حيث النقاء

ردي السابق كان لظني أن مشكلتك فقط عدم التقبل وفهم مغلوط لشخصيات الرجال لكن اتضح لي بعد ردك على البليغ أن الموضوع أعمق..

*انتي بذلتي جهد كبير جدا لعدم الارتباط قبل الزواج..

*ثم بذلتي جهد كبير أيضا لتتقبيلنه..

*أراك تجلدين ذاتك كثيرا لعدم حبه..والحب مما ﻻنملك

*حصلت في عهد الصحابة كقصتك،ورخص لها الرسول صلى الله عليه وسلم الخلع بأن ترد إليه حديقته..

*أكرر مشكلتك الأساسية ليست تقبل بل حب..اعرف من ﻻ تتقبل زوجها لكنها تحبه..تشعر بأنه يملأ شي في نفسها تفتقده تشعر نحوه بميل..حالتك انتي مختلفة..فزوجك لم يكتب الله له نصيب في قلبك فضﻻ عن عقلك..

*رأيي أن تستخيري الله وتشرحي لوالدك الأمر والحمدلله على قضائه وقدره..

http://www.66n.com/forums/showthread.php?t=248571

__________________

اللهم أكفني ما أهمني بما شئت و كيفما شئت إنك على كل شيء قدير

............................

ان كنتي جاده تريدين الطلاق فهل عندك القدره على الاعتراف بماضيك كاملا لزوجك؟ واضمن لك ان تصلك ورقة طلاقك

الله عز وجل انعم عليك بزوج صالح ولكن هذه النعمه لا تشعرين بها لشؤم ما فعلتي في حياتك..

امامك الان طريقين:


الاول ان تخافي من عقاب الله وهتك ستره عليك وفضيحتك بين عباده وان تتوبي توبه نصوح عن علاقة سنوات وان تقبلي على ربك بالصلاة والاستغفار والانطراح بين يديه وطلب المغفره والا يعاقبك بذنوبك..
ثم تقبلي خدمة زوجك وارضاءه وطاعته والتودد له وعدم عصيانه لانه هو من يستحق منك الكلام المعسول وحسن المعاشره وتفهم نفسيته .. وليس ذاك المعاكس اللي قلتي عنه انه صعب الطباع ولكن تتفهميه ...!!!!

لا تستهيني باللي سويتيه في حياتك يا اختي اقسم بالله لو علم عن جرمك ابوك وامك واخوانك وزوجك لتحولت حياتك للجحيم
ولعيرك الصغير والكبير
وكرهك القريب والبعيد
ولكن الله ستر عليك ورزقك زوجا طيبا
فاحفظي نعمة الله
ومن تاب تاب الله عليه




الطريق الثاني
ان تطلبي من زوجك الطلاق
..................ا

لا حول ولا قوة إلا بالله!

حيث النقاء .. بدأت أشفق عليكِ والله.

ليتكِ كتبتِ بمعرف آخر!!!

__________________


اللهم طِيبَ الأثر .. وحُسْنَ الرحيل.

حيث النقاء

واضح انك نقيه مثل ما سميتي نفسك و ﻻ ازكيك

و لكن لم تصدقي انه يحصل الغش و الخداع حتى في الحب و المشاعر

صدقيني في ناس بارعه في التمثيل و عيش اﻷجواء و وقت التنفيذ يتﻻشوا

حبك لزوجك ﻻنه متدين دليل ثاني انك تنشدين النقاء فعﻻ

اللي يصير لك اختبار رح ترتقي فيه شخصيتك بإذن الله كثير

اذا اقتربتي من الله اكثر

و اذا بعدتي عن الله ممكن يكون عامل مساعد اكثر و اكثر للفرقى عن زوجك

و لزعزتك النفسيه اكثر

__________________
[img]http://im78.***********/FRd0Bi.jpeg[/img]

صارت تغيرات كثيرة اليوم
راح اكتب لكم لمن ارجع عند اهلي

ياليت من الادارة يحذفون اي رد يتكلم عن موضوع لي سابق

^
الله يألف بين قلبيكما ان كان هذا الخير لكما..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

اختي انتي شفتي زوجك بالنظره وشفتي طوله
ومماحد جبرك عليه
كنتي متحممسسسه وقرات موضوعك السابق
ولاايمكن اي شخص تضبيطنه زي ماتبغين حتى لو ولدك
لانه مو ساعه تنضبط باليد او عجينه تتكون زي ماتبي
الشريك شخصية اخرى
ومع الوقت يكتسبان من بعض
يندمجان
والعشرة اكبر موثر لللمتعاشرين

ماتدرين وش ربك كاتب لك
زوجك سيتحسن ماديا مع الوقت والترقيات
وانتي تتوظفين وتتغير الحال للافضل
اختي كل شي قبل الزواج كان قدامكم مكشوف
الحين خوضي تجربتك واتعبي قليلا وجاهدي واحتسبي الاجر
لاتعلمين ماايخبيه لكم القدر من جمييلا

البليغ
2 / هالنقطة والكلام هذا عمري مافكرت فيه ولا جاء ببالي ابدا ابدا ! لان كل الرجال اللي حولي ابوي واخوي وازواج قريباتي يطابقهم اللي كنت اقرأ عنهم ف ابي زوجي يصير كذا عشان احس برجولته ، ممكن اعتبرها افضل نصيحة مرت خلال مواضيعي كلها

بحكي لكم عن الاحداث اللي صارت
زوجي من امس الليل يطالبني بشيء مقرف ومكروه شرعا من الساعه 1 ونص لين 3 الا ربع وهو عارف اني مستحيل اسويها ولا صار وسويتها من تزوجنا ابدا
كان يردد الطلب باستمرار باستمرار وورى بعض مايفصل بين كلماته غير ثانتين او ثلاث ثواني ، وينادي باسمي فلانه فلانه فلانه فلانه فلانه ، انظغطت وماسكه نفسي مابي تتغير نبرة صوتي
اقوله مستحيل مابي يقول ليش ماتبين قولي اقنعيني انا زوجك ، ثم اكرر له نفس جوابي ويرجع يطلب مره ثانية وينادي على اسمي وارجع ارد ثم يطلب ثم يقول ليش وش السبب وووو على هالإلحاح ساعتين
لين ماقام وشال مخدته وراح ينام بالغرفة الثانية ويقول خلي الملائكة تلعنك وسكر الباب
طبعا انا ماكنت مانعته من حقه مجرد مااقدر اسوي هالحركة
جاني الصبح معصب يقول شفيك ؟ مبسوطة والملائكة لاعنتك ! قلت مامنعتك تقدر تاخذ اللي تبيه قال انتي عارفه وش ابي يلا تعالي ، ويرجع يلح علي ويمسك راسي ويقربني لجسمه ، ثم جلست اصيح ، قربني لصدره وضمني ، اقام
قام يصلي وقال لاجيت ابيك تصيرين حاطه مكياج ومتزينه لي ولاتغيرين لبسك
صليت وفكرت اسوي له اللوك اللي يحبه بس خفت يرجع يطلب الطلب نفسه ويلح فيه
جاء وماغيرت شكلي ، استغرب وعصب قال انتي شفيك وش ينفع معك ليش كلامك هو اللي لازم يمشي وش مقصر فيه انا وش تبين اسوي لك عشان تحسين ومن هالكلام
قلت يافلان انت ماقصرت معي ومعطيني حقوقي وزيادة بس مدري شفيني
انت تستاهل وحدة احسن مني ، قال فيه وحدة مثل وجهك وجسمك وتملى عيوني ؟ ، قلت اقلها تصير تحبك وتعطيك حقوقك وترضيك وش تبي بالشكل دام المضمون فاارغ
قال لاتفكرين انتي زوجتي ولا راح اخليك
بس تغيري ارجوك ارحميني قلت ان شاء الله الله كريم
قال مافيه ان شاء الله علميني شفيك لازم تتكلمين، وصار يلحححح يلحح ، قلت وش ينفع الكلام وانا لو قلت لك مابتسوي شيء
قلت انه خليني عند اهلي فترة قال لا وغيره
قلت خلاص لاتسألني انا كل الكلام اللي عندي بيجرحك مابيريحك قال اجرررحيني بس تكلميي ، حبيبي ليش اتكلم وكل مصارحاتنا ماغيرت شيء ! ليش اجرحك عشان وشو ، قال انا محتاج افهم وش فيك تكلمي ، ويلح وانا مو قادرة اجرحه ويلح لين قلت طيب ليش كنت طالبه الانفصال قبل الزواج انا ؟ قال عشان حنا مختلفين ؟ قلت لاغيره قال مدري نسيت يلا قولي ، قلت وش الكلمة اللي قلت لك ذاك اليوم ومن بعدها قلت لابوي قال مدري انت قولي ، قلت طيب في حديث يقول الارواح جنود مجندة صح ؟ قال طيب ! قلت له خلاص هذا هو ،
ومافهمني او انه كان يبيني اقولها صريحة
قلت مااحس انه فيه حب ناحيتك
قال يعني ماتحبني
قال تحبيني ان شاء الله ،
سكت ثم قلت طيب ماكنت قبل الملكة تقول انه بيتغير الوضع ماتغير شيء ! قال تغير ورجعتي
عشان كذا لازم اكلم ابوك
انصدمت ، مستحيل وش بيغير كلامه بيقول لي تغيري عطيه حقوقه ! طيب انا عارفه هالكلام بس مقدر
قال ليش ماتقدرين قلت بس
* كنت خايفة اندم وادري كل هالكلام بيكرره وقت ماهو معصب *
قال يرحم امك تكلمي عطيني الاسباب ليش ماتحبيني عشاني اصيح ؟ قلت يعني
قال طيب وش بعد
وقلت له بعض الاشياء انه ابيك كذا وكذا ثم قلت انا احسد المتزوجات اللي يهتمون لازواجهم ويحرصون يطلعون لهم بأجمل طله ، قال معنى كلامك انك ماتسوين هالشيء لانك ضامنه حبي لك واعجابي ناحيتك قلت ايه
ثم قلت والله بتتعب اكثر ، قال طيب شتبين
سكتت فترة ثم قلت مابي اجرحك ، لين قلت انه طلقني طلقه وحدة يمكن اعرف حقك وحق الزواج ، قال العصمة بيدي وانا الرجل
قلت خلاص هذا اللي عندي
فجاه قال انت طالق !
عورني قلبي مره بس حسيت ارتحت بقوة
قلت له انت طلقتني ؟ والف عنه وجهي
قال لا ماطلقتك ، قلت والله طلقتني
قال انا قلت طارق بحرف الراء ومابنيتي اطلقك
ثم صرت اصيح بقوة واقوله طلقني
قال خلاص بما انك صارحتيني وانا اشكرك على صراحتك ف بدور حل ويمكن اخليك عند اهلك فترة بس مافي طلاق
بعدها اخذ حقه ، ونام

صحينا على اذان المغرب قام يصلي
وطلع من غير مايقول لي باي

حسيت بشعور اني ابيه الحين عندي ، احساس اول مره احسه ، قمت اسوي القهوة وسويت حلا ع السريع ، وولعت فحم للبخور عشان ابخره ، دايما ابخر البيت بس قليل اجي لعنده وابخره وهالمره قلت لازم اسويها
رتبت الغرفة اللي نام فيها ورحت اتمكيج له * يعشق يشوفني متكحله وقليل اسويها من بعد ايام السفرة ، دايما عنده على طبيعتي * ولبست اللبس اللي يحبه ، سويت كل هذا وانا مبسوطة لأول مره
اشتقت له وتأخر علي ، خفت عليه
فكرت ادق له منها بينبسط ومنها اتطمن
بس قلت يمكن جاي بباله يثقل لو دقيت عليه بيخربها هه
دخل البيت على غير عادته من غير لايطق الباب من غير مايجي لين عندي ويضمني من غير مايقول هلا ب فلانه
اخذت المبخرة وبخرته
مدري هو زعلان من بعد المصارحه او بيتغير علي ، مافهمت تصرفه
قهويته ، حسيت لأول مره نفسي اقول له احبك طالعه من قلببي ، بس قلت مابي اقول هالكلمة وانا مو قدها ولا متأكده من شعوري
قربت لين عنده قلت له خذني لصدرك
قال لا ، قلت بنفسي يلا ماعليه
الجو كان صاااامت لين قال ، انا تأخرت مادخلت البيت كنت اكلم شيخ عشان اسأله عن الطلقه فقالي لاتقع ، ثم شرحت له وضعنا واستشرته . قلت ايوه وش قال لك
قال هذي لازم تأدبها وترميها عند اهلها ، بس لازم قبل تشرح لاهلها الموضوع
قال اني قلت له بس هي ماتبي اهلها يدرون
يقول قال لي الشيخ وانت على نياتك تشاورها بأي شيء ؟ خلك حازم وقرر لحالك
قلت له بس مو شرط كلامه يصير صحيح 100٪ خليني عند اهلي بس ماله داعي نعلمهم ، فترة وتعدي ان شاء الله مايصير ت
نشغل بالهم للابد
قال مالك شغل * قلييل يتكلم معي بهالأسلوب*
طيب سم
خليته ورحت اكمل شغل البيت
رجعت عنده ولعت الشموع فوق الطاولة
وجلست اكتب لكم ههه ، وهو طول الوقت على جواله
رحمته مره ، ادري انه يسوي كذا وهو متعذب
قربت له بست راسه ، ابيه يرتااح
ورجعت لجوالي
قال لي ، اسمعي ماراح تروحين لشبكة اختي *الشبكة مستعدة لها ومجهزة اشياء كثير ومن امس بالسوق اشتري الاغراض *
ليش ؟
ادري انك تحبين الطقطقه والرقص ف بمنعك
قلت مو عشان كذا بس مواعدتهم والاغراض اللي اخذناهم ؟ قال انا ادبرهم وانتي خليك عند اهلك ، مو انتي تبين كذا ؟ مو تبين اصير قوي وامنعك ؟
قلت لا مو كذا ، طيب اذا ماتبي تشوفني بروح مع ابوي وارجع
قال وخالي وش بيقول ! ي انا اخذك ولاماتروحين
قلت اللي يريحك ولو اني منحرجة من اهلك

راح الغرفه واسمعه يحوس
ناداني ورحت له وفهمت انه يبيني
حسيته خرب كلل شيء
بعد ماخلص ، وانا ببالي هل بيخليني فترة عند اهلي ولالا وصعبة اسأله
لين قال قومي خوذي اغلب اغراضك بخليك عندهم
عورني قلبي كثير
رتبت اغراضي وقلت له ابي اضمك شوي قال لا
لبست عبايتي ورحت بيت اهلي

*اعتذر عن التفصيل الزايد ، حبيت ابين لكم طريقة اسلوبه واسلوبي*

لأول مره احس ابي بيتي وودي انام عنده
لأول مره احس اني بشتاق له

السؤال الحين
كيف اكذب على اهلي لاجاء الويكند وما اخذني ؟
كان ممكن اقول عنده دورة بالشرقية او اي مكان بعيد ، بس اخوي ساكن معه بنفس شقتهم : (

تطور حلو.....

بي ايش رايك بالشخصيه الجديده لزوجك


للاسف شخصيه( بشششعه لو استمر كذا)