَلَيْهِ وَسَلَّمَ بِالَّذِي أَمَرَهُ سَلْمَانُ ، فَقَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِنَّ لِجَسَدِكَ عَلَيْكَ حَقًّا مِثْلَ الَّذِي قَالَ لَكَ سَلْمَانُ " .
*
*
# شوفي حبيبتي غيري نفسك حبي نفسك غيري من شكلك اهتمي بشخصيتك ونفسك اكثر
غيري استايلك كوني غير بالعيد ان شاء الله شوي شوي وصدقيني بتتغيرين
اذا غيرتي تفكيرك ونظرتك لنفسك من داخلك
بتتغير كل حياتك للأفضل وتحبرين الكل على احترامك
*
*
ادري قسيت عليك بالكلام انا مجربه وضعك ولا ابغى تتعبين اكثر من الافكار هذي
وبإذن الله ربي يفرج همك ويفتحها بوجهك ياكريم
لا تردين رد سلبي ما ابغى اشوف ردود سلبيه
ابغى شي تفائل*
اذا تفائلتي وفكرتي بإجابيه بيصير كل شي حلو لك
الله كريم لا تستهيني بالأيام هذي وكثري دعاء والله يرزقنا وجميع بنات المسلمين الرزق الحلال

مشكورة ياريم نواف اشتقتلك وانتي الغالية علي والله الرمق الاخير كلامك ويحني واسعدني الله يوفقك ويسعدك علي قدر الكلام الي كتبتي لي انشاا الله ربي يغير حالي يارب ياكريم .......

حبيبتي مصونات
ابدأي بتغيير نفسك بيتغير كل شي فيك وبيتغيرون اللي حولك
محد يقدر يغيرك لازم انتي تبدين وكلللنا معك وراح نوقف مع بعض
الله يوفقك ويسعدك يارب

مصونات ,,, شخبارك
عساك بخير ... طمنيني عنك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

وشلونك دوندرمة واش اخبارك أخاف تزعلون من الشكوي عليكم ماتبغوني كذا انتم ...... دوندرمة بكيت عند ربي والله بالصلاة قليل أشوف التلفزيون ابغي ربي يستجيبلي كيف اعرف أنة ربي استجاب لي انتظر ردك حبيبتي .........

هلا وغلا حبيبتي

خير تعملي ,,, عليك بالدعاء والصلاة
وربي ما يردك الا وانتي مجبورة الخاطر

كيف تعرفي

ان شاء الله راح تعرفي انتي بنفسك

لسه انتي ببداية الطريق الصحيح
استمري عليه

كل ما تخنق العبرة
توضي وافرشي سجادتك وابكي مع الدعاء

حاولي تدعي للجميع من ظلمك ومن تحبين

سامحي الجميع حتى يرتاح قلبك

لا ترجعي تبكي على مخدتك ,,, قلت لك قبل ارميها ولا تعودي لها ابد


صدقيني راح تفرج عليك وتجي لك ايام تضحكي على نفسك وتقولي انا وين كنت ووين صرت
كله بفضل ربي

تعرفي ليش انا متاكدة
لان الله سبحانه وتعالى قال ,, ادعوني استجب لكم

فادعي حبيبتي لا تملي ولا تستحي
انتي تدعين وتطلبي من رب كريم رحمن رحيم


لكن بشرط اخلاص النية لله وحده والعمل الصادق


حبيبتي
ان تاخرنا عليك بالرد مو معناته زعلنا ولا ملينا
لكن اشغلتنا الحياة بما فيها

غيابنا بيكون بسببنا نحن مو انتي

فلا تشيلي هم شي

هذا نحن وصلنا والحمدلله للعشرة الاواخر من الشهر الفضيل

للاسف مر بسرعه ,,,ربي يتقبل منا ومنكم صالح الاعمال

فأستغليها حبيبتي خير استغلال
واشتغلي على حالك


دعواتي لك يا الغالية بجبر الخاطر والرزق الكريم

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

كيفك ايش اخبارك دوندرمة والرمق الاخير وباقي الأخوات اشتقت لكم تصدقن خواتي قلت استشارية نفسية أني مع بنات مطلقات في المنتدي تقول لاتقرين ولا تبعينهن هل هي صح او غلط
دوندرمة اختي الغالية ودي افضفض لك احس قلبي مجروح لية صرت كذا هل الطيبين مثلي مالهم حظ وشفت هالشي مالهم وجود يحطونة علي جنب والنجس يحطون لية الف حساب الحين دوندرمة شخصيتي اهتزت ماصرت قوية ضعفت ماحد يبغاني أخاف انصدم مستقبلا كيف اطمئن وارتاح بحياتي حاظري ومستقبلي انتظركن خواتي الغاليات

يأخوان والله ماضاعت الأسر وتفرقت وأنحرمت من السعادة
إلا عندما غفلنا عن خطر عظيم الا وهو شؤم المعصية
كما قال ابن القيم رحمه الله
( المعصية تمحق بركة الدين والدنيا )
أنصح نفسي وكل أخ أو أخت في ضائقة
1-التوبة النصوح يراجع حساباته في كل صغيرة وكبيرة
2-كثر الاستغفار
3- قيام الليل ولو ركعتين بأخلاص وتضرع لله
4- تحري أوقات إجابة الدعاء معروفه طبعاً
(الثلث الأخير من الليل _ فبل الفطور _ بين الأذان والاقامة _ قبل صعود الخطيب على المنبر يوم الجمعة _ آخر ساعة من يوم لالجمعة _ دعوة المسافر _ ...)

حبيبتي

هذا الموضوع اعجبني وايد



http://www.66n.com/forums/showthread.php?t=252903

اتمنى منك تسمعي المقطع وتكتبي لي الدعاء الموجود فيه هناااااا

حتى الكل يستفاد منه

واكيد طبقيه ,,, ضروري

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

كيفك يالرمق الاخير واش اخبارك انتي ومبتعثة ودندرمة .......