احلى كلمتين ختمتي ردك فيهم ( استغفر الله العظيم)

بعدين حبوب الحمل لازم توقفيها ركبي لولب او تصرفي ايش تنتظري يجيك ضغط او سكر او جلطه بعيد الشر

وارجوك اطفالك هم وناستك تعوذي من الشيطان اذا فكرتي تمدي يدك عليهم والله مالهم ذنب

كنت زيك قبل اضربهم والان غيرت
لما أكون معصبه او حزينه والله احضنهم من قلب وتنزل دموعي غصب عني وارتاح حسيت حضنهم دواء لنفسيتي خاصه لما يضحكو وانا احضنهم جربي

وزوجك صدقيني من كثر تفكيرك فيه رح تتخربطي لما تقابليه وتجيبي العيد
اشغلي نفسك الان بأمور تحبيها ومنها قراءة القران رح تهدأ نفسك وتكوني طبيعيه لما تقابليه صدقيني بتندمي انك ضيعتي وقتك بالهم لشيئ مجهول ....

الله يجزاك الجنه على بلسم كلامك
الحمدلله اقرأ البقره يومياً
اكيد اني مع الأيام بهدأ ومافي شي يبقى على حاله
الحمدلله الله ييسر كل خير ويعطيني القوه والصبر

بائعه ان كان زعله بس علشان الكلمتين الي قلتيهم صدقيني هذا ابد مو مبرر له يزعل كل هالمده ويتركك
الا ان كان منتظر الزله منك علشان يتحجج هذا شي ثاني
لكن حطي ببالك ويقينك ان الارزاق بيد الله وحده لاشريك الله
يعني اذا ربي كاتب لك معه نصيب يكمل معك لو عيوب الدنيا فيك بيتحملك ولو ربي ماكتب لو انك ملاك بتنفصلون
ليش اقولك كذا ؟
علشان تعلقين قلبك بالله وحده وترتاااحين
طبعا اذا آمنتي بيقين تام بان الرزق بيده الله وحده بتصيرين بس تدعين ومفوضه امورك لله وحده وربي بيحقق مرادك اكيد
من توكل على الله فهو حسبه اي كافيه مااهمه
ممكن تبحثي بمقاطع عن كيف احقق التوكل واليقين
اسأل الله ان يحنن قلبه ويرده لك ردا حميلا

اخت عذاري
اكيد ماراح يكون من عالكلمتين
اكيد فيه تراكمات في نفسه الله أعلم ماصرحها قبل كذا
وانا ماوضعت موضوعي إلا لأنه قسم لمشاكل المتزوجين
يعني كنت ابي نصيحه فايده شي غلط ماانتبهت عليه وله الأجر اللي ينبهني
ماكتبت اللي حصل لي إلا لأني محتاجه وقفه من أشخاص افادو غيري وقلت يمكن يفيدوني بشي أستفيد منه بتعاملي مع زوجي طوول عمري
اشكرك اختي
الله لايحطك في موقفي اللهم آمين.
شعوري لايوصف بسبة تعامل زوجي الله يهديه
من حب أن ينصح أو يذكر فالذكرى تنفع المؤمنين
ومن حب يساعدني أو يوجهني فله الأجر
استفدت كثير من نصائحكم افدتوني الله يسعدكم
شكراً لكم

لاتستهينون بمشكلة غيركم والله نفسيتي تعبت
تعامل الزوج مو بسيط على نفسيةالحرمه لما يتغير فجأه
واشوفكم ماشاء الله تساعدون في بعض المواضيع إلى مالا نهايه
مع أن فيه موضوع مشابه لموضوعي مااشوف وحده قالت خلاص طنشي وأشغلي نفسك بشي مفيد رحمتك كثر ماتدخلين الموضوع
مااعرف ايش اقول بس
ماحد وده يوقف معاي وان كتبت خطواتي اللي جالسه اتبعها صحيحه أو خطأ
أكمل أو اكتفيتوا
وأكتفي؟؟

بائعة انا متابعة لموضوعك

قلت لك وقفي اتصالات وارسال انا ماني متفقة مع اللي يقولون لك ارسلي له ولاتكفي على المبادرة!!

ايش سويتي له عشان ينصحوك هيك؟

انت سمعتيه كلمتين وهو السبب فيهم اعتذرتي له واظهرتي ندمك له ومن يوم سافر انت ترسلين له وتسئلين فيه طيب ايش يبي اكتر من هيك!

اذا عندو تراكمات مايحق له يفجرها بسبب كلمتين تافهين

وانت للاسف قاعدة تعززين عندو خطأك وتكبرينه بعيونو خلاص وقفي اتصالات وخلليه يحس انو مزودها

أنا مع هذا الرد وكمان أحب أقولك اني متابعه موضوعك وشايله همك والله لأن الطلاق شتات خصوصا مع وجود الأطفال وصعب جدا لما يكون بعد عشره

وقلة مشاركتي في موضوعك ترا أبدا مو من باب عدم الاهتمام لكن أحس مافي شي أنصحك فيه.. في رأيي سويتي اللي عليكي والكرة الآن في ملعب زوجك

يمكن بس باقي أنصحك انك تدعي ان ربك يفرجها وتكثري من الاستغفار مع اني عارفه انك بتسوي هالشي

الله يهدي بالك ويفرج همك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

الله يجزاك الجنه ياحبيبتي
ساعة استجابة الله يقبل دعائك
الله يصلح الاحوال يارب
آمين

قلوب حائره
بيننا تواصل ولكن أسلوبه رسمي
وانا الحين صرت مثله كلمه ورد غطاها
والرسائل رسايل عاديه عامه
أن رسل أرسل ولو مارسل ماأرسل إلا أحيان ارسل
صوره لعياله أو فيديو لهم وبس
كبر الخطأ يمكن لشيء جهلته وهوا اعتبر نفسه الفاهم الكبير اللي مايغلط أبد
الواحد يسامح عشان لما يغلط الناس يسامحونه
استغفر الله العظيم

هم قصدهم
اللي علي اسويه حتى بكرا مايقول انتي ماسألتي أو مو فارقه معك
تعرفين الواحد ماوده يعطي للشيطان طريق